Harei camereip padang tagok, Kapul hu 5 urang nan lac Nông Văn Dền hu bí danh lac Kim Đồng, Nông Văn Thàn lac Cao Sơn, Lý Văn Tịnh lac Thanh Minh, Lý Thị Nì lac Thủy Tiên saong Lý Thị Xậu lac Thanh Thủy; Kim Đồng hu pok ngak akaok kapul 

    Meng harei nan tal urak ini, tui bruk cách mạng di Đảng saong hu Đoàn tacei ba, Đội dak harei dak cakrok. Tui yaok saman, Đội hu salih angan ka nyu lagaih haong bruk di cách mạng saong pabak hatai caong di thiếu niên, nhi đồng. Meng tuk camereip angan  “Đội Nhi đồng Cứu quốc” tal harei 30/01/1970, tui caong khin di  thiếu niên, nhi đồng dalam taneh ia, mBan Chấp hành Trung ương Đảng tabiak Sarak brei Đội hu mek angan Wa Hồ praong uranam ka Đội Thiếu niên tiền phong Hồ Chí Minh

       Luac dalam 2 mbang mesruh metak suai livik di bangsa, dom đội viên, thiếu nhi kham merat hu mbaok tame bruk cách mạng, ngak hu rilo bruk yau  Đội thiếu niên du kích Đình Bảng, Đội thiếu nhi Bát Sắt (Hà Nội), Đội Thiếu nhi Thành Huế, Đội Thiếu nhi Đồng Tháp Mười... rilo đội viên thiếu nhi anh hùng hu mboh yau Kim Đồng, Dương Văn Nội, Phạm Ngọc Đa, Vừ A Dính, bloh hadei di nan lac  Nguyễn Bá Ngọc, Kơpa Kơlơng, Trần Văn Uẩn... Dom urang nan jeng kreih camin hadah ka dom rai thiếu nhi Việt Nam ngak tui, ngak brei hadah tanyak sajarah di Đội Thiếu niên tiền phong.

      Dalam bruk padang chủ nghĩa xã hội, dom bruk ngak di Đội hu kak kajap haong jalan ngak ka rahra kaya meda, taneh ia khang kajap, xã hội công bằng, dân chủ, văn minh.  Bruk “Kế hoạch nhỏ” saong yaok ribau bruk karei di grauk labik dalam taneh ia hu ngak jeng dom cơ sở vật chất ka uranaih saong ka xã hội. Bruk padang Hợp tác xã Măng non, padang dom kadung jien “Brei ka ayut kan kathaot”, “Daong tài năng trẻ”,kadung jien Vừ A Dính, Đôrêmon, Giải thưởng Kim Đồng... dui pachreih hu yaok tỷ đồng piah daong ka yaok ribau ayut kan kandah hu jien nao bac, ba drei tame raidiuk... Tuk pahadar 60 thun harei padang Kapul (bilan 5/2001), Karja drei hu pok Huân chương Sao vàng – lac bruk pok meyaom praong glaong abih di Đảng saong Karja brei Đội Thiếu niên Tiền phong Hồ Chí Minh

    Anak bruk patagok khang gah ilamu công nghệ saong bruk mbeik drei yam tame kinh tế dunya di taneh ia, Đội Thiếu niên Tiền phong Hồ Chí Minh hu dom cakrok bahrau ngan saong 12 triệu đội viên saong labaih 6 triệu nhi đồng; jaik 30.000 tổng phụ trách dalam dom sang bac, urang jakar iek gah thiếu nhi di puk palei, yaok ribau urang jakar chuyên trách saong kapul urang pambuak bruk naih gheih hu ilamu dalam dom cơ sở Đội, Nhà thiếu nhi, daok harei melam ba abih hatai jai tabiak kham merat ka bruk cakrok di “thế hệ măng non” di taneh ia.

      Patagok ilamu “Umo sit ngak bruk sit” dom rai uranaih kham merat hu mbaok tame bruk “Nghìn việc tốt” saong tapa nan hu mboh dom kreih camin uraniah hadah krah,, dom kapul naih gheih, hadah krah dalam bac da-a, pasram megru saong hu mbaok tame dom bruk xã hội yau: Dũng cảm daong ayut, daong amaik ame, iek glang ong amuk, amaik ame... Bruk “Kế hoạch nhỏ” hu salih bahrau asal kadha saong jalan ngak, rik daong tame bruk pato pakai uraniah thau patak pataom, khik caga môi trường saong thau jum pataom, anit ranam gauk, daong ba gauk, thau klah rabha haong menuac sia.

     Harei ini, ala bruk pan akaok di Đảng, bruk tacei ba di Đoàn saong bruk iek glang di xã hội, Đội Thiếu niên tiền phong Hồ Chí Minh, thiếu niên, nhi đồng Việt Nam daok hu dom mbuan lagaih bahrau piah yam tui jalan di ong muk amaik ame, dak padang Kapul dak harei dak khang kajap./..