Rilo urang hu klauk jrudok di Tây Nguyên 

Phaok Thủ tướng Vũ Đức Đam birau hu panuac iew Mentri Y tế samar parabha, tacei pato peih bruk klauk jru vaccine di bhum Nam Bộ saong Tây Nguyên, brei hu klauk jru ginup abih mbang sa dalam 5 harei ka urang umo labaih 18 thun; sumu brei klauk mbang dua saong ginup. Langiu di nan, gah chưc nang brei klauk jru ka uranaih umo meng 12 tal 17 thun. Kuhria tal page harei 8/11, dalam negar hu klauk  labaih 90,8 trieu mbang jru Covid-19, Mentri Y tế  hu taduan brei klauk jaik 120 mbang jru saong parabha ship ka dom tỉnh, ban. 

Tui Mintri Y tế, dalam 1 adit, meng harei 29/10 tal harei 4/11, dom urang bahrau njauk COVID-19 dalam taneh ia tagok labaih 12.000 urang duk haong adit dahlau di nan, meng harei 5 tal harei 7/11 dom urang njauk ruak yaok harei daok tagok atau daok di tanut glaong, ta-eng harei 7/11 lac 7.646 urang. Dom tỉnh, ban gam gam hu dom jalan pacang caga, patagok pakat jit ruak, min jeng hu panuac caong Mintri Y tế hu tacei pato gam gam ka bruk diukrai salamat tuk menuac klauk jru dak harei dak tagok rilo, dom menuac njauk ruak lac mnuac hu klauk blaoh vaccine min ruak oh hu triệu chứng biak glaong, tagok tal labaih 90%.

        Tui Blah web khaw tin COVID-19, urak ini Ban raya HCM jeng daok di pakat 2. Hu dua huyen meng pakat 2 salih tapa pakat 3 (lac bhum katam kanjiak mbuan njaom ruak glaong) lac huyen Nhà Bè saong huyện Cần Giờ. Bruk jit COVID-19 di rilo phường, xã di dom huyen dalam ban raya HCM dak harei dak jhak tuk gam gam hu urang birau njom ruak dalam bhap bini. Yau ye, huyen Hóc Môn, tok dalam sa adit  hu 2.592 baoh sang hu jit ruak saong 25 labik ruak dalam bhap bini saong  6.712 mbang test drah samar mboh lac dương tinh.

Meng harei 15/11, Tổng Cty jalan pasei Việt Nam peih bruk pablei harak radaih pui ka Tết thun sak ramaong 2022; tuai hu trun brei 10% tuk blei harak dalam 10 harei camereip peih pablei. Dom menuac hu pablei brei dahlau lac dom kapul di tapon nyaom bol pan phao kraong bhap bini, sang bac đại học, cao đẳng, labik ngak kong, labik chế xuất, dom kapul nyaom xã hội saong tuai daok payua veik jien blei harak dalam thun 2021. Kayua jit ruak srau kadau, bruk nao mai trun daok takik, Tổng Cty Jalan pasei Việt Nam kuhria nduac 4 gu radaih pui Thống Nhất Bắc Nam saong brei peih rilo jang tuk menuac nao mai rilo.

        Hadei di tuk patagok pakat di jit ruak jeng pakat 4, nan lac “bhum bhong”, page 8/11, UB bhap bini huyen Hàm Thuận Bắc, tỉnh Bình Thuận hu padang balai pasang jit ruak Covid-19 piah pasang iek menuac saong radaih tame tabiak huyện. Blai pasang iek nan hu padang di jalan pambuak dua labaik  daok lac bhum meriak bhong di Binh Thuan lac huyen Hàm Thuận Bắc saong Ban Phan Thiết. Yau nan min, kayua page akaok adit, menuac saong radaih pajeng ba urang nao ngak biak rilo nan ye labik pasang iek gar tavak suai, gah chức năng brei peih blai nao tapa gam  plaik gar jalan dui atah.

Meng jien daong brei biak praong, dom urang ilamu daok nduac pakacah piah patagok dom janih vaccine COVID-19 meda hu prein khik caga anek menuac anak taong abih dom biến thể SARS-CoV-2 meda tamuh tabiak di harei hadei. Liên minh Salih bahrau hadah krah saong Caga pacang jit ruak hu pabak 3,2 triệu bảng Anh brei ka Cty MigVax di Israel piah patagok sa janih vaccine asar menyum, hu pandar yau mbang klauk ka 3 ka urang hu klauk ginup mbang. Đại học Saskatchewan di Canada jeng hu brei 3,7 triệu bảng Anh ka danak dak vaccine di drei.

       Mbang akok meti hadei di 15 bilan kham merat mesruh saong jit ruak, Nhật Bản oh hu urang halei metai kayua Covid-19 dalam harei 7/11. Bruk jit ruak  di taneh ia ini hu rilo siam lagaih tuk hu 73% bhap bini hu klauk ginup dua mbang jru vaccine. Langiu di nan, dom janih jru  yau  Ca-xơ-ri-vi-máp(casirivimab) saong Im-đơ-vi-máp (imdevimab) hu klauk tame rak darah tui sa jalan iek ruak yaih khan pambak praong dalam negar. Tapa dom bruk ngak iek mboh jalan  iek ruak nan trun takik urang tame sang iek ruak atau metai tal 70% .

Tui Gah Lương nông Liên hiệp quốc (FAO), dalam bilan 10, yaom padai brah pandap mbang di dunya tagok glaong abih kuhria meng bilan 7/2011. Yaom pandap mbang tagok 3% duk haong bilan 9, tagok gam gam dalam 3 bilan mai ini. Dom urang ilamu gah padai brah pandap mbang khan lac, dunya daok dang anak bruk srau kadau pandap mbang. Piah yam tapa bruk suy thoái kinh tế dunya, brei hu sarak siam lagaih piah pasiam veik nền kinh tế saong khik tani tanat yaom darak pasar./.

Urang lang: Ái Nghiêm- Mousaphuong- 8/11