Beir harei 28-4, Phó Thủ tướng thường trực Trương Hòa Bình hu pasang iek bruk pacang caga jit COVID-19 di tỉnh Đồng Tháp. Nao tui, hu urang pal akaok  mintri  Y tế, mintri  Công an song mintri  Quốc phòng. Urak ni Đồng Tháp hu  5 labik brei dok karei y tế, kuhria tal urak ni hu brei dok karei  labaih 2.900 urang, dalam nan hu 28 urang dương tính COVID-19 jeng lac dom urang hu tong ruak meng di tuk tame Viet Nam, oh ka hu urang halei njom mbak dalam bhap bini. Bruk pasang iek jalan tapen negar, Đồng Tháp hu 21 kapul gam labaih 165 urang, dalam nan hu công an, bộ đội biên phòng…Tong yaom glong bruk kham merat di Đồng Tháp, Phó thủ tướng hu panuac kakei tỉnh ngak pakhang bruk "pacang jit yau  pacang khanang", jhui iek lap bruk pacang caga jit ruak.

Urak ni taong abih 1.438 labik buh phiếu di Quảng Ninh meng dalam ban tal bhum ceik, akaoh pulao jeng hu dom jalan langyah ka nyu lagaih haong bruk di anak meta, caga pacang bruk rahtabiak di jit ruak. Thau lac meng ni tal 23/5 lac tukvak tabung glaong, gam saong bruk tiếp xúc cử tri, caga pandap panda, pathau khan, Ủy ban pilih ruah tỉnh Quảng Ninh hu ieu kakei taong abih kapul pilih ruah njauk hu pasram ngak jalan langyah ka bruk pilih ruah mayah tuk hu jit Covid-19. Gam tui di nan, dom kapul pacang caga jit dalam rahra di yaok tổ bhap bini, khu phố patui veik pabak pagam haong dom kapul pilih ruah, jak ba rahra pathau khan y tế tapa mã QR; khau tin, pathau khan tal yaok baoh sang, yaok bhap bini ka jalan pih ruah meyah hu jit tamuh tabiak.

Đại tá Nguyễn Sỹ Quang, Phó Giám đốc Công an TPHCM brei thau, urak ni Công an TPHCM pambuak bruk song  7 tỉnh jiak taphia ban raya tabiak bruk khik kajap sron mbon salamat dalam dom harei lễ prong. Dalam mbang tabung glong ni , dom jabat chức năng pasang iek abih tih  bruk  hành chính, pasang iek labik dok, jak ba pataom mek pandap patuh. Gam haong nan, pataom tame pagui mek kol brei mesraiy trak laba, kol hình sự pakuah dalam quán bar, vũ trường…Abih di nyu nan lac pataom tame pasang iek, langyah bruk pakacah radeih ngak srau kadau bruk nao mai angaok jalan, ngak ka bhap bini pandik hatai.

Sang bac THCS Hàm Cần, xã Hàm Cần, huyện Hàm Thuận Nam, tỉnh Bình Thuận daok samar drak padang ngak piah ngak salah njauk tukvak. Ni lac sang bac hu 80% anek bangsa Rai. Pak ini taneh riya praong nan ye yaok thun khik hu dom anek saih nao bac tani tanat lac sa bruk kham marat biak praong di gru pato, anek saih. Meng hu bruk jak ba, pambuak sang bac, baoh sang, dom kapul dalam xã nan ye labaih 2 thun ni sang bac oh hu thei padeih bac meteh dhi. Sang bac hu ngak gam bilik dut iek pasram dom bộ môn piah palagaih bruk lý thuyết pambuak haong ngak iek. Thun bac 2020-2021, sang bac hu jak ba taong abih ranaih dalam umo nao bac; taong abih tal bac hu khik tani tanat anek saih nao bac saong kham marat tamat thun bac hu taong abih anek saih hu tamat THCS; chất lượng pato magru hu paglaong.

Mon 9 meteh melam 28-4, bhap bini  mboh angaok tal 3 chung cư mini di jalan Nguyễn Văn Quỳ, phường Phú Thuận, quận 7, TP.HCM pui khuah khang. Rilo menuac preo ieu dong gauk. Kayua labik khuah angaok glong, bhap bini taom dar duah jalan padam pui  min oh jeng. Taduan hu khaw tin, gah pacang khuah padam khuah quận 7 song dom jabat ayut ba rilo radeih padam khuah, radeih kanyan song yaok pluh urang jakar, urang lin hu mbaok pak di labik khuah. Gah pacang khuah padam khuah  pabha rilo jalan piah dong urang gaok bala. Radeih kanyan hu ba 24 urang, dalam nan hu sa uranaih sit trun hu siam mekre. Hadei di nan, apui hu padam abih. Bruk khuah nan oh ngak ka menuac urang njauk hagait, min rilo drap ar njauk apui mbang ralai.

Tui gah Y tế Liên Mỹ, dom urang njom bahrau di Ca-na-đa  yam tapa tanut manuac njom di Mỹ mbang camriep kuhria meng akaok bilan jit, dalam tuk dom taka jeng tagok di dom negar Trung Mỹ, Ca-ri-bê saong Nam Mỹ. Taong giám đốc gah Y tế Liên Mỹ daok pachreih dom negar paglaong danak dak klauk vắc-xin, ieu kakei parabha vaccine  piah pacang bruk njom mbak jit.

Dom pandap dong brei, dalam nan hu 1.000 bình oxy y tế song 15 triệu pataih pacang mbaok N95, hu Mỹ ba tal Ấn Độ meng harei 29-4. Nhà Trắng jeng ndom lac hu ba 20 triệu mbang vaccine COVID-19 di  AstraZeneca tapa Ấn Độ. Dalam panuac khan di harei 29-4, Nhà Trắng hu batabiak cambaih laih pok jien dong, pataom tame ka bruk pabak oxy, pandap njauk hu ka dom urang ruak  COVID-19 min dok kurang biak trak  dalam dom sang iek ruak di Ấn Độ.

Jayah hadei di mbang pilih ruah bak bruk kamlah gauk, Tổng thống Joe Biden hu tapa 100 harei camriep dalam bui sambai jeng yau oh njauk hatai meng dalam saong langiu. Min, dom bruk bo ong ngak hu nyu yam tapa dom caong maong camriep. Di gah đối nội, ong Biden ngak hu dua bruk praong saong dalam dua bruk nan jeng pambuak tal COVID-19. Tuk taduan negar Mỹ daok njauk jit praong COVID-19, Tổng thống Biden hu sanya meda jhul samar danak dak klauk jru saong ba tabiak bruk lac klauk hu 100 triệu mbang dalam 100 harei camriep. Bruk praong ka dua bo Tổng thống Biden ngak hu lac jak ba Quốc hội Mỹ brei tapa paok jien daong COVID-19 hu yaom jaik 2 ribau tỉ USD./.

Urang lang: Thu Thảo – H.Pha  29/4/2021