Harei 30/9, Ủy viên Mintri Chính trị, Phó Thủ tướng Thường trực rajaei Trương Hoà Bình ba akaok kapul ngak bruk di Trung ương pasang iek bruk pablei phun cao su saong padang labik tái định cư Lộc An- Bình Sơn pabak ka danak dak padang ngak mblang kapar haoh dunya Long Thành. Pathau khan haong kapul pasang iek, akaok UB bhap bini tỉnh Đồng Nai Cao Tiến Dũng brei thau, meng bilan 7, dom gah pambuak tal hu jak ba rilo gah, pataom tame kaoh tak hu yaok rituh ha cao su, tui kuhria dalam bilan 10/2020 bruk kaoh tak phun cao su meda hu ngak salah. Langiu di nan, karja Đồng Nai hu biyar yaok rituh tỷ đồng jien đền bù, daong ka bhap bini hu taneh njauk mek piah ngak mblang kapar haoh. Phó thủ tướng Trương Hoà Bình taong yaom, bruk pablei phun cao su di pak ni hu labaih 1,8 ribau ha pabak ngak mblang kapar haoh Long Thành vaktu 1 njauk jalan ba tabiak bo tỉnh hu sanya. Gam tui di nan, ieu kakei hadei di tuk pablei blaoh taong abih taneh ngak cao su dom jabat jaka njauk ngak siam lagaih bruk khik ramik mbaok taneh, oh caik rah tabiak bruk lih mek, padang ngak suan hukum.

Di mbang họp báo quý 3 di mintri pato megru rah tabiak di beir harei kabroi, javap jalei ka bruk mek rilo janih jien di akaok thun bac, urang labaok mintri pato megru  ndom lac: kadung jien ngak bruk di mban lambaok amaik ame anek saih  lac meng bruk dong brei oh lac hu parabha samu gauk ka dom urang piah mek. Bruk mek rilo janih jien di akaok thun bac di rilo sang bac hu rah tabiak rilo thun ni mai, min bhian mek angan di Mban lambaok amaik ame dang tabiak pataom mek song pandar cai. Kayua yau nan ye, rilo panuac ndom lac, njauk khik veik mban lambaok amaik ame anek saih halei oh. Javap jalei ka bruk ni, ong Nguyễn Xuân Thành, akaok Vụ Giáo dục trung học, Mintri pato megru brei thau: Hukum pato megru hu tacei lac, dom labik pato pakai brei padang mban lambaok amaik ame anek saih. Hukum ni lagaih song bruk pato pakai lac bruk pambuak meng boh sang song sang bac  cho biết, Luật Giáo dục đã quy định, các cơ sở giáo dục phải thành lập Ban đại diện cha mẹ học sinh. Quy định này là phù hợp với nguyên lý giáo dục là kết hợp giữa gia đình và nhà trường.

Meng harei ni (1/10), Sarak 91 di rajaei ka bruk “pacang tin nhắn rác, thư điện tử rác, mbang ieu  rác” hu ba tabiak pandar. Dom kapul, urang tuk payua tin nhắn atau ieu phone yaih khan tal dom  phone par tangin dalam “angan oh hu yaih khan” meda njauk taong phat tal 100 triệu đồng. Sarak 91 tadian hu bruk njauk hatai, pachreih tui di rilo urang pandar phone par tangin.

Harei 30/9, dom jabat  chức năng Việt Nam, Đại sứ quán Việt Nam di Japon song hãng kapan haoh negar  Việt Nam pambuak bruk song dom jabat  chức năng japon ba labaih  350 urang  Việt Nam meng Japon mai palei hu siam mekre. Tuai di angaok mbang par  hu uranaih umo ala  18 thun, urang prong thun, urang kamei metain, urang ruak kik, urang ngak abih tuk vak ngak bruk, sinh viên oh hu labik dok  kayua ký túc xá kreik pambah mbang  song dom bruk biak kan kandah karei karei. Đại sứ quán Việt Nam di Japon hu ba urang jakar mai dong tapak bhap bini di mblang kapan haoh.  Tuk vak tal, bruk ba urang hu rai duik kan kandah mai palei daok hu ngak tui hatai khin di bhap bini, iek tui jit ruak  song labik brei paatah di gauk dalam negar.

Melam 30/9, di mblang bien ban sit Buôn Trấp (huyện Krông Ana, tỉnh Đắk Lắk), Tỉnh đoàn Đắk Lắk pambuak haong Sở Lao động, Thương binh saong Xã hội tỉnh, kadung jien daong ranaih di tỉnh peih danak dak Melam ia bulan bak baoh ka labaih 1.000 ranaih dom bangsa dalam palei. Hu mbaok tame danak dak, dom ranaih hu main bui sambai di melam ia bulan bak baoh tapa dom bruk tamia múa lân – girai, phá cỗ Trung thu. Dalam đêm hội trăng rằm 2020, Ban peih ngak danak dak hu alin 50 paok học bổng hu yaom 50 triệu đồng saong 25 sruh radiah ka 75 anek saih kathaot pachrieh bac, alin 1 baoh sang anit ranam hu yaom 50 triệu đồng ka sang saai Hyõ Knul, buôn Mlơt, xã Ea Bông, huyện Krông Ana. Urang dang akaok huyện, Huyện đoàn Krông Ana jeng hu alin 50 paok hadaih saong 20 sruh radaih juak ka ranaih kathaot pachrieh bac di huyện.

Di mbang họp báo bier harei kabroi di mintri Ngoại giao Trung Quốc, urang brei panuac Uông Văn Bân brei thau, Trung Quốc song dom negar  dok jhul samar bruk roh duah patagok vắc xin piah pacang caga jit  Cô-vít 19, nan ye tabiak yaom jien vắc xin jeng lac bruk oh ka ndom hu. Min dom negar ni hu panuac sinya hadei di tuk  vắc xin ngak tabiak hu jak jeng  meda ba  vắc xin jeng pandap  siam di dunya, kham merat ka dom negar dok patagok meda pabak song pandar vắc xin.  Yaom kaom di vắc xin, Akaok  công ty công nghệ sinh học Trung Quốc (CNBG) di kapul Sinopharm – labik hu 2 janih  vắc xin pacang Cô-vít 19 dok peih ngak lâm sàng tuk vak ka 3 brei thau, công ty ni batabiak bruk pabak  vắc xin pacang  Cô-vít 19 tabiak drak pasa  song yaom oh tapa  600 nhân dân tệ (labaih  88 USD) ka  2 mbang klauk.

Dalam mbang ndem mayai nao mai di 2 urang daok pakacah gauk ngak tổng thống, sa dalam dom bruk hu makna praong di mbang pilih ruah 2020, hu peih tabiak di melam  29/09 (tui maong Mỹ).  Tui dom gah papar binguk di Mỹ brei thau, dom urang tui iek mbang mayai camriep di ong Donald Trump saong Joe Biden bier jang duk saong biak rilo yau haong bruk ni dalam thun 2016. Dom kênh thaot binguk angan ye di Mỹ hu ABC, CBS, NBC saong Fox hu taong abih jaik 29 triệu urang iek, trun 36% duk saong mbang ndem mayai camriep di ong Trump saong Ngoại trưởng dahlau dieh muk Hillary Clinton.

Tamat mbang điều trần bahrau di abih di vụ án muk  Mạnh Vãn Chu – Akaok kapul jien ndua Hoa –uây harei  30/9, tui tuk vak pak ni, Tòa án oh batabiak hu panuac kaoh puac di abih, dom gah meda hu mbaok rilo mbang điều trần karei dahlau di tuk  Tòa tabiak panuac puac abih ka bruk Mỹ song Canada pagam pambak tame dẫn độ halei oh  dalam bilan 2/2021. Muk Mạnh Vãn Chu- Akaok kapul jien ndua Hoa-uây lac anek kamei di ong Nhậm Chính Phi, urang padang tabiak kapul Hoa-uây. Muk njauk chap di mblang kapan haoh Vancouver dalam harei 1/12/2018 song brei daok di sang dalam tuk pathau veik  bruk  dẫn độ di  Mỹ. Bruk chap kreih muk  Mạnh hu mong lac sa binah ngak ka talei pambuak bruk di  Trung Quốc song  Mỹ song Canada catang tagok dalam jiak 2 thun tapa ./.

Urang lang: T.Thảo - H.Pha  1/10/2020  10:53:41