Sa dalam dom bruk bhian ba tal pran tangin nan lac pandik takuai tangin, tui kuhria hu tal 5% bhap bini bhian njauk ruak ini. Ruak kayua thần kinh kreh njauk rak tangin kateih tagok. Thần kinh kreh njauk kateik tagok meda ngak brei pran, mboh yau dum ruai angaok tangin, abih di nyu lac di tangin ine, tangin cei, tangin kreh saong tangin tanau.

Urang ruak mboh pran dom anek tangin jang tuk peih radaih, tuk kacao plak tangin veik, atau bấm điện thoại, taong bàn phím komputer…Trak jang, urang ruak mboh pandik, harao plak tangin gam tuk padeih padai, meda trak tagok dalam tuk ndih, ngak brei medeih tagok.

Pandik takuai tangin bhian oh hu makna  cambaic lac, min hu biak rilo bruk ba tal ruak nan yau dom bruk ngak, bhian ngak nao ngak mai di labik takoi tangin, yau kong tangin taong bàn phim komputer, megei takoi tangin gam gam yau jaing ngak kayau, kaghaik kayau.

Ruak jeng meda kayua hormone salih karei atau kayua umo jaik abih darah bingun kalam di uang kumei, metian, ruak me-ik saradang. Ruak pandik takoi tangin meda lac umo thun halei jeng hu, min bhian mboh di urang kumei umo meng 40 thun tagok.

Meyah mboh dom ruak yau angaok nan, mikva saong grauk yut brei nao ka bac si iek ruak saong taong ruak dahlau di tuk talei thần kinh  njauk kateik trak kan siam gilac. Dom bac si meda tangi sua saong bhian ngak iek veik bruk pran plak tangin piah dut iek ruak. Langiu di nan, dom bac si jeng meda dut điện cơ piah thau talei than kinh kreh njauk kateik tagok ha-oh? Taong ruak pandik koi tangin tui tukvak trak atau hanjol. Di tukvak camereip, talei than kinh birau njauk kateik tagok, dom bac si brei iek ruak noi khoa dahlau meng jru kháng viem menyum atau klauk tame koi tangin, gam saong pasiam chuc nang yau iek ruak tri lieu salih bruk bhian randap oh siam, pasram vật lý trị liệu plak tangin.

Di tukvak than kinh njauk kateik trak jang, oh iek ruak meng jru hu, dom bac si brei blac raih takoi tangin meng nội soi atau blaic meng gah langiu. Urang ruak meda nao sang chip hadei di tuk blaic blaoh, ngak bruk daok dang yau bhian harei. Daok dom urang caik ruak lavik thun, talei than kinh kateik trak ye hadei di tuk blaic raic lahik tukvak suai lavik meng dhit./.

Urang lang: Ai Nghiem -1/7/2021