Di dom xã tapen kraong Tiền di tỉnh Tiền Giang daok peih ngak dom danak dak pasiam ar binek

Piah caga ka mbang Nyaom ka 10, Quoc hoi mbang XIV tui kuhria hu peih tabiak  di harei 20/10/2020, tamat di harei 17/11/2020, Thủ tướng Rajaei jao bruk ka dom Mentri, Akok jabat sumu mentri tui bruk ngak brei ngak dom harak pathau khan, dự án hukum. Dalam nan, Thủ tướng Rajaei jao brei Akok mentri, Chủ nhiệm Jabat Rajaei piah khan thau ka bruk ngak hu ngak kinh tế-xã hội saong kadung jien karja thun 2020; ba tabiak bruk ngak brei cak rok  patagok kinh te –xa hoi saong kadung jien karja thun 2021, kayua Thủ tướng Rajaei khan anak mbang nyaom var peih pakak; Pathau khan taong abih bruk peih ngak dom Sarak di Quoc hoi  ka bruk tui iek kadha, tangi sua bruk ngak dalam vaktu XIV saong dom Sarak vaktu XIII, kayua urang ngak praong di Rajaei pathau khan di mbang nyaom tangin sua saong javap jalei di labik ginum biai.

Mintri pato megru bahrau hu harak payua ka  akaok  Sở pato megru dom tỉnh, ban, ieu brei patagok bruk tacei pato peih ngak danak dak pato pakai phổ thông thun 2018 pakat  tiểu học. Tui nan, mintri hu panuac ieu dom sang bac peih danak dak tal  1 tui jalan ngak oh biak trak, dong ka anek saih bac daa pak di sang bac, oh brei ngak  bài tập di sang

Tui panuac khan meng Palei Ilamu dulich bangsa Viet Nam, dom bruk paeih ngak dalam bilan 10 hu mbaok di labaih 100 urang di 16 bangsa takik yau ye Tày, Nùng, Dao, Mông, Thái, Mường, Ơ Đu, Khơ Mú, Tà Ôi, Cơ Tu, Ba Na, Xơ Đăng, Gia Rai, RagLai, Ê Đê, Khmer ngan saong 12 tỉnh, bhum palei, hu dom bruk njauk caik hatai di dom bhum palei hu bhap bini ngak bruk yaok harei. Danak dak praong di bilan 10 hu dom bruk yau “Sap iew di ceik glai praong” ngan saong Danak dak “ Ragam tamia Tây Nguyên” peih ngak di dom harei sanecar, adit yaok adait saong yaih khan, peih ngak dom bruk ngak meng kan di dom bangsa  di Tây Nguyên.

Văn phòng Thường trực Mban tacei jalan pakat negar ka  pacang caga bala meng langik tasik bahrau hu harak payua ka mBan tacei jalan pacang caga bala meng langik tasik song dong duah urang gaok bala dom  tỉnh, ban tapen tasik meng Quảng Ngãi tal Cà Mau ka bruk pacang caga áp thấp angaok labik kreik tasik biển Đông. Văn phòng thường trực mban tacei jalan pakat negar ka pacang caga bala meng langik tasik hu panuac ieu mBan tacei jalan pacang caga bala meng langik tasik song dong duah urang gaok bala dom tỉnh, ban nan bhian pasang iek, brei  thau ka  áp thấp khik kajap bruk ndom biai nao mai song thuyền trưởng song dom po kapan gaiy, piah khik siam mekre bruk tong chap song peih dom jalan ngak pacang caga siam lagaih. Halan hatain ka dom gah, kapan gaiy dong duah, dong urang piah samar ba tangin tame tuk hu bruk rah tabiak

Di dom xã tapen kraong Tiền di tỉnh Tiền Giang, dom danak dak pasiam ar binek, paglaong ar pacang ia mbak, ia taba daok peih ngak, abih di nyu lac kham merat khik labaih 10.000 ha pala sa janih phun duriang. Janih phun ini tuk njom ia mbak 1 ngaok sa ribau metai abih. Ta-eng huyện Cai Lậy caong khin tỉnh daong samar chip labaih 5,8 tỷ đồng piah kuac 10 mét ribaong dalam huyện; daong kuac 6 baoh bingun dalam trun ala taneh di xã Ngũ Hiệp piah pabak ia taba ka phun duriang, padang ngak 7 binek thép piah pacang ia mbak, khik ia taba.

Tổng thống Mỹ Donald Trump melam  05/10 (tuk vak Mỹ) hu tabiak truh sang iek ruak piah  mai veik Nhà Trắng hadei di tuk ong hu iek ruak  Covid-19 meng harei sut  adit dahlau.  Tổng thống Donald Trump hu dom bác sỹ brei tabiak sang iek ruak song mai veik Nhà Trắng di melam  05/10. Ong Trump adit dahlau njauk iek ruak hadei di tuk hu pasang iek njauk  Covid-19 song mboh pandiak  song  oxy dalam drah trun.    Meng di tuk tabiak sang iek ruak quân đội Walter Reed, ong Trump hu panuac ndom angaok blah Twitter lac  ong samar mai veik haong bruk tranh cử

Hội đồng Bảo an Liên hợp quốc harei 05/10 hu ginum biai online ka bruk rah tabiak di Haiti saong bruk ngak di Jabat Pambuak  saong LHQ di Haiti. Dom taneh ia di Hội đồng Bảo an brei mboh hatai sangka dalam tal bruk chính trị, kinh te, xa hoi rah tabiak di Haiti jeng yau dom haduh hatai ka bruk cuang kandah chính trị di rajaei saong dom đảng phái chính trị cagar veik. Dom taneh ia ndem tagok dom bruk taong paoh saong patauh phao tame bhap bini, abih di nyu lac urang kumei saong urang naih; caong khin dom gah kham merat jhul pakhang bruk ndem meyai nao mai saong njauk hatai chính trị ka bruk palih ruah anak tal.

Bruk njom veik Covid-19 meda rah tabiak hadei di 2 – 3 bilan kayua hệ miễn dịch di anek menuac nyu trun hadei di tuk njom ruak.   Panuac khan ni hu bác sĩ Nikolai Kryuchkov – chuyên gia ka dịch tễ học di  Nga batabiak. Ong ndom lac bruk njom veik ruak  Covid-19 daok tui bruk pacang ruak dalam rup pabhap di anek menuac. Ngan song urang njauk njom ruak Covid-19, pren pacang ruak trun biak samar hadei di tuk hu pasiam veik. Ni lac makna prong ba tal njom ruak gilac veik. Min, urak ni oh ka  hu roh duah cambaih laih halei brei mboh ka bruk ni.

Urang lang: Hani Pha – Ái Nghiêm – 06/09 10:40:45