2 thun ini mai, gah dalam labik ngak alak tằm di HTX Ngak nong pablei salih Dịch vụ Hòa Phong, huyện Tây Hòa, tỉnh Phú Yên mboh hu rilo baoh jeik uk (chum)praong. Dalam jeik lac thaot binguk biak karei ngan saong rilo urang. Nan lac dom drei tằm tram tame alak brah. Tui gah y học cổ truyền, alak tằm hu rilo siam mekre ka prein yawa. Ini lac pandap đặc thù bo HTX Hòa Phong palih ruah piah cak rok patagok tui danak dak yaok xã sa pandap di tỉnh Phú Yên. Ong Nguyễn Ngọc Tuấn, Akok HTX Ngak nong Pablei salih Dịch vụ Hòa Phong, huyện Tây Hòa brei thau:“Pandap ini ngak tui meng kan. Alak kayua HTX ngak eng. Men nàng thơm ba pa-auk njiak tabiak jeng tui jalan meng kan. Alak ini menyum piah giải độc gan, jru mek, menyum ka gan la-ar, abih pandiak.”

Xã Hòa Phong, huyen Tây Hòa lac sa labik duy nhất di tỉnh Phú Yên hu bruk ngak meng kan lac pala dâu raong tằm. Langiu di bruk pablei kén meng lavik mai, 43 baoh sang di palei ngak hu jalan piah kak kajap haong bruk ngak ini. Urak ini, urang pala dâu raong tằm daok pablei hu tằm ngan saong yaom 100 ribau sa kilo ka HTX Hòa Phong, ba jien tame hu rilo meng bruk ngak meng kan.

 Ngak tui danak dak yaok xã sa pandap, tỉnh Phú Yên palih ruah dom pandap hu kein lagaih jang labik karei, ba tame ngak tui chuỗi gái trị. Nan lac Dom pandap: tapei racam Đông Bình, ia mesir Mỹ Quang, brah An Nghiệp…Quy trình ngak tabiak siam mekre, kak kajap saong dom palei ngak meng kan hu angan, nan ye tuk camereip dom pandap nan hu labik dang di darak pasar. Yau nan min, piah hu bruk salih birau yau bruk ba tabiak di danak dak lac yaok xã sa pandap, brei hu menuac takre blei. Ong Trần Hưng Lợi, Akok Chi cục Patagok palei pala tỉnh Phú Yên brei thau, tỉnh daok daong ka bhap bini tame saong kak kajap haong danak dak:“Khol dahlak daok brei ngak danak dak yaok xã sa pandap, (birau hu) GAM daong dom công đoạn dalam bruk ngak tabiak bo bhap bini kan ngak. Bruk praong di abih nan lac pablei hu pandap ngak tabiak.”

     Meng lavik mai, bruk pandang angan je, ngak mã vạch ka pandap meda lac oh hu ngak ngan saong dom cơ sở ngak pandap di bhum palei pala. Danak dak yaok xã sa pandap, njauk brei paglaong giá trị pandap di tỉnh. Piah hu yau nan, dom pandap brei sahneng ngak ka nyu siam jang, oh njauk lac brei hu rilo pandap./.