- Khám jeng biak samar min manuac urang iek ruak rilo nan ye njauk cang hasit. Pak ini đơn jru hu in abih, drei puac jeng mbuan thau saong biak cambaih laih.

- Drei nao meng 8 tuk, khám dalam labaih kurang sa tuk. Mek jru jeng samar.

- Ngak harak gar biak samar, oh cang lavik. Drei jeng takre mai iek ruak pak ini.

Nan lac dom panuac brei mboh bruk njauk hatai di bhap bani tuk mai iek ruak di sang iek ruak Đại học Y Dược TPHCM.

Sa dalam dom  jak jeng praong di sang iek ruak ini dalam bruk pandar công nghệ thông tin nan lac peih ngak siam bệnh án điện tử dalam sang iek ruak samu gauk saong hệ thống lưu trữ, truyền thaot binguk dalam y khoa. Hệ thống phần mềm ini hu brei thau dahlau ka dom urang dị ứng jru, tương tác jru, urang kamei metian, taong yaom bruk dinh dưỡng, peih ngak kháng sinh pacang caga, brei adat jru lâm sàng hu mbaok dalam chỉ định pandar jru di bác sĩ iek ruak...

  Bác sĩ Âu Thanh Tùng, Akaok khoa Khám bệnh, Sang iek ruak Đại học Y Dược bal raya HCM brei thau, tapa bệnh án điện tử, bruk iek ruak ka urang ruak tuk halei jeng brei thau cambaih laih, plaih dom bruk suan rah tabiak: Urang ruak mai iek ruak veik ye taong abih dom dữ liệu pambuak pagam tal bruk  iek ruak hu bác sĩ mong iek. Bác sĩ pasang iek ruak hu caik abih tukvak piah pasang iek ruak saong tư vấn, daok taong abih dom thủ tục hành chính pambuak pagam tal angaok bệnh án điện tử jeng hu nhân viên daong.

Di sang iek ruak quận Thủ Đức- sang iek ruak akaok meti di Việt Nam peih ngak iek bệnh án điện tử dalam bruk pasang iek ruak, yaok harei hu jaik  6.000 mbang urang mai iek ruak, yau nan min, tok quét mã vạch thẻ Bảo hiểm y tế saong brei thau chuyên khoa ka nyu njauk nan lac urang ruak hu số thự tự tame duk iek ruak. Daok bruk nhập viện ye harak gar jeng mbuan jang dahlau. 

Yau nan min, dalam tukvak akaok mereip peih ngak hồ sơ bệnh án điện tử gaok biak rilo kan kandah. Dalam duk iek riak, bác sỹ brei hu 1 baoh komputer saong 1 thiết bị thông minh, 2 điều dưỡng jeng brei hu 1 baoh komputer nan ye bruk pabak máy móc nan lac bruk njauk kuhria tal. Tuk ngak iek, khoa njauk peih ngak 2 bệnh án gam gam, nan lac gam ghi chép bệnh án meng harak ba-ar gam khik tame bệnh án điện tử. Kayua yan nan ye bo dom y bác sĩ, nhân viên khoa bhian kham merat ngak jang 2 mbang bruk ngak dut haong thông thường. Hu rilo mbang, tuk ngak blaoh hồ sơ bệnh án ka urang ruak min chữ ký điện tử oh pandar hu, dữ liệu njauk lahik, nhân viên y tế njauk cih ngak veik meng dom bệnh án harak ba-ar.

Bác sĩ Trần Nguyễn Ái Thanh, Akaok khoa Nội Tổng quát, Sang iek quận Thủ Đức brei thau: Tuk bộ phận công nghệ thông tin oh ka siam ye bruk mbuan lahik dữ liệu, kết quả xét nghiệm…nan lac bruk mbuan rah tabiak, tuk nan njauk ngak veik, abih rilo pren yava. Taphia di nan, dom biểu mẫu yau harak truyền darah, harak hội chẩn…tuk bahrau peih ngak oh ka hu bo njauk cập nhật từ từ. Nan lac dom kan kandah akaok mereip bo jabat peih ngak bệnh án điện tử njauk kuhria mboh dahlau piah hu jalan langyah siam jang tuk hu bruk rah tabiak. Bác sĩ Thanh ndom lac: Anak dom kan kandah yau nan, khoa njauk pambuak bruk khang kajap haong IT, yaok adit atau tukvak akaok mereip ye IT hu mbaok abih pak khoa. Mong yau pasram gam gam. Hadei di tuk peih ngak di dom khoa hu siam mekre meng brei ngak tapa dom khoa karei, yau nan meng hu siam jang.

Tui urang pal akaok Sang iek ruak quận Thủ Đức, meng thun ini nao ye hu quy định cambaih laih ka bệnh án điện tử, nan ye sang iek ruak meda likau thẩm định oh brei in bệnh án tabiak harak ba-ar tra. Thạc sĩ Huỳnh Mỹ Thư, akaok duk Khik iek chất lượng – Sang iek ruak quận Thủ Đức brei thau, taong abih hệ thống thiết bị di sang iek ruak jeng hu jalan caga, njauk khik ka bruk pasang iek ruak saong lưu trữ hồ sơ bệnh án điện tử hu siam jang: Sang iek ruak tuk halei jeng hu jalan caga lac meyah mạng nyu klaoh ye sang iek ruak meda salih tapa jalan ngak meng offline yau habar saong langyah ka urang ruak yau habar. Sang iek ruak hu pato pasram piah tuk gaok bruk ini meda hu jalan piah thau langyah.

Tui Thông tư di Mentri Y tế, bruk peih ngak hồ sơ bệnh án điện tử hu parabha jeng dua 2 tukvak: dalam nan, meng 2019 – 2023 peih ngak di dom sang iek ruak Pakat 1, tukvak meng thun 2024 – 2028 di taong abih dom labik iek ruak. Yau nan min, tui rilo sang iek ruak, urak ini, yaok labik ngak bệnh án điện tử tui sa phần mềm karei di gauk. Kayua yau nan ye Mentri Y tế njauk patabiak jalan ngak piah ka dom sang iek ruak tui nan bo ngak, hu yau nan dom sang iek ruak dalam negar meng ngak hu bruk liên thông dữ liệu haong gauk./.