Jamang di klau baoh nagar Việt Nam- Lào- Campuchia

Jamang di kalau baoh nagar Việt Nam- Lào- Campuchia hu peih tabiak ngak di harei 29/11/2007 saong hu ngak salah blaoh di harei 18/1/2008. Jamang hu ngak di angaok tabung ceik glaong 1.086 mét duk haong mbaok ia tasik, gah nagar Việt Nam daok di xã Bờ Y, huyện Ngọc Hồi, tỉnh Kon Tum. Jamang hu ngak meng patau hoa cương trauk labaih 1 tấn, hu 3 mbaok maong tapa kalau nagar. Gah nagar Việt Nam tame tỉnh Kon Tum, gah nagar Làos tapak tỉnh Attapư saong nagar Campuchia tapak tỉnh Rattanakiri. Meng di vaktu ngak blaoh, tal ini labaih 12 thun blaoh, jamang di klau baoh nagar Việt Nam- Lào- Campuchia lac sa labik mai rivang zirah di bhap bini rahra urang bangsa nagar drei jeng ye urang tuai damui di dunya. Saai Điểu Lê Nam Nam, urang jaka Hội Liên Hiệp thanh niên Việt Nam tỉnh Đăk Nông mboh drut druai tuk mbang camariep hu mai zirah rivang jamang di 3 baoh nagar, ndom mayai lac: “Mbang camariep mai tal ni adei mboh biak hadah mbaok mata. Biak thau dhar phor ong kaok ong kei haok ralow darah piah khik taneh ia, palei negar”.

Urak ni, meng pabah mbang negar pakat dunya Bờ Y, radaih o tô tok nduac di jalan labaih 10km kreh ceik glai praong lac tal cột mốc 3 negar. Bharu ni tỉnh Kon Tum hu buh jien tame padang sa mblang radaih di takai ceik saong jalan tagok ngan saong yaok rituh anek kanyan tagok cột mốc hu tauk patau hacih, mekre. Abih di nyu nan lac baoh mbon labik padang jamang 3 nagar dahlau daih thu lagu kayua bom đạn saong jru mek hóa học, urak ni phun kayau tamuh bak mahijao. Ong Đỗ Trọng Khôi, 77 thun,  dahlau daih ngak Yam ndok Miuyim Biên phòng, di ban ine Hà Nội, mbang ka klau hu mai zirah veik jamang kreih 3 nagar, jeng daok mboh drut druai, ong lac: “Tagok ini ravang veik labik mesruh matak meng kan. Hu taom gaok veik grauk yut di Biên phòng Kon Tum biak mboh drut druai . Saong abih di nyu nan lac hu nao tagok jamang kreih 3 baoh nagar di Đông Dương lac Lào- Việt Nam saong  Campuchia, gaok veik jameng brei mboh quyền ngak pô di taneh ia biak bui sambai saong drut druai hatai”.

Meng labik dang praong yau nan, jamang kreih klau baoh nagar lac brei mboh bruk jia pang gauk, jum pataom hasa hatai, dalam dom thun tapa, jamang kreih klau baoh nagar di xã Bờ Y, huyện Ngọc Hồi, tỉnh Kon Tum jeng sa labik hu ralo urang mai rivang zirah; labik taom gaok pambuak talei rohim bhap bini 3 negar; dalam bruk dak padang bhum tapen nagar siam mekre, sron mbon, jum pataom di urang dang bruk di tỉnh Kon Tum, nagar Việt Nam; Attapư, nagar Lào và Rattanakiri, nagar Campuchia.

Meng hatai kham merat padang 292km jalan tapen nagar haong Lào saong Campuchia jeng sa labik sron mbon, jum pataom, dalam 7 thun blaoh,  gah Biên phòng Kon Tum hu pambuak bruk haong gah khik caga jalan tapen negar di Lào haong Campuchia peih labaih 800 mbang ginum biai, labaih 500 mbang ndom biai nao mai; labaih 230 mbang nao khik iek haong gauk saong langyah siam dom bruk tamuh tabiak di jalan nagar. Ndom mayai tal bruk di Biên phòng, Đại tá Phạm Ngọc Phú, Urang pan akaok Bộ đội Biên phòng tỉnh Kon Tum, khan brei thau lac: “Đảng ủy Bộ đội Biên phòng tuk halei jeng pataom prein jhul khang saong paglaong bruk ngak piah hu siam mekre bruk đối ngoại biên phòng. Yau ye bruk taom gaok,  ginum biai njauk harei njauk vaktu piah daong brei thau hatai gauk, jia gauk, ngak njauk ngak siam bruk  di jalan nagar. Daong ka karja ngak siam bruk pambuak gauk di pakat puk palei di jalan nagar. Daong ka Bhap bini, pakat ủy, kajar haong urang ngak gah jalan nagar tui jalan “daong urang lac daong ka rup drei, daong pakhang, pakajap jang talei jum pataom di labih kreih 3 baoh nagar” 

Bilan bingu thun ini, jamang kreih 3 baoh nagar Việt Nam- Lào- Campuchia, di xã Bờ Y, huyện Ngọc Hồi, tỉnh Kon Tum daok lac labik nao ravang zirah di tuai damuai dalam taneh ia jeng ye negar langiu. Meng bruk ginreih bo taneh ia saong bangsa jao brei, gah Biên phòng Kon Tum daok harei malam pan kajap tangin phao khik caga, dak padang cột mốc klau nagar miat miat siam mekre, sron mbon, jum pataom piah ba gauk patagok./.

Urang lang: Thu Thảo - 18/2