Bilac Y tế nao mai song kapul iek glang urang njom COVID-19 dalam bhap bini

Tổng Thanh tra Rajaei hu padang ngak, mbaoh tangin brei ngak 3 mbang pasang iek bruk blei pandap jamraih y tế, sinh phẩm, kit dut iek ruak piah pacang caga jit Covid-19 di Mentri Y tế, Ban Hà Nội, Ban raya Hồ Chí Minh dalam quý 1 ini. Gam haong nan, hu harak tacei pato dom mentri, dom gah, dom tỉnh ban pasang iek bruk khik ramik, pandar phun jien daong, blei pandap y tế duh ka bruk pacang caga jit Covid-19.

Piah samar pasang iek, oh caik ka jit COVID-19 rah tabiak dalam tuk Tết Nguyên đán 2022 anak tal, tỉnh Ninh Thuận patagok dom jalan ngak piah pasang iek siam lagaih, khik salamat jit ruak. Meng ni tal harei 20/2, brei padeih dom labik labiik doh karaoke, quán bar, vũ trường, main điện tử; ngak catang tui 5 paka di mintri y tế ngan saong dom bruk ngak di labik hu rilo menuac... Sở Y tế Ninh Thuận jeng brei samar pasang iek prein ngak di dom labik taduan urang ruak tame tong ruak, iek ruak COVID-19, Bilac Y tế nao mai song kapul iek glang urang njom COVID-19 dalam bhap bini; pasang iek bruk pabak jru, pandap tiêu hao, mac jamriak... khik caga ginup oxy meng xã, phường, ban sit tal sang iek ruak dom pakat 1, 2, 3. Urak ni, dalam tỉnh dok 466 urang ruak dok iek ruak di dom labik y tế.

Tui jalan ngak lac “Taong abih urang đoàn, urang ngak jeng hu mbang Tết”, bruk sangka kuhria Tết Nguyên đán thun ini hu Liên đoàn Lao động Ban raya HCM peih ngak sumu gauk di dom pakat công đoàn kuhria abih tih jien buh tame labaih 700 tỷ đồng. Bruk praong nan lac danak dak “Urang ngak bui sambai Tet haong ban raya” brei ka 10 ribau baoh sang di mbang bein ilamu Đầm Sen meng harei 29/1 tal harei 13/2; Pataom mbaok 10 ribau baoh sang urang đoàn, urang ngak hu raidiuk kan kandah, oh hu jien nao palei mbang Tết; Alin hadiah 35.000 vé radaih, radaih pui, kapal haok ba urang ngak nao palei. Langiu di nan, Công đoàn ban raya daok sangka daong ka jaik 1.000 uranaih lac anek di urang công đoàn metui amaik ame kayua jit Covid-19.

Dua xã Long Bình saong xã Tân Long, ban sit Ngã Năm, tỉnh Sóc Trăng birau taduan angan palei pala birau paglong. Meng tuk peih ngak dom tanut padang ngak palei pala birau, palei pala birau paglong, mbaok meta dua palei pala nan hu salih birau siam mekre, abih di nyu lac padang ngak hu rilo bruk ngak mbang ba mai kein laba. Meng nan, jien mek tame yaok tui akaok manuac hu labaih 50 trieu đồng sa urang sa thun.

Tiến sĩ Catherine Smallwood, iek dom bruk samar drah di gah Y tế dunya – WHO khan lac, yaom lac dak harei dak brei mboh lac biến thể Omicron ba tal dom triệu chứng hajual jang, min biến thể ni meda hu prein tamuh tabiak rilo đột biến jang, ba tal bruk tabiak rai dom biến thể virus Sars-CoV-2 karei meda jhak jang dom biến thể dahlau di nan. Bahrai ni, Viện dom ruak njom mbak (IHU) di Prang duah mboh sa biến thể hu tal 46 đột biến, hu mboh di sa nyaom tuia Prang bahrau mai meng Cameroun. Abih di nyu nan lac, Israel jeng duah mboh sa urang njom haong gauk virus cúm mùa song virus Sars-CoV-2, ngak duh hatai lac 2 janih virus ni meda pambuak song gauk.

Trung Quốc daok brei ngak catang jang dom jalan pacang caga saong pasang iek jit ruak Covid-19 piah khik kajap Thế vận hội bilan La-ar Bắc Kinh. Dalam nan, sa hệ thống khik iek “ tui vang sir” hu brei ngak ka dom urang hu mbaok pakacah njauk ngak tui saong urang tuai negar langiu, saong dom bruk ba tabiak pacang jit vin sir meng tuk yam takai trun tame tal ban Bắc Kinh mbiah tal tuk tabiak truh Trung Quốc. Dom bruk ngak dalam jalan “vin sir” nan lac mbang menyum, padeih padei saong nao mai hu khik iek catang dalam klau labik pakacah. Sa hệ thống tui iek prein yawa hu peih ngak piah mek panuac khan di urang yaok harei piah samar thau dom ruak di ruak Covid-19.

Liên minh châu Âu (EU) ba tabiak ngak tui adat oh brei pandar mực xăm sambo màu song dom janih hóa chất pandar dalam mỹ phẩm mbuan si ba tal ruak ung thư song jhak tal pren yava ka urang pandar. Jabat Hóa chất châu Âu (ECA) brei thau, mực xăm hu dalam nyu dom hóa chất oh siam, ba tal "dị ứng klik song dom ruak kik trak jang tal pren yava, pagap yau đột biến gene song ung thư". Sambo màu mực njom tame dalam rup pabhap meng klik, pambak tal tal dom labik yau hạch bạch huyết song gan, song bruk iek ruak meng tia laser hadei di nan piah palahik hình xăm meda ngak ka dom chất pacah sit jang, ngak ka nyu kandong veik dalam rup pabhap./.

Urang lang: Hani Pha – Bhumi – 05/01