Anek saih tame pakacah njauk kham bac daa 

Dalam dom mbang brei panuac tacei jalan kayua Mintri Pato Megru, dom sang bac ĐH peih tabiak, bruk bo anek saih ba tabiak panuac tangi sua rilo di abih jeng lac bruk pilih ruah gah bac halei piah mbuan duah hu bruk ngak, bruk halei urak ini saong anak tal daok caong hu, rami ramik dom hatai caong yau habar piah mbuan hu pilih ruah di abih … Dom suh sah nan di dom anek saih lac mbuan thau kayua urak ini rilo adei oh ka hu jalan nao cambaih laih ka bruk ngak di harei hadei di drei. Dalam tuk nan, rilo sang bac ĐH jeng hu dom gah bac biak “hot” ngan saong angan ieu dreih gauk saong yaok thun jeng hu peih dom gah bac bahrau piah dui pachreih urang bac. Tui amuk Nguyễn Thị Cúc Phương, Phó Hiệu trưởng Sang bac ĐH Hà Nội, bruk pilih ruah sang bac, pilh ruah gah bac tuk tut angan pilih ruah jeng brei iek tui prein bac saong hatai takre di urang bac:

"Ka sa lac iek tui hatai takre, ka dua lac tui prein bac saong tui điểm trúng tuyển di dom thun dahlau bo kol drei pilih ruah sa gah bac halei ka nyu lagaih. Min jhui pacang cakak dom hatai caong di drei. Pagap yau gah bac halei bo drei takre di abih ye drei ba tame hatai caong 1, hadei di nan tal dom gah bac bo drei mboh nyu lagaih haong prein bac di drei, saong puac di abih lac dom gah bac bo drei mboh pakacah hu"

Lingiu di bruk pandar điểm pakacah THPT piah pilih ruah ye thun ini dom sang bac ĐH jeng hu peih praong bruk pilh ruah anek saih tui rilo jalan karei di gauk. Jalan ngak di urak ini rilo meng lac trun bruk pilih ruah meng điểm pakacah THPT saong tagok tanut pilih ruah tapak, chứng chỉ ngoại ngữ, abih di nyu lac iek tui học bạ. Kayua yau nan ye, anek saih meda pilih ruah rilo jalan piah hu praong jalan ka drei. Ong Nguyễn Thanh Chương, Phó Hiệu trưởng Sang bac ĐH Giao thông Vận tải brei thau:

"Hu meng 20% tal 40 % dom tanut pilih ruah tui học bạ, daok veik lac pilih ruah meng pakacah THPT. Bruk iek tui học bạ thun ini tagok  jang thun blaoh saong hu mboh di taong abih dom gah bac, oh lac 5 gah bac yau dahlau."

Tui tacei pato peih bruk pakacah bac tamat THPT thun 2020, anek saih hu ngak harak tut angan pakacah saong tut angan pilih ruah tame ĐH, Cao đẳng tal abih harei 30/6. Min hadei di tuk hu điểm pakacah blaoh, dom anek saih hu ramik veik hatai caong tut angan pilih ruah sa mbang tra (dalam nan hu gam bruk patagok parilo jang dom hatai caong pilih ruah duk haong tuk camereip). Kayua yau nan ye kadha praong abih di tuk ini, lac anek saih njauk pataom tame bac veik yau habar ka nyu hu siam lagaih di abih, salih ka bruk suh sah biak rilo ka pilih ruah bruk piah bac. Tiến sỹ Mai Văn Trinh, akaok Cục khik ramik chất lượng, Mintri Pato Megru hu panuac kakei lac:

"Thun ini kayua gaok kan kandah di jit Covid-19, nan ye dom asal kadha dalam danak dak trun trak damak oh hu ba tame đề pakacah. Kayua yau nan ye, dahlak hu 1 panuac kakei lac dom adei anek saih pataom tame bac abih danak dak, bac veik ginup saong caga siam di abih hatai sahneng jeng ye prein yava piah pakacah, pilih ruah dom bruk ngak di harei hadei ka nyu lagaih haong hatai takre, haong prein bac di drei."

Dom urang ilamu jeng mboh lac, dom anek saih njauk padang jalan bac veik ka nyu lagaih tui jalan parabha tukvak bac veik yaok môn bac, oh pataom veik blaoh bac saong brei kak kajap haong asal danak dak di pakat bac phổ thông, praong di abih lac ilamu bac hu di  tal 12./.

Urang lang: Mousaphuong -12/7