Tổng Bí thư, akaok negar Nguyễn Phú Trọng 

Nyaom biai mbang ka 14 Mban CHTW Đảng khoá XII hu peih tabiak tuk mesup ini (14/12) di Jabat TW Đảng. Tổng Bí thư, akaok negar Nguyễn Phú Trọng ndom lac: Nyaom biai mbang ni hu makna biak praong, ginum rilo asal kadha pambuak tapak tal bruk kuhria caga saong peih ngak hu jak jeng Nyaom roya mbang ka XIII di Đảng, abih di nyu lac yaih khan menuac ba tame Bộ Chính trị, Ban Bí thư khóa XIII. Tổng Bí thư, akaok negar kakei dom urang dalam nyaom biai pataom tame roh duah cambaih laih harak patahu di Bộ Chính trị saong dom harak gar pambuak tal bruk menuac urang, brei panuac tapak, hu trách nhiệm, padang bruk jum pataom saong njauk gauk dalam bruk buh phiếu yaih khan menuac tame Bộ Chính trị, Ban Bí thư khoá XIII.

Thủ tướng Rajaei hu pato tacei Mintri ngak nong saong patagok palei pala pasang iek, taong yaom saong langyah, hu jalan ngak pasiam, paglaong siam lagaih bruk khik ramik gilai Tây Nguyên.Tui nan, urak ni dom po gilai di Tây Nguyên biak rilo min bruk khuk ramik gilai daok trun bier. Dom po gilai lac labik pachot pandauk bruk khut khat gilai meng pathau khan oh njauk. Doanh nghiệp hu jao gilai oh iek tal saong daok pathau khan khat lahik, rajaei plaik bruk ngak khat tal gilai, ba tal bruk patahu khan oh njauk dalam rilo thun ni mai. Thủ tướng jao ka Mintri ngak nong saong patagok palei pala pasang iek, taong yaom saong langyah, hu jalan ngak pasiam, paglaong siam lagaih bruk khik iek  gilai.

mBan Bangsa tỉnh Trà Vinh brei thau: hurak ini dalam tỉnh hu labaih 300.000 urang Khmer, menlah 31,5% menuac sia dalam tỉnh. Puac thun 2019, tỉnh daok hu 9.214 sang kathaot, dalam nan hu 5.395 sang Khmer, meblah 6,05% duk saong abih dom sang Khmer. Peih ngak dom danak dak di Rajaei daong ka bhap bini, tukvak 2016-2020, Trà Vinh buh tabiak labaih 413 tỷ đồng peih ngak dom sarak paglaong raidiuk ka bhap bini bangsa takik. Meng nan, raidiuk mbang ngui daok dang di bhap bini Khmer dalam tỉnh hu salih bahrau mboh di anak merta. Tui kuhria tal puac thun 2020, dom sang kathaot bangsa Khmer daok 3,92%.

Harei 14/12, pambuak tal bruk anek saih kumei tal 7 njauk taong paoh hadei di tuk paoh gauk di jalan, UBND tỉnh Tây Ninh brei thau hu pato tacei công an samar drak pasang iek, ngak cambaih bruk jhak tal prein yava ranaih saong langyah catang. Dahlau di nan, bier harei 13/12, hadei di tuk anek saih kumei hu tabiak truh sang iek ruak, urang dang akaok UBND tỉnh saong dom Sở pato magru, LĐ-TB-XH hu nao tal sang piah rivang, daong ka sang 2 triệu đồng jien iek ruak. Dah page harei 14/12, anek saih kumei hu nao sang bac piah pacacah học kỳ.

Mesup ini, pui khuah tagok meng sa baoh sang klauk so di gah dalam praong labaih 25 m2 daok dalam sa hẻm praong 1 mét di phường 4, quận 3, TPHCM. Rilo menuac daok jaik nan kham merat jan pambang, mek padam pui pruh tame  in oh jeng. Labik sang kuah atah di jalan praong 20 m, sang padang tạm daok jaik gauk. labaih 60 cảnh sát pacang khuah padam khuah parabha jeng 3 gah, ba bình khí oxy, mặt nạ pacang jru mek tame padam, ndik tagok tabung sang pruh ia meng angaok trun saong pacang khuah pambak tapa dom labik pablei salih di gah anak. Pui khuah oh ngak brei menuac urang halei njauk hagait, min nyu mbang abih 1 baoh sang glaong 2 tal saong ngak brei 4 baoh sang karei khuah gam hasit.

Anh saong Liên minh châu Âu (EU) brei dui atah bruk ginum biai pablei salih hadei Brexit hadei di tuk vak puac abih lac harei 13/12. Urak ni, Anh saong Liên minh châu Âu jeng ka oh njauk gauk ka klau asal kadha praong abih pambuak tal quyền taong ikan, mblang main samu gauk saong langyah dom bruk meriak gauk. Thủ tướng Anh Bô-rít Giôn-xơn sanya lac ngak abih drei piah pacang cakak bruk sarau kadhau meda rahtabiak hadei di tuk dua gah tamat tukvak salih di gauk di harei 31/12 anak tal.

Vắc-xin caga Covid-19 kayua Kapul Y dược Trung Quốc (Sinopharm) ngak tabiak jaik abih tukvak ngak iek angaok menuac mbang ka 3 di rilo taneh ia saong daok caga pablei tabiak darak pasar.Min dalam tuk dom taneh ia hu brei adat ka janih vắc-xin ini, jeng daok hu taneh ia brei padeih ngak ia kayua hu bruk oh siam rah tui.Viện Y tế negar Peru brei thau, harei 11/12, urang brei padeih ngak iek hadei di tuk 1 urang halan hatian gaok kan kandah tuk megei tangin.Ini lac bruk kan gaok saong oh njom mbak,ngak kan tal bruk bruk megei di tangin haong takaik.

Dalam tuk jit tamuh tabiak mbang ka 4, Đặc khu Hồng Kông(Trung Quốc) hu 3 urang njom Covid-19 metai daok ranaih umo,hu urang oh hu ruak dahlau dalam rup.Yaom lac yau nan, min urak ini ka oh mboh virus SARS-CoV-2 salih karei atau khang jang.Hu thau, kuhria tah harei 13/12, bhum taneh ni hu 7.541 urang njom Covid-19,dalam nan hu 116 urang metai. karja pak ni brei thau jalan ngak di Hong Kong lac dalam thun  2021,rilo bhap bini meda hu klauk vắc-xin Covid-19./.

Urang lang: Thu Thảo -Mousaphuong-14/12