Cong An ranaih umo  jao khau trang ka urang di sang iek ruak 

Dalam tuk rilo dam dara di bhum ceik bac tamat đại học likau tame ngak bruk dalam dom doanh nghiệp di ban raya saong hatai caong salih bharau raidiuk, ye sa-ai Triệu Sinh Viễn (ndih tapui thun 1993, daok di palei Yên Sơn, xã Ba Vì, huyện Ba Vì) mai veik palei kak kajap haong bruk ngak jru nam meng kan. Tuk camereip, sa-ai Viễn gaok oh takik kan kandah kayau kuarng ilamu. Hadei di rilo kham merat, bruk pablei salih jru nam hu tani tanat saong bruk ngak mbang hu kein laba . Tal urak ini, hadei di 7 thun padang mbang ngui, sa-ai Triệu Sinh Viễn urak ini ngak Yam ndok Hợp tác xã Jru nam urang Dao Thiên Mộc Hưng, jien pablei jru yaok bilan di hợp tác xã hu labaih 400 triệu đồng. Tuk hu tangi sua ka harei hadei, sa-ai Triệu Sinh Viễn khan lac: “Dahlak caong patui veik, khik ramik, patagok biak siam bruk ngak jru nam di urang bangsa Dao huyện Ba Vì, saong hu ba rilo bruk ngak ka dam dara dalam palei, takik hu dam dara oh hu bruk ngak, njauk nao ngak mbang atah sang”.

Anak meta mboh lac bruk urang đoàn, dam dara bangsa takik di Hà Nội dalam cakrok kinh tế, padang mbang ngui daok tagok khang. Rilo bruk ba jien tame yaok ratuh triệu đồng yaok thun saong dom mô hình ini hu ba bruk ngak tani tanat ka yaok rabau dam dara. Bí thư Huyện đoàn Ba Vì Nguyễn Ngọc Tú brei thau: Urak ini, dalam huyện hu 131 mô hình dam dara ngak kinh tế naih joi, dalam nan hu rilo mô hình di dam dara eng drei padang mbang ngui di dam dara bangsa Mường, Dao. Lingiu di bruk pambuak gauk pato bruk ngak saong ba brei bruk ngak piah daong ka dam dara padang mbang ngui, Huyện đoàn Ba Vì daok hu pambuak bruk haong Gilang paraik sarak karja brei ka dam dara hu mesraiy phun jien. Urak ini, meng yaom jien brei mesraiy jaik 13 tỷ đồng, hu jaik 500 urang đoàn, dam dara hu mesraiy phun jien cakrok kinh tế. Thun 2019, Huyện đoàn Ba Vì padang kalup kapul dam dara bangsa takik cakrok kinh tế hu 11 urang, lac labik piah ka dam dara bangsa takik taom gaok, ndom biai nao mai, bac megru ilamu, pambuak bruk, daong gauk dalam ngak mbang…

Mai palei Trại Mới 1, xã Tiến Xuân (huyện Thạch Thất) harei ini, rilo menuac mboh hu bruk salih karei. Ngak jeng bui sambai di mikva bangsa labik ini, hu prein yava rik tame oh lac sit di Akaok palei daok ranaih umo angan Đinh Hồng Quân (ndih tapui thun 1984). 6 thun tapa, meng hatai caong dak padang palei negar, Akaok palei Đinh Hồng Quân hu mbaok tame padang veik hu dom ragam tamia di urang bangsa Mường saong dom bài cồng chiêng sahneng lac lahik abih. Meng angan je di drei, akaok palei Đinh Hồng Quân daok ieu pataom mikva rik jien tame ngak jalan, ngak ka dom jalan patau randaih, gluh baok dahlau daih urak ini jeng jalan bê tông khang kajap. Tui akaok palei Đinh Hồng Quân, ngak dom bruk hu kein ka bhap bini, gam lac trách nhiệm, gam lac bruk bui sambai di umo dam dara.

Labaih 5 thun kak kajap haong bruk Đoàn dalam palei, Bí thư Đoàn xã Đông Xuân (huyện Quốc Oai) Bùi Văn Sâm (ndih tapui thun 1985, urang bangsa Mường), tuk halei jeng ba akaok nao dahlau, abih hatai haong bruk Đoàn, hu urang đoàn, dam dara saong mikva dalam palei anit ranam. Sa-ai Sâm haong mBan Chấp hành Đoàn xã jak ba urang đoàn, dam dara ba dom ilamu bahau tame sản xuất, salih phun pala, janih raong, daong patagok jien mek tame ka rilo sang. Abih di nyu nan lac dalam thun 2019, Đoàn xã pambuak bruk haong dom doanh nghiệp ba bruk ngak ka jaik 50 dam dara. Meng bruk kham merat abih drei, Bí thư Đoàn xã Đông Xuân - Bùi Văn Sâm hu ba bruk Đoàn saong bruk dam dara xã cakrok dak harei dak khang kajap. Sa-ai Sâm brei thau: “Anak tal, dahlak caong peih hu rilo jang dom bruk halan hatian, khik kajap an sinh xã hội, kayua raidiuk di bhap bini piah meda daong hu ka dom sang kan kandah, saong ba bruk Đoàn, bruk dam dara xã Đông Xuân dak harei dak patagok, rik daong ka puk paga saong jeng labik pambak pagam tame ka uarng đoàn, dam dara dalam palei”.

Rilo thun tapa, Thành đoàn Hà Nội biak caik hatai sangka, patagok dom bruk iek glang, nao gam haong dam dara bhum bhap bini bangsa takik, sangka pablak dom danak dak daong ka urang đoàn, dam dara bangsa takik cakrok kinh tế, patruh eik patrun kathaot, padang mbang ngui siam di abih. Anak tal, Thành đoàn Hà Nội daok pambuak bruk khang kajap haong Gilang PariakSarak karja dalam bruk daong dam dara, abih di nyu lac dam dara bangsa takik hu mesraiy phun jien piah patagok kinh tế, ba brei bruk ngak. Gam tui nan, tapa dom bruk ngak, Thành đoàn daok ngak jeng labik brei ka urang đoàn dam dara bhum urang bangsa takik hu pasram megru, hu buh prein tame ka bruk cakrok patagok di puk paga, palei negar./.

Urang lang: Mousaphuong -22/3