Boh kayau di dom tỉnh ban hu pablei pak ni 

Meng akaok thun 2020 mbiah tal ini, jit tả pabui châu Phi rah tabiak di labaih 1.500 xã dalam 50 tỉnh, ban dalam negar. Taong abih drei pabui njom ruak ba nao am cuh klak lac labaih 80.000 drei. Urak ini, daok 307 sruh jit ruak di 29 tỉnh, ban dalam negar oh ka tapa 21 harei. Kayua Yau nan ye, Mentri Ngak nong saong patagok palei pala kakei, gah raong glang thú y dom palei brei pakhang bruk pasang iek, oh caik jit ruak tamuh gilac saong pambak praong dalam tuk bruk blei mbang ralow pabui tuk panuac tagok glaong.

Piah khik ginup pandap pablei, tani tanat drak pasa song pacang lạm phát, khik kajap an sinh xã hội tuk vak puac thun ni  song tuk Tết Nguyên đán anek sak kubao  2021, dom doanh nghiệp di  Tiền Giang daok caga pandap piah  pabak ka bruk blei pandar di bhap bini, yaom abih tih jiak 444 tỷ đồng; dalam nan, dom pandap pandar yaok harei lac labaih 98 tỷ đồng. Tui  Sở Công Thương tỉnh Tiền Giang, dom pandap bo dom doanh nghiệp khik piah pabak  lac : 934 tấn brah dom janih, 491 tấn saradan,  895 lít menyek mbang, labaih 731 tấn bột ngọt song hạt nêm hong labaih 80 tấn rilaow athur, menuk ada… Gam haong nan lac dom pandap karei yau: har mứt, tung pabui, ia jamen, sabon…khik kajap bruk pabak ginup ka bhap bini  .

Lac sa dalam dom palei hu rilo bhap bini bangsa Khmer meblah labaih 30% bhap bini dalam tỉnh, rilo thun tapa, Đảng bộ, karja tỉnh Sóc Trăng tuk hlei jeng sangka, daong buh jien tame ngak  patagok cơ sở hạ tầng, paglaong raidiuk di bhap bini di dom palei, abih di nyu lac di bhum atah bayah. Dalam nan, prein khang di urang ngak bruk hu dom pakat karaj sangka nan lac bruk brei patagok bruk ngak di dom urang hu ngan je dalm bhap bihi bangsa takik. Urang hu ngan je dalam tỉnh tuk halei jeng kham merat jak ba bhap bini jum pataom dak padang raidiuk kinh te tani tanat saong yam tagok, rik prein yawa tame  dak padang palei pala birau. Yau ong Huỳnh Nô daok puk Khoan Tang, ban sit Long Phú (huyện Long Phú), meng thun 2015 mbiah tal ini, ông Huỳnh Nô jak ba miva dalam bhum palei rik daong  labaih 200 triệu đồng piah blei tapuk siphau ka anek saih kathaot, padang ngak tatua, sang bac…

Gam song vaccine pacang Covid-19 Nano Covax kayua Công ty Nanogen ngak tabiak  bahrau hu klauk iek angaok menuac, sa janih  vaccine karei di  Công ty Vabiotech jeng hu klauk iek angaok kara di palao Rều, ban Cẩm Phả, tỉnh Quảng Ninh. Hadei di labaih sa  bilan, urang ilamu hu tong yaom ka tunut  pabak miễn dịch di nyaom kara song tui iek dalam labaih 4 bilan patui di nan. Meyah vaccine hu siam lagaih dalam khik caga, dom urang ilamu hu pathau khan Mintri Y tế piah pasang iek, peih ngak iek angaok menuac.

Jabat Cảnh sát jalan mbak – jalan radaih pui, Công an Ban raya HCM brei thau: Dalam mbang tabung glaong khik kajap salamat jalan mbak saong pacang caga bruk dam dara pataom gauk, peih radaih pakacah gauk ngak srau kadau labik rilo menuac meng harei 4/12 tal harei 15/12, gah chức năng hu pasang iek labaih 9.700 radaih; dalam nan, ngak bien ban jaik 3.000 mbang urang ngak suan, chap khik jaik 2.000 radaih yaok janih, taong phạt jien buh tame ka Gilang pariak Karja jaik 9 tỷ đồng. Jaik abih  dom bruk ngak suan pambak tal bruk peih radaih nduac khang rilo, mebuh alak peih radiah, njiak kadet yuh ga catang saong pataom gauk tui kapol di labik daok bhap bini…Dalam nan, hu urang njauk taong phạt kayua pandar matuy tuk peih radaih.

6 #  Melam 24-12, tui tuk vak  Việt Nam, Anh song Liên minh châu Âu (EU) mek hu thỏa thuận peih tabiak talei pambuak bruk  kinh tế song an ninh bahrau di 2 gah tuk vak hadei Brexit. Thỏa thuận praong ni tamat sa tuk vak  jiak  9 bilan ginum biai  song 11 tuk ndom nyai luac melam. Tapa nan peih tabiak jalan ka Anh tabiak truh EU dalam siam mekre, padang veik talei pambuak bruk di 2 gah dalam harei anak tal, saong khik kajap bruk pandap panda yaom dom riuth tỷ USD hu pablei salih di  Anh song  27 negar EU.

Harei 24/12, labaih 7.000 bhap bini daok jaik sa labik di lin tasik Mỹ daok di gah Meraong bang California njauk panduan nao labik karei kayua dom mbang apui khuah glai daok apmbak praong. Apui khuah meng melam dahlau, mbang rah tui jalan di gah Easar di Trại Pendleton, gah Barak San Diego saong kuhria mbiah tal jala pandiak 24/12 khuah palai abih glai praong labaih 3.000 mẫu Anh.Oh ka hu brei thau hagait pambak tal manuac, min apui khuah glai ngak brei bhap bini daok jaik nan brei panduan nao labik karei chip. Thun 2020, California njauk bilan apui khuah glai ngak khat lahik trak abih kuhria meng dahlau mai saong ngak ka 33 urang metai, labaih 4 trieu mẫu taneh glai, 10.000 baoh sang di bhap bini saong danak dak kiến trúc khut tayak. 

Kapul pablei salih điện tử rilo negar dang akaok  Trung Quốc - Alibaba njauk pasang iek.Bruk pasang iek  kapul Alibaba bo Jack Ma, sa dalam dom  doanh nhân khang abih di Trung Quốc, lac urang gam padang tabiak- lac bruk brei mboh hatai khang rami ramik veik saong  ngak catang bruk khik ramik dom "urang prong internet" song công nghệ jien ndua dalam negar di Bắc Kinh./.

Urang lang: Bhumi -Hanipha- 25/12-  19:00:00