Urang nong pala njam patam di tỉnh Tiền Giang biak bui sambai kayua pala njauk, pablei hu yaom

Prang iek "Đảng bộ Ban raya HCM -jum ptaom - sami samar - hadah krah - anit ranam", salam uan  Nyaom roya Đảng bộ Ban raya mbang XI, vaktu 2020 -2025 daok rah tabiak di 6 labik ngan saong 360 blah rup thaot, 20 blah  rup cih jak ba. Di mblang bein Lam Sơn saong Sang ilamu  Dam dara, parang iek yaih khan thaot binguk tapa dom mbang Nyaom roya Đảng bộ Ban raya; brei thau ka bruk peih ngak Sarak Nyaom roya Đảng bộ Ban raya HCM mbang ka X di rilo gah. Di jalan Đồng Khởi saong Cung Ilamu Lao động, parang iek ngan saong kadha “TP.HCM anit ranam – dhar phol", brei thau dom bruk jak ba daong xã hội brei mboh sami samar, hadah krah, ba akaok nao dahlau di Đảng bộ, Karja saong bhap bini Ban raya…

Anak bruk jit Covid-19 dok mbuan tamuh tabiak, UB bhap bini ban Hà Nội hu kakei lac, dom harei tal, quận Hoàn Kiếm hu rilo bruk ngak yau: pahadar  1010 thun Thăng Long – Hà Nội, Nyaom roya  Đảng bộ ban Hà Nội song bruk jalan nao takai, nan ye hu panuac ieu  quận patakik dom bruk ngak hu rilo menuac, langui di dom bruk chính trị xã hội prong. Kayua yau nan ye, urang halei nao tal dom labik hu rilo menuac yau di  Hồ Gươm brei cuk patiah pacang mbaok. Ban daok kuhria peih dom labik pablei patiah pacang mbaok song padang kapul nyaom nao pahadar bhap bini brei cuk patiah pacang mbaok 

24 urang pablei salih hu labik ngak bruk di 12 tỉnh, ban oh pablei brah tabiak negar langiu dalam 18 bilan tapa. Tui bruk ba tabiak, dom urang pablei salih nan brei mek veik harak ba-ar. Yau nan min, tui Mentri Công thương, tapa ndem biai nao mai saong dom tỉnh, ban ngak bruk ini saong duah thau bruk ngak di dom urang pabei salih brah angaok nan, piah lang talaih dom kan kandah dalam bruk pablei salih jeng yau daong ka urang urang gaok kna kandah kayua jit Covid-19 saong sumu taduan dom lagaih darak pasar negar langiu blei barah tame, Mentri Công thương oh kuhria tukvak kan kandah kayua jit Covid-19 sumu labaih 6 bilan  tame 18 bilan tui bruk ba tabiak. 

Urak ni, urang nong pala njam patam di tỉnh Tiền Giang biak bui sambai kayua pala njauk, pablei hu yaom. Urak ini, tui janih njam, yaom tagok jang bilan dahlau meng 5-10%. Bruk njauk nyai nan lac dom janih njam yau  ngò gai, rau diếp cá, hala lasun, hẹ, njam húng cây, urang nong pablei pak di bein yaom meng 20.000 đồng tal 25.000 đồng/sa kg; boh paya, njam sapei  yaom labaih  10.000 đồng/sa kg. Di tỉnh Tiền Giang hu labaih  11.000 ha njam patam, rilo meng pala di mblang hamu. Hu thau, bruk pala njam patam  tagok jang 2-3 mbang dut song pala padai.

Khaw tin birau abih di Pasak khí tượng thủy văn negar ka bruk La Nina yau brei mboh mbaok ia tasik daok la-ar veik saong brei thau lac La Nina tamuh tabiak blaoh. Dut iek dahlau La Nina di atah dalm dom bilan puac thun 2020 saong akok thun 2021. Dalam dom thun rah tabiak LaNina, ribuk saong áp thấp nhiệt đới bhian rah tabiak rilo jang di meteh bilan ribuk lac bilan 9, 10, 11; ribujk di tasik Biển Đông saong ngak kan kandah tal negar drei rilo bhian  thun labiah 28%. Bilan ribuk tamat abih suai jang dahlau saong dui atah tal puac thun, pataom tame rilo dom tỉnh Trung bộ saong Nam bộ.

Ủy ban ndom nyai nao mai di Tổng thống Mỹ brei thau mbang ndom nyai ka 2  di ong  Donald Trump song Joe Biden meda rah tabiak tui jalan online di harei 15/10 saong hu  Steve Scully, sa urang vak gah chính trị di rayo papar binguk  C-SPAN ba danak dak. Bruk nan hu Ủy ban bầu cử Tổng thống batabiak hadei di tuk  Tổng thống Donald Trump bahrau ni njauk tame sang iek ruak kayua ruak Covid-19 song dok dalam tuk pasiam veik di Nhà Trắng. Dalam sa mbang tangi sua angaok rayo papar binguk mesup 8/10, Tổng thống Donald Trump brei thau ong oh hu mbaok dalam mbang ndom nyai nao mai ka  2 song ong Biden meyah bruk ni hu peih ngak tui jalan online.

Dua urang kumei ứng cử lac muk Ngozi Okonjo-Iweala mai meng  Nigieria saong muk Yoo Myung-hee mai meng Hàn Quốc lac dom urang tame dhi chung kết piah jeng tổng giám đốc di Gah Pablei salih dunya. Yau nan, bruk cakak trun meng 5 urang ứng cử trun daok 2 urang ứng cử jeng yau kapol nan akaok meti hu urang kumei Tổng giam đốc meng thun 1995.

Tui mintri Nội vụ Nga, harak brei adat chap mek hu batabiak ngan saong urang dahlau deih lac ứng viên tổng thống Belarus, Svetlana Tikhanovskaya di negar  Nga. Dahlau di nan, tapa bruk palih ruah  hu khan di harei  9/8, Tổng thống di Belarus lac Alexander Lukashenko mek hu jayah khang hu labaih 80% hala phiếu. Daok urang patui di nan, lac muk Svetlana Tikhanovskaya, dang ka 2 ngan song 10% hala phiếu . Min, muk  oh taduan bruk palih ruah ni song tabiak truh Belarus tal Lithuania. Meng hadei di mbang palih ruah, dom mbang trun jalan khang patuh tabiak di pasak ban ine  Minsk song dom ban karei di  Belarus./.

Urang lang: Ái Nghiêm – Hani Pha – 10/09