-Yaok thun, Việt Nam hu labaih 200 rabau sinh viên bac tamat bloh oh hu bruk ngak. Bruk labaih gru kurang thợ jeng dak harei dak trak ba tal bruk lihik cân đối dalam darak pasak urang ngak. Bruk ini ngak ka rilo chuyen gia ndom lac, bruk quy hoach jalan pato pakai di mintri pato megru daok hu tavak taviay, meyah oh ramik pasiam meda ba tal lihik oh sit menuac urang chat luong glaong. Mỹ Dung, urang vak di rayo sap ndom Việt Nam daok di ban raya HCM hu kadha vak ndom tal bruk ini:

Tui roh duah di pasak kuhria mboh dahlau bruk caong khin menuac ngak saong brei thau darak pasal urang ngak ban raya HCM, bruk parabha menuac bac tui caong khin urak ini lac 17% ka bậc đại học, 18% ka pakat cao đẳng, 35% ka pakat trung cấp, daok veik lac sơ cấp nghề. Min jeng tui pasang iek di pasak ini, labaih 80% anek saih phổ thông caong khin tame đại học salih ka roh duah dom pakat bac njauk saong pren bac di drei. Dom sinh vien tdaok ui bac di 235 sang bac đại học dalam taneh ia lac biak praong. Saong dom cử nhân oh hu bruk ngak yaok thun jeng oh lac takik, labaih 200 rabau urang ngak ka rilo menuac mboh duh hatai lac: tal tuk halei kol drei meng cân bằng hu caong khin di darak pasal urang ngak piah plaih lihik jien padai ka urang bac saong khat lihik ka xã hội yau urak ini.

  Tiến sĩ Phạm Tấn Hạ, Phó Hiệu trưởng sang bac Đại học Khoa học Xã hội saong Nhân văn, Đại học quốc gia ban raya HCM ndom lac, bruk 200 rabau cử nhân oh hu bruk ngak yaok thun brei mboh rilo kadha, dalam nan praong abih lac chất lượng pato pakai:“Bruk sinh vien bac tamat blaoh oh hu bruk ngak oh njauk lac pambak tame sa ngành halei nan atau sa sang bac halei nan. Pak dom ngành hot abih jeng hu sinh vien bac blaoh oh hu bruk ngak. Yau nan, makna di bruk oh hu bruk ngak ini lac kayua halei? Tui dahlak mboh, hu oh takik sinh vien eng drei ngak  ka drei oh hu bruk ngak. Tuk tame đại học, hu dom sinh vien sahaneng mboh cambaih ka bruk bac di drei. Dom urang nan kham merat biak rilo piah pabak hatai caong di drei hadei di 4 thun. Min, jeng hu dom sinh vien hadei di  tuk bac blaoh oh hu bruk ngak lac kayua rup drei ngak ka drei oh hu bruk ngak, mai meng bruk bac da-a di dom urang nan oh siam, dom urang nan tok bac piah đối phó.

Biai ka bruk trun takik khat lihik menuac urang ngak, Thạc sĩ Phan Bửu Toàn, Phó Hiệu trưởng sang bac Cao đẳng nghề Du lịch Sài Gòn ndom lac, bruk njauk ngak di abih tukvak ini lac dom sang bac njauk salih bahrau, meng jalan sahneng ka bruk ngak di harei hadei. Urak ini meyah sang bac, gru pato oh tari tarieng duah thau dom bruk barau piah sami samar dalam danakdak pato pakai lac tuk bac blaoh sinh vien mbuan si laik tame bruk “oh daok lagaih” patagok bruk oh hu bruk ngak:“Kadha praong bo dom sang bac njauk caik hatai sangka lac bruk pato pakai di kol drei njauk hu xã hội taduan mek. Ka dua, dom sang bac njauk sangka tal bruk salih barau di bruk ngak. Urak ini, dom bruk daok khik hu mengkan, min rilo bruk karei urang ngak njauk hu rilo ilamu, rilo kiến thức. Kayua yau nan ye bruk ngak habal ngak tabiak hu sa libik naih joi ka urang bac brei hu biak rilo bruk salih barau trang thiết bị, jalan pato pakai. Dom sang bac njauk kham merat biak rilo piah pasiam bruk ini.”.

Njauk hatai haong kadha ini, Phó giáo sư, Tiến sĩ Đỗ Văn Dũng, Hiệu trưởng sang bac Đại học Sư phạm Kỹ thuật ban raya HCM mboh lac, libik dang di dom sang bac đại học biak praong dalam bruk paglaong chất lượng menuac urang:“Bruk di cách mạng công nghiệp mbang yaka 4 caik tabiak ka dom sang bac njauk pato pakai tabiak dom menuac urang hu kỹ năng barau. Nan lac kỹ năng sáng tạo. Menuac urang di công ty halei sáng tạo lac công ty nan meda janeh dalam bruk pakacah ini. Yau nan ye bruk sáng tạo lac jalan piah daok diuk. Saong kỹ năng sáng tạo nan njauk rah tabiak dalam  rilo gah”.

Tuk darak pasar urang ngak ba jalan ka bruk pato pakai ye dom sang bac njauk thau salih jalan patabiak ngành nghề piah lagaih haong bruk di anak meta. Urang bac jeng njauk sami samar jang dalam bruk pilih ruah bruk ngak saong eng drei pasram rilo kỹ năng piah peih tabiak ralo jalan siam lagaih ka rup drei./.