Tuk langik pandiak urang bhian tamuh rilo ruak 

Pandiak bilan hè hu rilo tia UV gam haong nhiệt độ glaong ngak catang tagok glaow akaok, ngak brei catang akaok, cadu talei rak di glaow akaok ba tal pandik akaok, lagah meta, trak jang meda ngak brei taglaoh ta-aok, having akaok, tabiak aia hauk, van drei, pandiak atau cakaow ndaoh kayua catang glaow akaok.

Tia cực tím jeng ngak ka kalik drei nyu drah taha. Dom urang bhian ngak bruk, taom gaok haong pandiak atau daok gaok dom bruk oh siam ka tim mạch, kurang aia mbuan gaok bruk ini di abih.     

Dalam rup pandiak glaong ba tal pandar oxy rilo di tế bào dalam rup, ngak ka jalan tung pruac nyu srau dhau. Dịch vị dalam dạ dày tabiak takik, hấp thụ trun, oh siam tal jalan tung pruac, urang ruak bhian njauk táo bón, thu cambuai, alah mbang...    

Anek kamar saong anek naih mbuan njauk dom janih ruak di abih kayua pandiak, kayua bruk điều hòa rup pabhap di uranaih oh ka khang, oh eng drei điều hòa hu thân nhiệt piah laghaih haong labik daok.    

Urang limek, urang prong thun, urang ruak nao mai oh hu, ndih sa labik saong urang njauk ruak me-ik saradang jeng biak nhạy cảm haong pandiak, dom urang njauk ruak khang jalan rak darah jeng mboh glaih glar jang tuk langik pandiak. Tuk nhiệt độ rup pabhap tagok ye hệ thần kinh trung ương ngak bruk glaih glar jang piah điều tiết.             

Pandiak bhang meda ba tal đột quỵ, kayua rup pabhap tabiak aia hauk rilo ngak lahik aia, ngak brei patrun darah, ngak kurang darah raong glaow akaok ba tal đột quỵ. Pandiak bhang ngak ka rup pabhap pandiak tagok, ngak srau dhau tal hệ thần kinh trung ương, ngak srau dhau tal jalan suak yava saong jalan darah, trun darah raong glaow akaok jeng mbuan ba tal đột quỵ...

Piah pacang caga dom janih ruak di jalan tung pruac njauk mbang tasak, menyum pandiak (juai mbang njam metah, menyum aia la-ar; juai menyum aia khar, aia oh ginup vệ sinh...), rao tangin dahlau di tuk mbang. Pandap mbang njauk blei janih daok that, thau asal nyu mai meng halei saong ngak pandap mbang chip, khik piah pandap mbang hu ngak blaoh dalam siam mekre min juai caik suai lavik, juai mbang pandap meng  ma-ih.../. 

Urang lang: Jasi -27/5