Rilo sang glut jaleih oh nao mai hu 

Phó Thủ tướng Chính phủ Trịnh Đình Dũng – akaok mban tacei pato pakat negar ka pacang caga bala meng langik tasik– akaok UB pakat negar pacang caga bala meng langik tasik saong duah, daong menuac gaok bala bahrau hu harak samar payua tal UB bhap bini dom tỉnh, ban gah brak saong tapen tasik dalam bhum hu ribuk ka 7, meng Quảng Ninh tal Hà Tĩnh; dom Mintri saong dom báo, đài ka bruk pataom tame pacang caga chip haong ribuk ka 7. Dalam harak nan hu tacei lac, ribuk ka 7 hu ngin khang pakat 9, handaoh pakat 11 daok nao samar tame taneh ia drei; jala pandiak haong biar harei ini 14 bilan 10, ribuk meda tame tal bhum tapen tasik Bắc Bộ, Bắc Trung Bộ.  Piah pacang caga, pliah metai lahik saong khut khat drap ar di bhap bini, Phó Thủ tướng Chính phủ Trịnh Đình Dũng - – akaok mban tacei pato pakat negar ka pacang caga bala meng langik tasik– akaok UB pakat negar pacang caga bala meng langik tasik saong duah, daong menuac gaok bala hu panuac ieu dom Mintri, dom gah, dom tinh ban peih ngak catang tui tacei pato di Thủ tướng Chính phủ di Công điện ka 1393 harei 12 bilan 10 thun 2020.

Di tuk Pahadar  90 thun harei padang Kapul urang nong Việt Nam (14/10/1930 -14/10/2020), melam kabroi di Hà Nội, Kapul urang nong Việt Nam pakat negar dang tabiak pambuak bruk song mBan Tuyên giáo Trung ương, Mintri ngak nong song patagok palei pala, Mintri Công Thương peih bruk pok meyaom song brei angan urang nong Việt Nam naih ghieh thun 2020.  Ni lac bruk ngak yaok thun di kapul urang nong Việt Nam piah pok meyaom dom kreih camin urang nong naih gheih, hu rilo hadah krah, ba abih pren yava tame bruk ngak mbang pala drak, padang ngak palei pala bahrau song khik ramik siam mekre palei negar, chủ quyền taneh ia. Nan lac dom kreih camin yam tapa kan kandah, mek hu jak jeng siam mekre,rik dong ngak kaya meda ka boh sang, puk palei song taneh ia .Hu 63 urang hu pok meyaom dalam danak dak jeng lac biak takik dalam tong abih tih  dom pluh triệu urang nong dalam negar song nan lac dom urang pal bruk nao dahlau, lambaok song pachreih ba ka rairah urang nong  dalam negar pakacah gauk song patagok.

Biar harei 13-10, mBan chấp hành Đảng bộ TP.HCM hu harak dhar phor bhap bini ban raya hu brei panuac ka dự thảo pathau khan chính trị pok tagok nyaom roya Đảng bộ TP.HCM mbang ka XI vaktu 2020 - 2025. Harei 28-12-2019, Thành ủy TP.HCM hu tabiak harak dự thảo pathau khan chính trị nyaom roya Đảng bộ TP.HCM mbang ka XI, vaktu 2020 - 2025 ka peih bruk mek panuac rik tame ka dự thảo. Rilo panuac taong yaom glaong saong caong khin bruk chính trị, bruk sron mbon salamat di TP daok hu khik kajap anak bruk srau kadau di dunya saong khu vực piah ka bhap bini sahanag hatai ngak mbang, patagok kinh tế. Bhap bini jeng caong khin Đảng bộ TP biak biai hacih sa-at, khang kajap, khik talei pambuak bruk ralow darah haong bhap bini, urang đảng ba akaok nao dahlau, karja dom pakat nao jaik saong duh ka bhap bini siam jang. Abih di nyu lac bhap bini hu payua hatai caong tame mBan chấp hành Đảng bộ TP vaktu anak tal, dahlau di abih brei lac urang jakar siam hatung hatai, hu ilamu ngak bruk, jum pataom gauk,abih drei ka bruk dak padang saong patagokban raya

Melam kabroi (13/10), ong Nguyễn Đại Thành  Akaok thủy điện Rào Trăng 3 brei thau, urak ni, gah Công ty hu 3 urang ngak di sang mac thủy điện Rào Trăng 3 metai  kayua jaleih ceik di harei  12/10.  Atau di  3 urang  oh ka batabiak langiu hu. Tui khaw tin meng UBND tỉnh Thừa Thiên Huế, urak ni rilo meng lac urang ngak di thủy điện Rào Trăng 3 njauk nao tal labik thủy điện Rào Trăng 4, atah di nan labaih 10 km,   hu  5 urang njauk rambuac  hu gah chức năng ba nao cấp cứu di sang iek ruak đa khoa Bình Điền di ban Hương Trà. Dalam harei   14/10, dom gah pataom tame jhul pakhang bruk tame sang khik iek glai njauk haluk lam, peih bruk duah 13 urang lahik; Peih bruk kuac raok peih jalan tame thủy điện Rào Trăng 3 song peih bruk dong duah dom urang ngak lahik. Bruk njauk nyai nan lac  dom đơn vị hu ba 642 urang  song  93 pandap pandap song 03 sruh kapan trực thăng piah peih bruk urang lahik

Tỉnh đoàn Bình Phước hu jao harak meyaom di kapul dam dara CS Hồ Chí Minh pakat negar brei ka adei Thái Đình Nhân anek saih tal bac 6A5, sang bac THCS Đa Kia (huyện Bù Gia Mập, Bình Phước) kayua duan hu pandap laik bayar veik ka urang ngak lahik. Dahlau di nan, mon 1 meteh jala pandiak harei 4/7, adei Thái Đình Nhân angaok jalan mai sang ye mboh sa pok jien janih 500.000 đồng di urang halei nan ngak laik. Hadei di tuk duan tagok, Nhân tame sang bhap bini jaik nan tangi sua iek hu thei ngak laik halei oh piah bayar veik. Tuk ini, ong Đặng Duy Đức (daok di tỉnh Quảng Ngãi) mai me-in sang gauk gar di xã Đa Kia pasang iek veik mboh lahik 50 triệu đồng. Hadei di tuk mboh Đức cambaih lac po di pok jien nan, adei Nhân bayar veik pok jien drei duan hu.

Harei ni  (14-10), Japon tame "Hiệp ước Artemis” kayua  Mỹ ba jalan.  “Hiệp ước Artemis” kayua Jabat  Hàng không Vũ trụ Mỹ (NASA) batabiak piah padang ngak dom  jalan ứng xử ka rajaei song jabat khik ramik vũ trụ dom negar dalam tuk vak  duah thau vũ trụ. Hiệp ước ni jeng hu batabiak bruk patrun hareik harom vũ trụ song padang ngak dom  “labik dok siam mekre” vil val dom căn cứ di  ia bilan anak tal.

Harei 13-10, 1.612 urang guk di 1 sang guk dalam tỉnh Banteay Meanchey gah Tây Bắc của Campuchia brei ba nao labik karei hadei di hajan praong ngak dauk sang guk ini.Urang jakar khik iek sang guk brei thau, labaih 800 urang guk hu ba tal sa sang guk karei di tỉnh Xiêm Riệp (Siem Reap).Dom urang guk karei daok hu ba nao tal dom sang guk daok di tỉnh jaik tapen tỉnh Ban-tây Miên-chay. Mintri Tài nguyên ia saong khí tượng Campuchia  kuhria mboh lac hajan praong saong ngin khang daok hu di dom tỉnh Tây Bắc di Campuchia meng harei 16-20/10.         

Boh bom prong di abih dalam mbang kalin kan dunya ka 2 hu duah mboh di Ba Lan hu dom urang njuk ia Hải quân negar ni brei patuh  ala ia dalam harei kabroi.Boh bom trak jiak 5.400 kg, dalam nan hu  2.400 kg jru patuh.Labaih 750 urang hu panduan ba nao labik jiak palao Piast gah langui di ban pambah lam nge tasik Swinoujscie di  Ba Lan,labik brei patuh nan.Kayua mbang patuh hu peih ngak di ala ia yau nan ye oh ngak khat lahik hagait ka bhap bini song drap ar./.

Urang lang: Mousaphuong -Hanipha -14/10