Phó Thủ tướng hu panuac ndom lac ngak brei catang bruk tame tabiak suan hukum

Pho Thu tuong hu panuac iew tỉnh Bắc Ninh “khang hatai kuhria tal bruk hu rilo urang njom ruak”, labik brei daok karei oh ginup ye “ ngak iek F1 daok karei di sang”. Phó Thủ tướng Vũ Đức Đam ndem yau nan dalam var ginum biai  Mban tacei jalan pakat negar pacang caga Covid -19, ngan saong dua tỉnh Bac Ninh saong Bac Giang, biar harei 20/5. Ong kakei lac bruk ngak iek anak meta lac ngak sit di dom baoh sang laneng lanoi, khik hu pa-atah di urang karei. Urang taom gaok jaik saong urang dương tính F1 brei daok karei di sang, gam tui iek tapa cong nghe saong urang daok jaik sang, bhap bini daok taphia.

Dah page ni (21/5), Mintri Y tế brei thau, dalam 12 maong tapa, dalam negar hu veik 24 urang njom bahrau Covid-19 di dom tỉnh: Bắc Giang, Điện Biên, Hải Dương saong Bắc Ninh. Kuhria tal dah page ni, Việt Nam hu abih tih 3.355 urang njom Covid-19 dalam negar saong 1.478 urang tame negar. Dalam dom urang ruak Covid-19 daok taong ruak hu 120 urang mboh âm tính. Kuhria tal puac harei 20/5, dalam negar hu peih bruk klauk jru vaccine Covid-19 mbang ka 1 saong 2 di dom tinh, bal ngan haong abaih 1 triệu mbang ka dom urang hu brei klauk dahlau dalam bruk pacang caga jit ruak.

Jalan raya 1K meng TP Thủ Đức (TPHCM) tapa dom  tỉnh Bình Dương saong Đồng Nai. Di labik phường Hóa An, Ban Biên Hòa (Đồng Nai), hu balai mek jien phí BOT. Hadei di tuk balai padeih ngak bruk di bilan 10 thun 2020, mbuan gaok bala biak glaong. Tapen jalan raya 1K hu rilo mỏ patau, rilo radaih ben peih tame tabiak ngak ka jalan nan dak harei dak khut.  Njauk caik hatai nan lac jalan gom truac khut padam, oh ka pasiam hu kayua oh ka hu phun jien.

Sở jalan mbak pajeng ba ban raya HCM brei thau lac brei padeih nduac gilai cao tốc pajeng tuai jalan ia meng pambah lamnge Bạch Đằng nao Cần Giờ, Vũng Tàu saong mai gilac. Dalam pathau khan bahrau patabiak, Sở jalan mbak pajeng ba brei mboh bruk kham marat rik daong cak rok patagok bruk pajeng tuai di jalan ia di Công ty TNHH Công Nghệ Xanh DP dalam tukvak tapa. Anak bruk jit ruak Covid-19 daok njom mbak rilo labik dalam negar, piah khik salamat, Sở jalan mbak pajeng ba brei padeih nduac gilai cao tốc pajeng tuai ni tal tuk halei jt ruak Covid-19 hu pasang iek.

TA bahp bini  Ban Ha Noi birau taong phạt 8 bị cáo peih bruk ba urang dauk nao H.Quoc tui kapal haok di nyaom urang jakar ngak praong di QH  thun 2018. Bị cáo Lê Thị Liễu, Yam ndoc Công ty cổ phần GVA lac urang ba kaok brei ka urang nao ngak bruk di negar langiu blaoh dauk daok veik di Hàn Quốc di puac bilan 12/2018. Jeng njauk dius nan, Trần Thị Tuyết, urang jakar dahlau diah di Tạp chí Kinh tế saong Dự báo; Lương Mạnh Hùng (Giám đốc Công ty TD Việt Nam) jeng njauk daok guk 20 bilan. Dom urang ngak suan karei daok guk meng 16 bilan tal 3 thun ka bruk ba urang dauk nao negar langiu.

Tổng thư ký Liên Hợp Quốc António Guterres bahrau hu panuac pok meyaom bruk padeih cuh hu ba tagok di dah page ni di Ixraen saong dom kapul bol par phao kraong di dải Gaza. Tổng thư ký Gu-tê-rết jeng hu panuac ieu dom taneh ia di dunya daong pahla ka bhap bini Gaza saong daong padang veik labik ni. Ong jeng ieu Ixraen saong Palextin samar drah pambuak veik bruk ginum biai jalan saron mbon di Trung Đông, langyah dom makna, dom kandah gauk ba tal bruk mesuh matak.

Tổng thống Iran Hassan Rouhani brei thau, dom bruk praong piah pasiam veik thỏa thuận hạt nhân 2015 meda lac hu njauk gauk abih dalam bruk ndem biai nao mai  di Viên, Áo, dalam nan hu gam bruk yak klak jaik abih dom jalan taong phạt ngan saong Iran. Dom gah hu mbaok tame ndem biai nao mai njauk gauk brei klak bruk taong phạt  dom bruk ngak mbang praong di Iran yau gah menyek, pajeng ba jalan tasik, bảo hiểm saong gah gilang pariak.

Bruk ndem mayai nao mai yaok thun Shangri-La thun 2021 tui kuhria hu peih tabiak di harei 4 saong 5/6 anak tal di Singapore hu brei klaak kayua jit ruak Covid-19 dalam dunya daok jhak nao. Ni lac mbang ka dua patui veik ndem mayai nao mai di Shangri-La, sa labik ndom biai hu angan je njauk klaak kayua jit ruak. Dahlau di nan, rilo akaok mintri Quốc phòng, urang ngak praong pakat glaong, urang par akaok kapul saong dom chuyên gia meng rilo negar di dunya brei thau lac hu mbaok tame mbang ginum biai. Dahlau di nan, mbang ginum biai Kinh tế dunya tui kuhria hu peih tabiak di Singapore di bilan 8 jeng brei klaak./.

Urang lang : Thu Thảo -Ái Nghiêm -21/5