Harei 30-9, Thủ tướng Nguyễn Xuân Phúc, Phó thủ tướng Trương Hòa Bình saong Phó thủ tướng Trịnh Đình Dũng hu tabiak panuac peih ngak 3 danak dak binah di jalan cao tốc Bắc - Nam, hu canah jalan Mai Sơn – jalan roya 45, Vĩnh Hảo - Phan Thiết saong Phan Thiết - Dầu Giây meng jien kanja. Yaok danak dak peih ngak sa paok thầu padang ngak piah ngak peih ngak dahlau. Meng puac bilan 10-2020, tuk pilih ruah blaoh gah thầu di 10 paok thầu daok viek, meda peih ngak haong gauk piah ngak salah di puac thun 2022. Brei panuac di tuk peih bruk padang ngak danak dak Mai Sơn – jalan raya 45 di Thanh Hóa, Thủ tướng Nguyễn Xuân Phúc ndem lac: " lambaok ka rajaei, dalak pok manyaom saong taong yaom glaong, thau dhar phol bhap bini hu jao taneh ka danak dak praong di taneh ia". Thủ tướng jeng hu panuac kakei lac: "brei ngak ka nyu tani tanat, jhui ngak meng ngak, blaoh danak dak njauk kan kandah tuk salah”.

 Harei ni 1/10 (tui tuk vak Việt Nam), Akaok mintri  Tài nguyên song  Môi trường Trần Hồng Hà lambaok rajaei  Việt Nam hu mbaok tame song brei panuac di nyaom biai pakat negar di  Liên hợp quốc ka bruk đa dạng sinh học hu angan  “Bruk ngak chip  ka đa dạng sinh học kayua bruk patagok khang kajap” tui jalan online. Nyaom biai piah brei thau veik panuac sinya pasiam veik talei pambuak bruk di anek menuac song langik tasik, jalan langyah dom makna ba tal  salih karei đa dạng sinh học; brei mboh yaom glaong di bruk khik kajap đa dạng sinh học dalam dom bruk patagok khang kajap  song pacang cakak biến đổi khí hậu. Brei panuac  di mbang nyaom biai, Akaok mintri Trần Hồng Hà brei thau: Urak ni, đa dạng sinh học dok dalam tuk kan kandah prong  kayua dom bruk ngak di menuac urang, abih di nyu nan lac meng dom makna, bruk pablei salih anek athur suan hukum dok tagok, patrun mblang taneh glai kayua khuah glai song bruk jah tak kayau, bruk pandiak tagok di dunya kayua biến đổi khí hậu.

  Ủy ban bhap bini tỉnh Bình Dương bahrau peih peih pakak saong peih bruk padang ngak rilo danak Salam uan nyaom roya Đảng bộ tỉnh Bình Dương mbang ka XI vaktu 2020-2025. Hu thau, Tỉnh caga peih bruk padang ngak saong peih pakak 9 danak dak ka bhap bini, dalam nan hu 4 danak dak hu peih pakah saong 9 danak dak daok caga padang ngak. Dalam nan hu 4 danak dak peih pakak saong 5 danak dak daok caga ngak. Dalam 4 danak dak peih pakak hu 2 danak dak pandang ngak bilai y tế, daong patrun patakik menuac pataom gauk nao iek ruak di pak ni; peih pakak sang meng kan Thủ Dầu Một ndung bak sajarah labaih 100 thun; danak dak pandang ngak 16 bilik bac di sang bac Trung học cơ sở Phú Mỹ lang talaih hu bruk  quá tải anek saih saong bilik bac pakat trung học ka palei, rik tame bruk paglaong chất lượng pato magru di tỉnh.

Biar harei 30-9, UBND tỉnh Lâm Đồng hu mbaoh tangin tame harak ka bruk jao brei  10 drei  limo lai limo sang  (F1) song 1 drei limo  lai (F2) ka bein pakat negar  Phước Bình (tỉnh Ninh Thuận) raong, iek glang, khik ramik, dalam bilan 10 ni. Tapon limo lai 11 drei ni  lac drap ar meng danak dak  roh duah ilamu  pakat karja  dok hu rong kreih di palei Bạc Rây 2 (xã Phước Bình, huyện Bác Ái, tỉnh Ninh Thuận) dalam tuk dok eik lipa ruak kik song lavang lavaih.

Labaih 100 siêu thị Co.opmart saong Co.opXtra daok peih danak dak blei rilo laba rilo, ưu đãi praong, trun yaom biak rilo, meng harei ini tal 7/10. Rilo pandap panda tok hu yaom pablei meng 1.000 đồng, abih di nyu nan lac yaok ribau pandap di 40 janih daok hu pablei yaom 0 đồng. Danak dak hu pandar ka dom urang blei dom pandap yau nan haong số lượng dalam sa hóa đơn. Bruk dom siêu thị patagaok bruk khuyến mãi lac piah pachreih urang blei pandar, oh njauk daong gah kinh tế bo daok nao gam haong urang blei pandar.

  Di tuk vak tamat mbang giao dịch mesup 1/10, Sở Giao dịch chứng khoán Tokyo (ieu katut lac  TSE) oh ka hu  giao dịch veik kayua bruk  kỹ thuật. Ni lac mbang camereip  meng di bilan 1/2006, TSE brei padeih tong abih  bruk giao dịch. Hãng tin Kyodo brei thau TSE brei padeih dom giao dịch dalam harei 1/10 song ni lac bruk jhak di abih meng dahlau mbiah tal ni bo sở giao dịch chứng khoán prong ka 3 di dunya ni daok gaok.Gam song  Tokyo, dom sở giao dịch chứng khoán di 3 ban prong karei  di Japon, lac Fukuoka, Nagoya song Sapporo, jeng brei padeih giao dịch kayua pandar sa jalan haong TSE piah langyah bruk pablei salih.

 Dom Thượng nghị sỹ Mỹ bahrau hu panuac ieu Tổng thống Mỹ Đô-nan Trăm (Donald Trump) peih bruk pasang iek pakat dunya ka bruk urang chính trị Nga A-lếch-xây Na-van-ny (Alexei Navalny) mboh yau njauk buh jru mek meng chất độc sinh học jaik di ni. Dom Thượng nghị sỹ Mỹ ndem lac mayah dom panuac ndom lac buh jru pametai lac njauk, bruk bol bala Nga pandar vũ khí hóa học atau  sinh học lac ngak suan hukum dunya saong brei hu dom jalan taong phat khang.

Tổng cục hàng không dân dụng Ấn Độ khan lac daok brei padeih dom mbang par pajeng tuai dunya nao saong mai meng negar ni mbiah tal harei  31/10  anak tal. Min, bruk ini oh pandar ka dom mbang par pajeng pandap dunya jang yau dom mbang par biak karei. Ấn Độ brei padeih dom mbang par pajeng tuai dunya tuk batabiak bruk paatah di gauk pakat negar di puac bilan  3 meng bloh piah pacang caga jit  COVID-19 njom mbak. Dom mbang par dalam negar hu peih veik meng harei  25/5.  Dalam tuk nan, urang jakar  Jordan ndom lac rajaei negar ni meda tabiak bruk paatah di gauk dalam negar hadei di tuk hu  1.767 urang njom bahrau  COVID-19 dalam sa harei. Ni lac urang ruak bahrau dalam harei glong di abih di negar  Trung Đông ni meng di tuk jit ruak rah tabiak ./.

Urang lang: Thu Thảo -H.Pha - 1/10/2020  15:09:38