Daok lac tuk tabung glaong di gah du lịch Phú Quốc, min tukvak ni, daok tame bilan hajan, nan ye mbuan ba tal bala ka gilai pajeng tuai di angaok tasikt. Piah khik caga siam mekre ka tuai damuia, karja huyện đảo song gah du lịch tỉnh Kiên Giang ba tabiak rilo jalan piah khik iek catang dom gilai ngak dịch vụ pajeng tuai ni. Kadha vak di Lam Hiếu urang vak di rayo sap ndom VN dok di bhum taneran krong CL brei thau ka bruk nan.

    Di huyện Phú Quốc hu labaih 50 kapan ngak dịch vụ pajeng tuai du lịch rivang iek  angaok tasik, ngan song dom janih yau vah ikan, vah mực song nyuk tasik mong iek dom rạn san hô. Janih du lịch ni dak harei dak pachreih hu rilo tuai tuk mai tal Phú Quốc. Ni lac tuk piah ka dom kapan dịch vụ tagok khang, ba rilo bruk ngak song jien tame.

     Ong Huỳnh Quang Hưng, Phó Chủ tịch Ub bhap bini huyện Phú Quốc brei thau, meng bruk tabaleik kapan di ban Đà Nẵng, huyện ni hu tacei pato dom gah yau Biên phòng, Thanh tra giao thông thủy bhain tui iek angaok bhum tasik, pasang iek bruk tut angan đăng kiểm di dom kapal ngak dịch vụ pajeng tuai du lịch dalam huyện piah khik caga siam mekre salamat ka tuia damuia: Dom gah chức năng song phòng quản lý đô thị, công an huyện pambuak bruk song tiểu khu biên phòng, abih di nyu nan lac dom đồn biên phòng di dom pabah mbang negar yau Dương Đông, An Thới, Bãi Vòng piah pasang iek biak catang dom kapal ngak dịch vụ du lịch. Ni lac bruk biak prong kayua nyu ảnh hưởng biak khang tal bruk du lịch di huyệni. Khol dahlak kham merat abih jalan piah khik hu siam mekre ka tuai damuai.

     Thượng tá Đặng Hữu Danh, Đồn trưởng Đồn Biên phòng cửa khẩu cảng An Thới brei thau, mbuan ba tal bala di abih urak ni, lac dom ghe gilai hu jamriak. Gah biên phòng khang hatai xử lý dom ghe gilai oh hu adat. Tui nan, gah biên phòng hu langyah 75 ghe gilai oh hu adat piah khik siam mekre salamat ka tuai damuai: "Dom gaiy gilai pajeng tuai suan adat khol hulin hu ngak biên bản xử lý hành chính song oh brei peih ngak. Po ghe gilai nan vak harak sanya oh pajeng tuai  piah khik siam mekre ka tuai damuai. Urak ni njauk ndom lac , di An Thới bruk khik iek ghe gilai du lịch hu tani tanat.

    Meng ngak siam bruk tui iek, pathau khan nan ye dom po kapan song urang peih kapan hu ngak siam dom quy định di gah chức năng, ngak siam bruk peih kapan, ngak ka tuai damuai mboh sahanang hatai. Saai Mã Thanh Quang, thuyền trưởng kapan du lịch Huỳnh Phương brei thau, tuk tuai du lịch trun kapan, saai jeng ieu urang cuk aow phao. "Dahlau di tuk pajeng tuai tabiak tasik, tuk tuai trun kapan drei brei tuai cuk aow phao song kakei urang dok njauk labik. Tame bilan hajan ni gah Tây Nam hu riyak ye drei peih nduac tui gah đông bắc piah ka tuai vah ikan, nyuk mong iek san hô.

   Khik caga siam mekre salamat ka tuai damuai jeng lac piah ngak ka bruk du lịch Kiên Giang patagok khang kajap, dalam nan hu palao Phú Quốc./.