Hadei di mon 6 melam yaok harei, meng harei 26/7, rahra oh brei tabiak langui jalan piah pacang jit njom mbak

Phó Thủ tướng Lê Văn Thành bahrau mbaoh tangin tame harak tacei ba ka bruk pajeng ba pandap panda duh ka bruk mbang huak yaok harei di bhap bini bhum hu jit Covid-19. Tui nan, Phó Thủ tướng hu panuac ieu oh peih bruk pasang iek dom radaih pajeng ba pandap mbang huak, padai brah pabak ka rai duik bhap bini ( hu tauk harak brei thau hu mã QR Code di gah jalan mbak pajeng ba ) di dom jalan cao tốc, jalan roya, jalan tỉnh, jalan nao meng huyện ni tal huyện deih, jalan nao di grauk labik dalam negar. Bruk pasang iek ngan song dom radaih pajeng ba pandap mbang huak yaok harei pabak ka rai duik bhap bini nan tok hu peih ngak di dom labik taduan mek pandap panda, khik hu ginup bruk pacang caga jit

Harei 25/7, kapul ngak bruk di Rajaei kayua Phó Thủ tướng Vũ Đức Đam pan akaok hu nao pasang iek bruk pacang caga jit di Bà Rịa - Vũng Tàu. Phó Thủ tướng ndom lac, tỉnh brei pataom tame ngak khang dom jalan pacang caga jit piah ngak brei dom “bhum bhong”, “bhum kanjik” jeng “bhum hijao”. Phó Thủ tướng pandar tỉnh Bà Rịa - Vũng Tàu samar padang labik brei daok karei tuk camereip hu ginup pandap panda, jamriak piah caga ka tỉnh, saong caga daong ka ban raya HCM haong dom tỉnh jaik taphia. Tỉnh brei khik caga catang dom pabah lamnge, oh caik ka jit njom mbak ngak kan kandah tal bruk logistics.

Hadei di mon 6 melam yaok harei , meng harei 26/7, rahra oh brei tabiak langui jalan, padeih dom bruk ngak tal mon 6 mesup harei hadei piah pacang jit njom mbak . Bruk nan hu akaok UBND ban raya Nguyễn Thành Phong ba tabiak di nyaom biai Thành ủy ban raya .HCM peih prong melam 25/7, dalam tuk ban raya rah tapa 17 harei paatah di gauk tui sarak 16 song hu labaih 58.000 urang njom dalam mbang dalam mbang tamuh jit yaka 4 . Dom urang jao ba pandap (shipper) tok hu nao dalam quận, huyện song ban Thủ Đức tuk hu thẻ tual dalam luac tuk vak ngak bruk atau hu adat brei ngak bruk .

Mon 12 melam 26-7, TP.HCM brei thau bruk pakacah mbang ka 1 di mbang pakacah tamat THPT thun 2021. Thun ini, dalam ban raya hu 89.275 anek saih tut angan pakacah di 155 labik pakacah. Tui bruk ba tabiak di Mintri Pato Megru, dom anek saih pakacah caong hu phúc khảo bài thi meda ngak harak likau phúc khảo di labik tut angan pakacah meng harei 26/7 tal harei 5/8. Di ban raya HCM, bruk pilih ruah tamat THPT hu ngak salah di harei 28/7, suai di abih lac harei 2/8 anek saih taduan hu harak tạm thời brei thau lac tamat..

Tui gah Điện lực Việt Nam (EVN), jabat ni hu mbaoh tangin blei điện haong 144 danak dak sang mac điện hangin, abih tih công suất labaih 8.144MW. Iek tui pathau khan bruk ngak di dom po đầu tư tal harei 22/7, hu 13 sang mac điện ngin hu công suất abih tih labaih 611 MW hu ba tame pablei salih; hu 106 sang mac điện ngin hu công suất abih tih labaih 5.621 MW tui kuhria hu ba tame ngak saong pablei salih dahlau harei 31/10/2021. Min, mbiah tal ni bahrau hu 61 sang mac điện ngin hu công suất abih tih 3.487MW payua harak tut angan ba điện tame jalan điện, ngak iek njauk tui njauk hukum dahlau 90 harei. Hu 25 sang mac điện ngin hu công suất ka oh ba tame pablei hu dahlau di harei 31/10.

Harei kabroi, Ixraen sa mbang tra peih bruk cuh tame dom kapul pan phao kraong di dải Gaza, piah cagar veik bruk palao pandap ba tal khuah tapa bhum taneh Ixraen. Dahlau di nan, Ixraen hu peih takik di abih 3 mbang cuh tame dom labik pasram lin di gah Hamas – lac kapul pan phao kraong khik iek dải Gaza, hadei di tuk 2 gah njauk gauk brei padeih cuh phao hadei di mbang mesruh dui atah 11 harei. Jeng dalam harei kabroi, Ixraen brei patrun bhum taong cap ikan atah takai tasik hu adat di Gaza meng 12 hải lý trun daok 6 hải lý.

Pasak pasang iek song pacang caga jit ruak Mỹ dok kuhri kuhria salih jalan tacei pato ka bruk pacang caga jit Covid-19, piah kakei dom urang hu klauk jru ginup jeng brei cuk patiah pacang mbaok di labik hu rilo menuac. Tui urang ilamu roh duah dịch tễ dang akaok di Mỹ, dom nyaom urang hu hệ miễn dịch trun yau urang ruak dok iek ruak ức chế miễn dịch, urang ruak ung thư dok hóa trị atau urang ruak pagam tạng meda brei klauk vaccine Covid-19 patagok mbang ka 3.

Labaih 1.500 menuac angaok pulao Sardinia di Italy njauk panduan nao labik karei hadei di tuk rah tabiak dom mbang khuah ralai 20.000 ha glai saong taneh pala drak. Hu thau, pui khuah di melam 24/7 dalam tỉnh Oristano gah pai di pulao. Urak ini, 7.500 urang di gah padam pui, an ninh, dân phòng haong dom urang halan hatian daok hu mbaok piah padam pui, hu bruk daong di labaih 20 sruh kapal haok. Urang jakar ngak praong di Italia jeng hu panuac ieu dom taneh ia dalam EU mai daong./.

Urang lang: M. Phương – Hani Pha – 26/07