Danak dak klah rabha hatai ranam, ba ragam daoh, ragu tamia duh ka bhap bini

78 nghệ sĩ lac nghệ sĩ naih gheih, mek hu tanut glong di dom Harei pataom Daoh tamia pakat negar 2021, Harei pataom Kịch nói pakat negar 2021, Mbang pakacah Tài năng xiếc pakat negar 2021 hu pok meyaom di Danak dak “ Meyaom dom urang nghe si naih gheih gah ilamu parang iek” kayua Cục nghệ thuật parang iek, Nhà hát Nghệ thuật Đương đại Việt Nam birau peih ngak.Brei panauc di danak dak, Akok mentri Ilamu Thể thao saong Du lịch Nguyễn Văn Hùng lac: Jit ruak praong Covid-19 ngak kan kandah trak tal gah ilamu, min gah nghệ thuật hu yam tapa, salih sumu dalam bruk ngak, hu rilo jalan ngak salih birau, hadah krah yau: nhà hát online, tal danak dak klah rabha hatai ranam, ba ragam daoh, ragu tamia duh ka bhap bini. Dom danak dak nghệ thuật, dom panuac daoh, kadha daoh rik tame pachreih brei ka bhap bini yam tapa jit ruak.

Ong Lê Minh Tấn, Akaok Sở Lao động-Thương binh và Xã hội TPHCM brei thau, yaom lac kadung jien hu rilo kan kandah min, ban raya dok buh tabiak labaih 900 tỷ đồng iek glang Tết Nguyên đán 2022, tagok 100 tỷ đồng dut song thun dahlau. Tui nan, ban raya hu pok pandap tết meng 1 triệu 150 ribau – 1 triệu 250 ribau đồng ka sa boh sang payua tal dom boh sang kan kathaot, sang bahrau yam tapa tanut kathaot, jiak kathaot (labaih 58.000 sang). Dom boh sang dalam sarak dong xã hội, urang jaoh jo, urang taha labaih 80 thun tagok hu taduan pok pandap tết 1 triệu 150 rabau đồng/sa urang . Taphia di nan bruk iek glang tết meng kadung jien karja ban raya song Ủy ban MTTQ Việt Nam TPHCM lac bruk daong prein meng bhap bini, dom urang ngak pahla, doanh nghiệp

Meng harei 5/1/2022 tal harei 12/3/2022, dalam ban Cần Thơ ba tabiak bruk khik iek pandap mbang hacih sa-at dalam tuk Tết thun anek sak rimong saong Lễ hội Xuân 2022 piah takik abih dom bruk njauk jru mek kayua pandap mbang; pakhang bruk pasang iek dom gah meng ban tal quận, huyện saong dom xã, phường, pataom tame dom nyaom pandap blei pandar ralo dalam tuk Tết saong Lễ hội mbuan njauk jru mek glong, dom palei ngak pandap mbang. Ban brei jak ba hu ralo abih dom jalan pathau khan angaok rayo papar sap papar binguk, mbao chi khan brei thau hukum pandap mbang hacih sa-at jeng yau ilamu palih ruah, piah khik, ngak tabiak pandap saong ba tame pandar pandap mbang ka bhap bini, sumu khan kakei dahlau bruk pandap mbang mbuan njom jru mek dahlau, dalam saong hadei Tết Nguyên đán jeng yau bilan Lễ hội Xuân 2022. 

Dok sa bilan tra tal Tết Nguyên đán anek sak ramon 2022, bhap bini palei pabui haluk phường Lái Thiêu, ban Thuận An, Bình Dương daok tame bilan ngak tabiak ramon meh raok thun bahrau. Urak ni, ramon meng haluk kiak mek meng dom ging ngak oh dar kayua kurang urang ngak yau nan ye, rilo labik ngak pabak ramon thạch cao. Yaom pablei ramon meh meng 25.000 - 30.000 đồng/sa drei.

Tui Jabat Ilamu – Brei thau ban Đà Lạt (Lâm Đồng), dalam tuk padeih Tết Dương lịch 2022 ini, ban kuhria caga taduan raok labaih 60.000 mbang tuai damuai mai rivang ma-in, padeih padei di ban. Hu rilo urang tuai daok veik meng harei Noel tal Tết Dương lịch, atau meng Tết Dương lịch mbiah tal harei 9/1/2022. Dom sang padeih brei pah hu labaih 60%; dom hotel sạn 2 patuk, biệt thự dulich, sang daok bre pah hu meng 85 -90%; hotel meng 3 tal 5 patuk labaih 90%. Ban Đà Lạt tacei pato UB bhap bini dom phường, xã; dom jabat chức năng juai iek biar bruk pacang caga jit.

Tổng Giám đốc gah Y tế dunya (WHO) Tedros Adhanom Ghebreyesus brei thau, bruk dok tamuh di dom biến thể Delta song Ô-mi-crôn jeng ngak tabiak "riyah khang ka urang njom bahrau" song mbuan si ba tal bruk tame sang iek ruak song metai. Tổng giám đốc WHO sa mbang tra hu panuac ieu dom taneh ia klah rabha vắcxin ka samu gauk jang song hu panuac lac iek prong bruk klauk mbang patagok di dom taneh ia kaya meda meda ngak ka dom taneh ia kan kathaot kurang vắcxin. Ong brei thau WHO dok jak ba dom taneh ia mek hu tanut klauk vắcxin 70% di kreih thun 2022, piah dong padeih tuk vak sami samar di jit prong.

Negar Prang dalam dom harei tapa daok hu mboh urang njom Covid-19 biak rilo tagok khang, ngan saong labaih 200 ribau mbang yaok harei. Gah y tế Prang brei thau, yaok giây tapa, hu 2 urang Prang njom Covid-19 saong urak ini, labaih 1 trieu urang Prang daok njom Covid-19 saong labaih 10% bhap bini Prang, nan lac jaik 7 trieu urang lac dom mbang hu taom gaok urang ruak F0. Meng harei 31/12, taong abih bhap bini Paris njuak brei cuk pataik pacang mbaok, urang ngak bruk di công sở njuak brei ngak bruk tui jalan online takik di nyu 3 harei yaok adit.

Bruk sa uranaih kumei urang Siberi - Karina Chikitova dok duik hadei di 12 harei daok sa drei dalam labik glai hu rilo cagau di thun 2015 dui pachreih hu rilo urang caik hatai sangka di dunya. Uranaih kumei Karina urak ni yam tapa huac kanda dahlau daih song jeng anek saih sang bac tamia ba lê di Yakutsk. Pahadar harei menek mbang ka 12, Karina brei thau cong khin hu parang iek di sân khấu prong. Piah hu rai duik yau urak ni, anai brei tapa tuk vak iek ruak biak suai lavik meng hatai sahneng song y tế./.

Urang lang: Hani Pha – Bhumi – 01/01