Pathau mik va song tong abih gauk! Jiak 14 thun lac urang dang akaok  palei, taha Y Hơ Êban dok di palei  Knia 4, xã Ea Ba, huyện Buôn Đôn, tỉnh Đắc Lắc hu pambuak haong mik va palei drei patagok KT, ngak kaya meda ka boh sang. Ong  Y Hơ Êban lac sa dalam dom taha palei hadah krah di Tây Nguyên, hu rilo rik dong ka bruk khik caga an ninh trật tự, patagok  ilamu di bhap bini. Kadha vak “ Phun kayau taha di palei Knia” di Hương Lý, urang vak di rayo sap ndom VN dok di Tây Nguyên hu khan tal taha palei hadah krah ni. Daa mik va song tong abih gauk tui pang:

Palei Knia 4, xã Ea Bar, huyện Buôn Đôn hu jiak 200 boh sang song 790 urang, rilo meng lac urang bangsa Ê đê. Dom thun 2001, ni jeng lac sa labik pandiak ka an ninh chính trị, tuk mik va njauk kol Fulro lưu vong pacuh pajarak, pachot tame dom bruk ngak brei srau kadau, vượt biên suan adat tapa negar Campuchia meng akaok thun 2001. Jeng di tuk vak ni, taha Y Hơ hu mikva puk palei pok ngak taha palei. Anak bruk srau kadau di palei, taha Y Hơ oh huac kan kandah, nao tal yaok boh sang piah pathau khan, jak ba mik va jhui pang, jhui jia tui kol kanyah jak pacuh pajarak. Rilo urang hu taha tacei pato, mboh hu bruk ngak suan di drei song mai veik puk palei ngak mbang. Dalam yaok pluh urang hu taha Y Hơ tacei pato, hu duik pasang Y Prơi - H’linh, gaok kol kanyah jak pacuh pajarak vượt biên suan adat, hadei di nan mboh drei ngak suan song hu puk palei taduan mai nan ye kham merat ngak mbang, urak ni hu rai duik ginup meda. Saai H Linh lac:

Dahlau deih duik pasang nao tui kol kanyah jak. Mai veik palei hulin pang tui panuac tacei pato di taha palei, di dom cei, dom wa. Urak ni duik pasang hulin kham merat ngak mbang pala drak rong glang, rong anek nao bac. Duik pasang hulin biak uan tambuan taha palei sangka tacei p[ato. Kol hulin thau suan ye. Urak ni mai veik sang, hulin mboh biak bui sambai.

Taha Y Hơ khan lac: “ Sa dalam dom ilamu  piah ngak hu siam bruk jak ba bhap bini, nan lac bruk hu thau sarak di Đảng song hukum di karja, thau cambaih adat cambat tanarakum di bhap bini Ê đê ». Dalam tuk pathau khan jak ba, taha Y Hơ bhian ba tabiak dom kadha brei mboh bruk sangka iek glang di Đảng song karja brei ka bhum urang bangsa takik daok di Tây Nguyên yau bruk padang ngak jalan, dui điện, sang bac, bilai y tế, dong brei taneh dok, taneh ngak mbang, ia pandar piah ka mik va tani tanat rai duik, song rilo sarak dong brei karei karei yau bảo hiểm y tế. Oh lac nao dahlau dalam bruk “ Tong abih bhap bini khik caga an ninh palei negar” taha Y Hơ dok lac sa dalam dom urang naih gheih dalam bruk ngak mbang di palei, tuk hu megru ilamu kỹ thuật pala drak, rong glang, taha jeng abih hatai pato veik ka mik va, piah ba gauk yam tagok. Urak ni, dalam abih tih 180 boh sang di palei Knia 4, dok 27 boh sang kan kathaot min, takik jang biak rilo dut song  thun 2001. Taha Y Hơ brei thau:

Drei pathau khan meng bruk an ninh chính trị,  khan brei mikva  palei Knia kol hulin thau ka bruk an ninh chính trị oh pang tui song oh ngak tui kol kanyah jak pacuh pajarak. Kadua lac ngak KT drei thau rilo ka ilamu kỹ thuật, rilo mbang hu urang kajar mai tacei pato ilamu KT, drei jak ba mik va mai pang ngak tui, livik livik harei palei Knia hu  rilo salih bahrau, ngak mbang hu ginup meda.     

Taha palie Y Hơ dok lac sa dalam dom nghệ nhân naih ghieh di palei. Taha bhian sangka tal bruk khik caga ilamu di bhap bini urang ê đê. Taha Y Hơ oh lac me-in gheih, bo dok ngak hu yaok pluh alat ragam meng kan di bangsa drei yau Chiêng che, đing tặc tà, đing gông, đing năm… Taha Y hơ kanal yaok pluh kadha doh bhap bini, bài chiêng cổ.  Meng nan, taha palei Y Hơ kham merat pato pasram ka dam dara. Kayua yau nan ye, palei knia 4 hu 2 kapul Chiêng, rilo dama dara dalam palei hu taha pato meng ilamu tal diễn tấu tal bruk ngak alat ragam meng kan. Sang taha palei Y Hơ lac sa dalam 4 sang di palei urak ni dok khik hu ilamu ngak alak cần meng kan, piah tuk palei hu rija roya, mik va hu taom gaok gauk tapen ché lak, ba drei tame sap chiêng song doh Ay ray, meng nan pambuak kajap jang talei jum pataom dalam bhap bini urang Ê đê di palei Knia 4. Ong Y Sen Kbuôr, Phó Akaok Ủy ban bhap bini  xã Ea Bar, huyện Buôn Đôn ndom tal taha palei Y Hơ yau ni

Ong Y hơ  abih hatai jai dalam bruk ngak di taha palei, abih hatai langyah bruk kandah gauk dalam but pajaih, dalam bhap bini. Ong daok ngak hu alat ragam saong tacei pato taong cồng chiêng, jak ba urang taha pataom gauk padang sa kapul cồng chiêng. Ngan song bruk ngak di taha palei ong Y Hơ oh lac  taha palei ka palei di drei bo daok lac ka palei 2, palei 3, palei4.

Y Hơ njauk song angan bo mik va dalam palei pok brei ka ong lac phun taha prong di palei Knia. Ong hu pacang ka bhap bini palei drei plaih dom kanyah jak piah rai duik di yaok boh sang hu siam mekre, trei sir./.