Pren khang di dom tri thuc ranaih daok pak Meo Vac 

     Huyện Mèo Vạc hu 12 TTT di dự án 600 Phó Chủ tịch Ub bhap bini  xã; 2 urang Dự án 500; 21 urang hợp đồng di dom xã tui Đề án 07 di Tỉnh ủy. Meng abih hatai jai dalam bruk ngak,  dom TTT gam ngak siam bruk di drei gam kham merat pathau khan, jak ba bhap bini patagok KTXH, yam tagok patruh eik patrun kathaot.

     Hadah krah dalam dom urang nan njauk ndom tal Trần Thị Hương, Phó Chủ tịch Ub bhap bini xã Giàng Chu Phìn.Yaom lac umo dok ranaih min meng thau sahaneng, thau ngak, hadei di tuk taduan bruk, Hương nao duah thau tapak song padang ngak đề án rong pabui menek tui jalan thụ tinh nhân tạo, jak ba bhap bini salih taneh pala tangei takik kein liba tapa pala hareik saong rong limo palimek. Hadei di tuk ba tame ngak, đề án di Hương oh lac dong ka urang nong dalam xã hu jalan patruh eik patrun kathaot bo dok hu pren pambak praong dong ka rilo boh sang di xã karei thau jalan ngak KT bahrau. Saai Vàng Mí Sò, palei Tìa Chí Đơ, xã Giàng Chu Phìn brei thau “ Dahlau deih sang saai rong sit sot, hadei di tuk rong tui jalan di urang jakar Hương nyu dong ka sang hu rai duik siam jang. Yaok thun pablei pabui jeng hu dom pluh triệu đồng nan ye urak ni oh daok huac kurang mbang tra”

     Anak meta mboh lac, dom TTT hu samar tham mưu ka pakat ủy, karja peih ngak dom danak dak, dự án, rik dong peih ngak siam lagaih sarak 30a, danak dak padang ngak palei pala bahrau. Phó Chủ tịch Ubbhap bini xã Pải Lủng, Lý Văn Đông lac sa dalam dom TTT hadah krah. Meng di harei mai taduan bruk ngak, Đông oh huac glaih glar trun tal puk palei saong thau hu kan kandah di mik va. Langiu dom mô hình KT hu Đông padang ngak song ba mai kein laba ye dự án dong limo menek ka 74 boh sang kan kathaot lac urang bangsa takik sang biak kan kandah tuk vak  2014 – 2016 hu dong ka dom boh sang patrun kan kathaot. “Kayua lac sa xã kan kathaot nan ye urak ni dalam xã dok hu rilo boh sang taik tahah. Bruk njauk dut hatai di abih lac ngak yau habar piah dong ka dom boh sang nan pasiam hu sang taik tahak, tani tanat rai duik”. Đông lac yau nan.

          Patagok pren khang di dam dara, dom TTT kham merat jak ba bhap bini patagok pren khang di puk palei yau : patagok tapon menuk ada athur rong, rong dar ko, bhian pambuak bruk song dom gah, dom kapul nyaom trun palei pathau khan, jak ba bhap bini iek glang, khik caga glai, ba ilamu kỹ thuật tame bruk pala drak, tacei ba bhap bini pacang caga halak halin, klauk dom janih vắc xin ka menuk ada, athur rong,. Kayua daok jaik mikva, thau cambaih hatai khin di bhap bini yau nan ye dom TTT samar tham mưu song pakat ủy, karja xã dom jalan ngak piah langyah kan kandah tavak tavaiy pak di puk palei. Lingiu di nan, dom TTT hu mong lac nao dahlau dalam bruk jak ba anek saih nao bac, duah thau, tacei jalan langyah dom bruk tảo hôn, gauk gar tok gauk, jak ba bhap bini klak dom adat cambat klak oh daok lagaih. Langiu dom kham merat rik dong ka bruk patagok KTXH di puk palei, dom TTT jeng hu oh takik hạn chế. Meng bruk di Mèo Vạc meda lac, kayua oh ka hu tuk vak ngak bruk khik ramik karja nan ye tuk camereip dom TTT jeng gaok kan kandah, tavak tavaiy dalam tuk langyah bruk ngak, rilo TTT oh lac menuac di palei, oh ka thau sap bangsa nan ye gaok kan kandah tuk taom gaok, duah thau adat cambat, tanarakun di mikva, hu xã kayua cơ sở vật chất kurang nan ye ka oh hu sang công vụ ka TTT, kan kandah oh sit tal bruk ngak, dom xã jao rilo bruk ka dom TTT nan ye chất lượng bruk ngak oh ka glong.

     Anak bruk yau nan, huyện Mèo Vạc hu tacei jalan ka dom phòng, ban pambuak bruk song dom kapul nyaom di huyện khik ramik jalan pathau khan, ndom biai, klah rabha song dom TTT, patagok bruk tui iek duah thau dom bruk ngak, tacei ba di kapul TTT tapa dom bruk hu parabha phụ trách. Langiu di bruk thau cambaih bruk ngak di dom TTT, UB bhap bini huyện Mèo Vạc hu giao ban song dom TTT piah tong yaom bruk peih ngak dự án song bruk ngak hu di TTT dalam palei, duah thau  saong langyah dom kan kandah tavak tavaiy dalam tuk ngak bruk di puk palei. Ba tabiak jalan piah TTT ngak siam bruk hu jao brei

          Mboh hu dom rik dong di dom TTT, huyện Mèo vạc hu sangka patagok Đảng song ba tame quy hoạch urang jakar khik ramik di dom xã ngan song TTT. “Piah ka dom TTT hu pren khang dong ka puk palei peih ngak dom bruk di Sarak nyaom roya Đảng bộ huyen ba tabiak, huyện daok peih ngak samu gauk dom bruk piah dong ka TTT langyah kan kandah, brei bruk ngak lagaih song ilamu; ba mbuan lagaih piah dom TTT patagok abih ilamu chuyên môn hu pato pakai dalam patagok KTXH di puk palei”. Akaok UB bhap bini  huyện Mèo Vạc Nguyễn Cao Cường ndom lac yau nan./.