Phu Yen sangka peih ngak sarak ka anek saih bangsa takik

        Phú Yên lac tỉnh hu 31 bangsa takik daok rilo di 3 huyen bhum ceik lac Đồng Xuân, Sơn Hòa saong Sông Hinh; dalam nan, hu jaik 2.000 anek saih lac anek kamuan bhapbini dom bangsa takik daok bac da-a di dom sang bac meng pakat tiểu học tal  phổ thông trung học (PTTH). Kadha vak ala ini di Xuân Triệu vak angaok harak báo Thông tấn xã Việt Nam:

        Dom thun tapa, dom sarak brei ka anek saih bangsa takik tuk halei jeng hu tỉnh Phú Yên sangka peih ngak ginup, njauk tui quy định di karja.  Đồng Xuân lac huyện bhum ceik kathaot tui Sarak 30a di rajaei. Huyện hu labaih  200 anek saih lac dom anek kamuan bhapbini bangsa takik daok bac da-a di 13 sang bac tiểu học saong PTTH. Dom adei hu mbang tui sarak daong jaik 400 triệu đồng sa thun. Dom bruk miễn, giảm jien bac saong daong jien bac da-a ka dom adei jeng hu peih ngak ginup. Lingiu di nan, dalam huyện Đồng Xuân hu 28 anek saih hu cử tuyển tame dom sang bac đại học, cao đẳng dalam taneh ia.

       Ông Nguyễn Hữu Từ, Phó akaok uy mban bhapbini huyện Đồng Xuân brei thau : dom chế độ sarak ka dom adei anek kamuan bhapbini bangsa takik daok bac di dom sang bac dalam huyen hu peih ngak ginup. Tapa nan, pachreih dom adei bac da-a siam,  anek saih klak bac trun daok takik. Meng hu bruk daong ini, puk palei khik kajap bruk phổ cập giáo dục tiểu học saong trung học cơ sở njauk umo thun jeng ye pato pakai hu menuac piah caga pabak ka bruk patagok kinh tế - xã hội di bhum ceik. 

     Di sang bac phổ thông bangsa gam daok gam bac tỉnh Phú Yên, yaok thun hu 220 anek saih anek kamuan bhapbini bangsa takik di dom bhum kinh te biak kan kandah dalam tỉnh hu mbang tui dom sarak daong tui quy định, yau ye : daong jien bac, tapuk siphau, pandap bac da-a, jien radaih, brah… Labaih 450 triệu đồng saong labaih 14 tấn brah hu brei ka dom adei. 

    Tui ông Phạm Ngọc Công, Akaok mBan bangsa - Hội đồng bhapbini tỉnh Phú Yên, piah ba mbuan lagaih ka anek saih bangsa takik nao bac da-a hu siam, langiu bruk peih ngak ginup dom chế độ, sarak di Đảng, karja ka bruk pato megru bangsa, bhum ceik njauk hu dom sarak di puk palei. Taphia di nan, njauk jhul khang bruk xã hội hóa, ieu pataom dom pren khang, dom kadung jien piah buh tame ka bruk pato megru bhum ceik, bhum bangsa takik ...      

Thúy Linh