Ong Tạ Văn Dưỡng- Akok Mban sarak hukum, LĐLĐ ban Hà Nội

Bui sambai gam saong duh hatai nan lac hatai sahaneng di ralo urang ngak tuk mehit lac Rajaei peih brei paok jien daong an sinh xa hoi, daong ka urang gaok kan kandah kayua jit Covid-19. Ini lac paok jien daong brei ka dom urang mbuan gaok kan kandah. Dalam nan, hu ralo urang ngak trun biak ralo jien mek tame atau lahik bruk ngak kayua jit Covid-19, nan lac: Urang ngak brei padeih pambuak hrak ngak bruk, padeih oh hu jien bilan di dom doanh nghiệp; urang ngak njauk padeih klaoh hrak pambuak bruk min oh ka ginup piah taduan jien daong lahik bruk ngak saong urang ngak oh hu harak pambuak bruk ngak, lahik bruk ngak. Kayua yau nan ye, urang ngak mong akaok samar hu peih brei paok jien daong nan.       

Tui ong Tạ Văn Dưỡng, Akok Mban sarak hukum, Liên đoàn Lao động ban Hà Nội, Paok jien daong an sinh brei ka bol bhap rahra gaok kan kandah kayua jit Covid-19 brei mboh Rajaei kham merat daong bhap bini saong doanh nghiep di tanut glaong abih dalam tuk yau urak ini. Yau nan min, tapa bruk ngak brei mboh, rilo sarak di karja tuk peih ngak di bhum palei njauk urang pambak tame piah mbang jien padai, rilo sarak daong oh njauk manuac njuak urang. Kayua yau nan ye, piah ngak hu siam paok jien daong di Rajaei, karja palei saong urang pandar manuac ngak njauk pambuak bruk, yaok pataom angan urang ngak, brei thau njauk manuac hu taduan jien daong, brei mboh cambaic laic. Ong Tạ Văn Dưỡng brei thau:“Tuk  ngak brei ngak catang, plaik pambak tame sarak. Tuk ba tabiak ngak, bruk di dom pakat karja quận, huyện lac praong. Hu tuk pakat phường brei ba tangin tame bruk, nao tal sang duah thau tal labik, iek tui ho sơ harak gar yau ye, BHXH saong raidiuk di palei.Daok công đoàn meda daong tui iek, oh lac dang tabiak palih ruah atau ba angan urang hlei tame.”

 Meda mboh lac, urang hu mbang tui paok jien daong nan lac biak ralo. Sarak saong jalan ngak hu bhap bini njauk hatai saong mong akaok min bruk peih ngak brei catang,  brei tal tangin urang njauk daong. Hu yau nan sarak meng patagok hu kein laba. Ong Ngọ Duy Hiểu, Phó Akok Tổng Liên đoàn Lao động Việt Nam mboh lac: “Njauk brei padang hệ tiêu chí cambaic laic, brei ngak mẫu kê khai, jao bruk ka karja palei, pambuak bruk saong urang pandar manuac ngak, kapol nyaom di labik nan piah thau cambaih, piah urang hu taduan paok jien nan: “Njauk brei thau dom janih harak gar halei piah hu mbang jien. Meyah oh ngak yau nan meda urang khan mbluak oh njauk manuac. Meng nan sarak meng hu siam lagaih. Pacang cakak bruk pambak tame sarak piah mbang jien, kurang manuac njauk daong. Khol drei ngak tui meng bilan 4, kayua yau nan ye, dom bộ ngành njauk tame bruk, tui taong yaom meng pasang iek tapak, kuhria dahlau dom bruk meda mblo tabiak, brei pasang iek dahlau di tuk ngak dom biểu mẫu kê khai.”

Urak ini, Công đoàn Việt Nam daok pambuak bruk saong dom mentri, dom gah piah ngak biểu mẫu thông tin, harak gar piah ba tabiak tiêu chí cambaih laih piah brei thau njauk dom manuac biak kan kandah. Dalam tuk peih ngak brei kham tui iek duah thau njauk manuac, njauk tiêu chuẩn, oh klak kurang saong plaik njaik hu bruk pambak tame sarak piah mbang jien. Tổng Liên đoàn Lao động Việt Nam jeng daok roh duah piah hu sa paok jien daong meng kadung jien di công đoàn piah ba tangin tame haong Rajaei daong dom urang ngak gaok kan kandah biak biai./.

Urang lang: Aí Nghiêm  15/4/2020