PGS.TS. Trương Thanh Hương

Thaok binguk PGS.TS Bác sĩ Trương Thanh Hương  hu mbaok tame ngak bruk meng subuh page di Viện Tim mạch (Sang iek ruak Bạch Mai) piah iek ruak ka dom urang daok ndih iek ruak, blaoh tapa pato di Sang bac Đại học Y Hà Nội hu jeng bhian randap saong dom ayut sahabat. Tukvak camereip ngak bruk di Viện Tim mạch, PGS.TS. Trương Thanh Hương hu taom gaok, bac megru pasram patia hu tani tanat di dom pasak y khoa di dunya. Meng dom ilamu iek ruak, taom gaok hu jalan iek ruak birau bca hu, Bác sĩ  Hương tuk halei jeng sahaneng ngak habar taong hu dom janih ruak tim mạch ka urang saong takik abih urang njauk blaic raih baoh hatai. Meng bruk nan my pachreih PGS.TS. Trương Thanh Hương  ngak nde tai roh duah âm tim, điện tim piah duah tabiak kayua meng halei blaoh meng taong ruak ka urang. PGS.TS. Trương Thanh Hương brei thau:“Dalam siêu âm vaktu camereip, siêu âm tim jeng parabha jeng dom pakat karei di gauk, dut iek baoh hatai, blaoh duah thau van tim, dom bruk kan kandah jang. Hadei di tuk thau lac ruak trak atau mbiah, blaoh meng ba tabiak jalan taong ruak . Rilo urang ruak hu dut iek, taong ruak tui dom jalan birau bo oh blaic raih baoh hatai”.

Gam haong nan, PGS.TS Trương Thanh Hương daok roh duah saong padang ngak hu jak jeng bruk dut iek, jru ruak saong tui iek ruak tagok  cholesterol darah di urang dalam baoh sang di Viet Nam saong jao brei ka dom labik y tế dalam negar. Kayua tui Bác sỹ Hương, tui kuhria, di Việt Nam hu jaik 500 ribau urang njauk ruak ini saong ruak patui veik dom rai hadei dalam baoh sang, njauk brei pacang bruk pambak gen ruak saong caga ruak biến chứng trak pambuak tal ruak tim mạch yau ye: gar darah cơ tim, metai glo akaok, xơ vữa động mạch. Kayua yau nan ye, roh duah ini hu daong ka urang ruak saong baoh sang hu dut iek ruak, jru ruak saong pacang caga ruak hu siam, takik abih jien taong ruak. Lac rai hadei saong hu mboh meneing dom bruk ngak di PGS-TS Trương Thu Hương, PGS-TS Phạm Mạnh Hùng, Akok Viện Tim mạch, Sang iek ruak Bạch Mai brei thau: “Dahlau diah hu dom roh duah ka siêu âm di anai hu ba tame pandar blaoh. Meng hu bruk roh duah nan khol dahlak samar thau, iek ruak samar ka urang, dut iek ruak ka dom urang dalam baoh sang. Langiu di bruk iek ruak, daok hu vak dom kadha pataom iek veik dom bruk ngak siam, saong hu dom panuac kakei piah ka ayut sahabat meda bac megru saong ngak tui dom bruk roh duah hu”.

Lac gru pato pakat glaong Sang bac Đại học Y Hà Nội, gam saong bruk pato bac, PGS.TS Trương Thanh Hương daok kham pato pasram paglaong ilamu ngak bruk brei ka urang gah Y tế. Tacei pato ilamu tapak ka labaih 40 tiến sĩ, thạc sĩ,  bác sĩ nội trú saong pato bac, jao brei dom ilamu birau dalam bruk dut iek ruak, jru ruak tim mạch ka yaok rituh bac sĩ, urang y tế di dom labik iek ruak dalam negar. 6 thun hu patao tacei ba ngak bruk, Bác sỹ Kim Ngọc Thanh, Viện Tim mạch drut drui lac: anai Hương tuk halei jeng thau hu dom bruk naih joi di yaok anek saih saong ba mbuan lagaih ka yaok urang piah patagok hu bruk jhak gheih di drei.

  Ngan saong PGS.TS Trương Thanh Hương, bruk bui sambai saong haniem siam lac roh duah hu jak jeng saong ba tame pandar dalam bruk iek njauk ruak ka bhap bini takik abih jien, takik abih dom mbang urang ruak tim mạch njauk blaic raih. Ngan saong bruk ngak birau lac Akok jabat Dut iek phân tử tim mạch, Bác sỹ Hương daok roh duah birau saong tame dalam jang ka bruk tagok cholesterol darah urang dalam baoh sang patui gauk.

Meng dom rik daong praong brei ka gah y dalam labaih 20 thun tapa, thun ini PGS, TS Trương Thanh Hương hadah mbaok meta taduan hu Giải thưởng Kovalevskaia, lac giải thưởng brei ka dom kapol nyaom, urang kumei ilamu naih gheih di abih dalam roh duah saong ba ilamu tame bruk ngak./.      

Urang lang: Aí Nghiêm  29/3/2021