Urang pal akaok liên đoàn lao động tỉnh hu nao tapak tal sang mac, tame phân xưởng ngak bruk

Uy ban Karja ka urang Viet Nam daok di negar langiu, Mentri Ngoại giao brei thau, yaom lac gaok rilo kan kandah dalam tuk jit Covid-19 daok pambak praong, min dalam tukvak tapa bhap bini drei daok di negar langiu jak gauk rik tame hu labaih 80 tỷ đồng, haong dom mac jamraih, pandap y tế rik tame Kadung Vaccine pacang caga Covid-19 saong bruk pacang caga jit Covid-19 dalam negar. Urang Viet daok negar langiu kham merat pambuak bruk jao brei cong nghe roh duah, ngak iek vaccne, klak rabha ilamu pacang caga jit haong negar, daok brei pandap panda sang danaok di drei pak Viet Nam piah ba tame ngak bruk pacang jit, halan hatian gilac veik mai negar piah tame ngak bruk pacang caga jit. Urang Viet daok di rilo negar langiu kham pambuak saong dom Jabat lambaok Viet Nam di taneh ia langiu peih bruk likau vaccine, jak ba urang labik negar drei daok daong vaccine, pandap y tế ka Viet Nam.

Piah samar iek glang ka urang đoàn raok tết, Liên đoàn lao động tỉnh Kiên Giang hu peih dom kapul nao ravang, alin brei 25.000 kadung pandap an sinh công đoàn di dom doanh nghiệp, puk palei, jabat. Thun ni, urang pal akaok liên đoàn lao động tỉnh hu nao tapak tal sang mac, tame phân xưởng ngak bruk… piah gam duah thau, tui pang hatai khin di urang ngak gam brei pandap tal tangin, brei mboh bruk sangka biak dalam tal rai duik di công đoàn viên.

Tỉnh Ninh Thuận daok pataom tame bruk khik iek, pacang caga saong patagok glai tapen tasik piah ngak “hala pacang hijao” pacang bruk bien doi khi hau, khik ramik brei parilo janih phun kayau glai. Dalam nan, brei pakhang bruk khik iek taneh glai pacang caga, glai đặc dụng, glai ngak pandap lac glai tamuh eng di bhum tapen tasik ngan saong taneh jao brei ka bhap bini khik iek glai pacang caga, đặc dụng lac labaih 6.500 ha. Pala birau 200 ha glai pacang hangin, pacang cuah, pambuak saong bruk pacang veik raong phun glai pacang caga 1.500 ha…Bruk cak rok patagok glai pacang caga tapen tasik piah patrun bala meng langik tasik saong pabak ka dom bruk cak rok patagok kinh tế- xa hoi, khik brei salamat quoc phong, an ninh di tỉnh.

Tui Đài Khí tượng Thủy văn gah merong, urak ni, bruk njom mbăk 4‰ (4 angaok sa ribau) di krong Tiền lac 16km, krong Hậu lac 35km. Dalam dom harei anak tal, njom mbăk dalam 4‰ di krong Tiền meda tagok tal 20km, krong Hậu labaih 40km. Tui Viện Ilamu krong ribong gah merong, piah pacang caga dom khat lahik kayua pandiak bhang, njom mbăk rah tabiak, dom tỉnh ban brei hu jalan ngak samar drah, parabha bilan pala ngak , pandar jalan ia ka nyu lagaih, caga dom jalan ngak piah pacang caga meng akaok bilan thu; patagok bruk pasang iek njom mbăk, gam gam brei thau dom khaw tin bahrau piah rami ramik jalan ngak ka nyu lagaih song bruk di dom jalan ia.

Hadei di 2 adit langyah, harei ini, Tòa án bhap bini Ban raya HCM ba tabiak panuac kaoh duis ngan haong Phó Bí thư thường trực Thành ủy TP.HCM dahlau daih, lac Tất Thành Cang saong 19 urang karei ngak suan dalam bruk rah tabiak di Cty Cổ phần patagok Nam Sài Gòn (Sadeco). Brei ndem panuac puac abih dahlau di tuk Hội đồng langyah nghị án, bị cáo Tất Thành Cang lac, dalam tuk ngak bruk, dahlak oh khin atau khang hatai caik rah tabiak dom bruk suan saong caong khin jabat công tố pasang iek veik bruk ngak nan di dahlak. Urang lambaok di Viện Kiểm sát bhap bini TP.HCM khik tamo bruk kaoh tui hukum ngan saong Tất Thành Cang ka duis “ Ngak suan adat ka bruk khik iek, pandar drap ar Karja ba tal khat lahik, palai pajoa”.

Akaok adit tal, Hội đồng bảo an Liên hợp quốc meda ginum biai ka mbang cuh tên lửa bahrai abih di Triều Tiên. Bruk ginum biai hu peih tabiak tui panuac ieu Mỹ, Pháp, Anh, 3 dalam 5 taneh ia thành viên thường trực di Hội đồng bảo an Liên hợp quốc, gam song Ai-len hong An-ba-ni. Dahlau di nan, Hãng thông tấn trung ương Triều Tiên brei thau, tên lửa bo taneh ia ni cuh di harei 05/01 lac sa tên lửa siêu thanh meda cuh njauk labik atah 700 km. Triều Tiên rilo mbang ndom lac, bruk patagok công nghệ phao ndao lac njauk ngak piah patagok bruk pacang caga abak bruk tong tame di Mỹ.

Dalam panuac tuyen bo haong gauk hadei di mbang nyaom online di Uy ban Tacei pato An ninh Nhật-Mỹ (nyaom biai 2 pagam 2), dom akaok mentri ngoại giao saong quốc phòng dua taneh ia Nhật Bản-Mỹ hu brei thau veik bruk sanya pambuak saong bhum taneh Ấn Độ Dương-Thái Bình Dương tự do saong peih praong; brei thau labik dang praong di liên minh Nhật- Mỹ lac bruk ba mai hào bình, salamat saong cak rok di bhum taneh ini. Dom metri dua negar jeng mboh lac dom kan kandah anak meta mai meng dom bruk catang tagok gah taneh riya- chinh tri, jit ruak Covid-19, dom sarak kinh te độc đoán saong kateik greik, saong brei thau veik bruk sanya khik salamat dunya tui njauk hukum.

Hadei di labaih meteh bilan padeih,kayua huac bruk njom mbak di biến thể Omicron tame taneh ia, Indonesia brei peih veik dom mbang nao haji Umrah tal Mecca di dom urang Muslim di taneh ia hu rilo urang Muslim di abih di dunya. Menuac urang tal Mecca di Ả Rập Xê Út brei ngak catang tui dom bruk y tế song tui bruk pasang iek catang di rajaei./.

Urang lang: Hani Pha – Bhumi – 08/01