Dalikan ông Ba Mọi pala nho hacih peih akaok meng puac thun 2000. Tukvak nan, dom urang pala nho di Ninh Thuận tok pala pajaih nho bhong mengkan Red Cardinal. Ông Ba Mọi jeng yau nan. Min, ye hu sa cơ duyên, tuk pajaih nho hijao NH01-48 hu Viện roh duah papah saong patagok ngak nong Nha Hố lai tạo jak jeng, ông Ba Mọi hu ý tưởng pala iek dahlau labaih 1.000 m2 hamu dhong di sang di xã Phước Thuận, huyện Ninh Phước.

-Dom bilan hadei tuk trun pajaih, ông Ba Mọi hu dom chuyên gia di Viện alamu Kỹ thuật ngak nong gah meraong tacei pato quy trình pala nho meng bruk pandar chế phẩm sinh học, oh pandar jru halak. Yau nan ye baoh nho hadei tuk paik biak siam kayua oh hu dư lượng hóa chất.

“Akaok mereip, diuk anek dahlak saong mikva puk paga jeng duh halai kayua oh ka jia tame kỹ thuật barau ini. Meyah ngak hu lac oh ndom hagait, daok ngak oh hu maong ye klak saoh - ông Ba Mọi hadar veik.

Meng alamu di labaih 4 thun pala nho saong ý chí diuk metai saong phun nho, ông Ba Mọi ngak tui khang kỹ thuật pala kayua urang jakar kỹ thuật tacei pato. Dom chế phẩm sinh học ye: Pitazin, Aztron, Mastercoops hu ông salih meng jru halak piah caga dom janih ruak ngak jhak ka phun nho; dom janih khak vi sinh: Em, Olicibi hu salih khak hóa học.

Jaik sa thun “mbang oh bingi ndih oh var, beir nho pajaih barau NH01-48 hu ông Ba Mọi hu brei baoh pasak bak dhar akaok meti, nang suat labaih 7 tạ. “sa ký nho hijao NH01-48 pablei di beir tukvak nan hu yaom jien lac 15.000 đồng, glaong 3 mbang duk saong nho bhong Red Cardinal. Dom bilan hadei nan, sản lượng di beir nho ini tagok 1,2 tấn, blaoh 1,5 tấn tani tanat. Dahlak laba oh ala 10 triệu đồng/sa vụ” - ông Ba Mọi khoe.

Tết Nguyên đán 2003, ông Ba Mọi khang hatai ba pandap nho hacih hu angan “Ba Mọi” tame pablei di dom siêu thị di ban raya HCM, hadei nan hu dom gah chức năng brei chứng nhận chất lượng an toàn hacih saat pandap mbang. Jak jeng akaok mereip lac động lực piah ông Ba Mọi pambak praong taneh beir nho hacih di sang. Urak ini, abih tih taneh di trang trại nho Ba Mọi tagok jaik 2 ha.

Piah brei thau angan “Nho Ba Mọi” tabhia di nan caik angan baoh nho Ninh Thuận, thun 2007, ông Ba Mọi khang hatai mek tục danh di drei dak padang doanh nghiệp tư nhân ngak mbang –pablei salih - dịch vụ.

-Oh lac pala nho that piah duk darak pasal dalam taneh ia, ông Ba Mọi daok khang hatai ngak sa bruk đột phá barau lac buh tabiak yaok rituh triệu đồng piah blei pandap, jamraik, sang xưởng ngak alak vang nho. Piah hu nguyên liệu ngak alak vang, ông Ba Mọi caik 0,5 ha pala dom pajaih nho Syrah (vang bhong), Cabernet Sauvignon, Sauvignon Blanc (vang mbon).

Urang nong Nguyễn Văn Mọi urak ini lac sa doanh nhân hu angan je dalam bruk pala nho that tiêu chuẩn VietGAP saong alak vang nho hu  tiêu chuẩn an toàn hacih saat pandap mbang. Lingiu trang trại saong cửa hàng di palei, ông Ba Mọi daok peih veik 6 đại lý di ban raya HCM, Hà Nội, Quảng Ninh, Đà Nẵng, Nghệ An.

Tuai damuai dalam taneh ia saong taneh ia lingiu tuk mai ravang iek “bhum taneh nho hacih Ba Mọi meda oh var hu thaot binguk ông po trang trại  70 thun, min biak sami samal, khang kadang, salut but, ndom biai biak khaeih. Abih di nyu nan lac, ông biak thau rilo ka dom pajaih nho piah javap calei dom panuac tangi sua di tuai damuai.

Sa dalikan ka baoh nho hacih Ninh Thuận, ông Ba Mọi khan lac: “sa trang trại sit di sang dahlak lac oh hu hadom, ngak habal pabak hu caong khin dak harei dak glaong di darak pasal meng lac bruk praong. Karja njauk ba jalan ka dom bhum pala nho VietGAP dalam tỉnh pambuak pagam saong dom doanh nghiệp piah tani tanat jalan pablei tabiak di baoh nho, ba brei jien tame ka urang nong. Hu yau nan, angan nho Ninh Thuận meng oh gaok lihik nao./.

Thúy Linh