Dom labik pabak pandap ka dom adei 

Akok QH Vương Đình Huệ hu var taom mbaok kapol doanh nghiep di Var ndem biai nao mai saong dom urang pan akaok doanh Viet Nam saong pok meyaom dom angan je pandap Viet Nam di melam kabroi. Di var taom mbaok, urang lambaok dom doanh nghiep brei thau, tukvak tapa, Đảng, Quốc hội saong Rajaei brei sumu ramik pasiam dom jalan ngak, sarak, ba mbuan lagaih ka doanh nghiep dalam tuk jit Covid-19. Doanh nghiep khin QH, Rajaei brei hu khung hukum ka bruk salih tapa số negar; hu sarak daong ngak tabiak dom chuoi pabak, patagok jalan offline tagok online; trun jien je…Dom doanh nghiệp jeng caong khin brei patagok jang bruk pasang iek di QH dalm bruk peih ngak sarak, ba mbuan lagaih ka doanh nghiep saong urang ngak piah pasiam bruk ngak mbang, pablei salih.

Peih ngak danak dak “ riyah saong camputer ka adei”, Mintri pato magru taduan hu panuac caong computer di 56 tỉnh, ban abih tih labaih 2 triệu 200 ribau anek saih sang kan kandah. Kuhria tal harei 12/10, dalam gah pato magru jak ba hu labaih 67 tỷ đồng, labaih 800 ribau pandap panda. Dom tập đoàn viễn thông hu padang viek 283 labik papar riyah di dom tinh, bal daok brei paatah di gauk. Mintri Thông tin Truyền thông brei thau, 100% labik brei hu Internet piah khik tani tanat bruk bac online hu ngak salah. Yaom jien piah blei 1 triệu pandap bac online hu ginup, min bruk blei pandap daok gaok kan kandah ka labik pabak.

UBND Ban Cần Thơ birau hu Dự thảo Danak dak pambuak 7 tỉnh, ban bhum taneh Nam Sông Hậu dalam bruk pacang caga jit Covid-19 saong cak rok patagok kinh te; tui kuhria dahlau sa nyaom biai online meda peih ngak di harei 19/10. Dom tỉnh hu mbaok tame danak dak Cần Thơ, Sóc Trăng, An Giang, Kiên Giang, Hậu Giang, Bạc Liêu saong Cà Mau. 6 bruk praong dalam danak pambuak nan lac y tế, ngak nong, pbalei salih - dịch vụ, thông tin-truyền thông, jalan mbak pajeng ba saong urang ngak bruk. Danak dak brei peih ngak sumu gauk  dom jalan pacang caga siam ka prein yawa di bhap bini; tani tanat chuoi pabak; ba mbuan lagaih ka bruk nao mai hu salamat; jhul pakhang bruk pambuak pajeng ba, buh jien tame ngak mbang, pablei salih, dulich, ngak nong.

Tỉnh Bình Thuận bahrau ba tabiak adat ka bruk tui iek prein yava dom urang meng dom tinh, bal mai palei. Tui nan, dom menuac meng ban raya HCM,  tỉnh Bình Dương, Đồng Nai, Long An hu harak dut iek mboh âm tính haong SARS-CoV-2 daok tukvak dalam 72 maong, atau thit ruak COVID-19 dalam 6 bilan meda eng drei tui iek prein yava dalam 7 harei. Dom urang ka oh klauk ginup vaccine caga COVID-19 njauk daok karei di labik daok 7 harei. Dom urang ka oh klauk vaccine njauk nao daok karei pataom gauk 14 harei.

Ninh Thuận hu labaih 450 labik ngak hadang pajaih. Meng akok thun mbiah tal ini kayua jit ruak Covid-19, bruk ngak tabiak saong pablei gaok kan kandah. Bruk blei hadang pajaih trun ba tal dom labik ngak ngak dang pajaih pablei di Ninh Thuận trun prein ngak, ngak tok meng 20% tal 40%, hu dom labik raong brei padeih. Kuhria mbiah tal kreh bilan 9 thun 2021, hadang pajaih di Ninh Thuận lac 30 tỷ drei, sumu labaih 70% bruk ba tabiak.

Di mbang ginum biai online G20 kayua Italy dang akaok, EU sanya lac daong  1,2 tỷ USD ka Afghanistan piah pacang cakak bruk pajalieh biak trak  gah pahla saong kinh tế - xã hội. Paok jien daong di EU meda daong tapak ka bhap bini Afghanistan, hu payua tal dom kapul di dunya daok ngak bruk di pak ini, oh jao ka rajaei Taliban bo EU ka oh ông nhận. Gah pasang iek brei thau lac tui kuhria di EU lac daong piah khik tani tanat ka Afghanistan, jang yau daong ka dom taneh ia daok di krieh dom taneh ia ini haong bhum châu Âu, piah pacang cakak manuac di cư.

Tổng thống Philippines Rodrigo Duterte brei kakei jalan ngak bruk saong dom urang huac klauk jru pacang Covid -19 meng bruk tame sang urang saong lua klauk jru. Dalam kadha brei panuac di harei 11/10, ong lac hu ong hu mbaok tacei ba dom bruk tame klauk jru di melam.  Philippines brei peih ngak danak dak klauk jru Covid-19 meng bilan 3, pandar vaccine Sinovac di Trung Quốc. Tổng thống Philippines jeng hu ba tabiak jalan taom catang ngan saong urang oh brei klauk jru, tuk gham buh guk atau patrauk tabiak truh taneh ia./.

Tổng cục khik ramik jru tavao Ấn Độ daok pasang iek dom panuac ieu  ka bruk brei harak adat pandar ssamar drah vaccine Covaxin di hãng jru dalam taneh ia Bharat Biotech duh ka urang meng umo 2 - 18 thun. Mayah hu brei tapa, ini meda lac sa dalam dom vaccine caga COVID-19 camriep duh ka urang meng umo 2-18 thun hu brei harak adat, ba mai sa jalan ngak biak praong dalam danak dak klauk jru di Ấn Độ. Tal harei 13/10, Ấn Độ klauk hu 960 triệu mbang vaccine COVID-19, jaik 20% rahra hu klauk ginp 2 mbang./.

Urang lang; Thu Thảo -Ái Nghiêm -13/10