Dom harei ini, di tỉnh Phú Yên, dom kapul nyom, menuac urang, gah ngak pahla hu rilo bruk ngak piah iek glang Tết ka urang kan kathaot, urang njauk jru mek klik kruac. Đong Phương - urang pambuak bruk haong rayo sap ndom Viet Nam daok di gah kreh negar hu kadha vak brei thau ka bruk nan, da-a mikva saong taong abih gauk tui pang:

Labaih 200 pok pandap tết di Phat tu tinh Phu Yen bahrau hu ba tal urang taha daok sa drei, uraniah metui medar, urang jaoh jo daok di dom xã Hoa Tri, Hoa Quang Bac, Hoa Quang Nam, huyen Phu Hoa. Dom janih pandap ini yaom lac oh praong min nyu ba bui sambai mai ka mikva. Amuk Nguyen Thi Le, daok di xa Hoa Tri, huyen Phu Hoa khan lac:Uan tabuan lô, dom ký brah jeng uan tabuan, biak uan tabuan.

Gam ba pren tame iek glang Tet ka urang kan kathaot, puac thun bloh, Uy ban Mat tran Negar Viet Nam tinh Phu Yen hu peih bruk jak ba urang pachreih tui bruk “Tet ka urang kan kathaot, urang njauk jru mek klik kruac”. Labaih 300 trieu dong hu rik daong ka urang kan kathaot hu mbang Tet dalam bui sambai. Ong Nguyen Hong Thai, Pho akaok Uy ban Mat tran Negar Viet Nam tinh Phu Yen brei thau: Mặt trận tinh hu panuac ieu dom to chuc thanh vien ba gauk tame daong ka urang kan kathaot: Dom urang ngak praong pan akaok tinh njauk hatai haong bruk brei kaoh tabiak meng kadung jien pacang caga bala meng lingik tasik piah daong ka sang kan kathaot, sang sarak karja mbang tet. Mat tran dom pakat brei ieu pataom dom gah karei tui pren di drei. Ngak habar piah ka yaok baoh sang, yaok urang kan kathaot, urang dalam sarak karja jeng hu tet.

Tinh Phu Yêe urak ini daok hu jaik 10% sang kan kathaot. Piah oh hu sang kan kathaot halei kurang Tet, So Lao dong, Thuong binh saong Xa hoi tinh daok pasang iek saong samar daong ka dom urang dalam sarak karja, sang kan kathaot, sang kan kandah./.