Meng maong mboh dahlau labik dang praong di thanh niên xung phong, Chủ tịch Hồ Chí Minh brei padang“Đội Thanh niên xung phong tập trung” di harei 15/7/1950. 66 thun tapa, njauk yau hatai sahaneng di Wa Hồ, dom đơn vị gah thanh niên xung phong hu jeng dom sang bac prong, lac labik bac daa song pasram megru, labik dam dara patagok bruk ba akaok nao dahlau, buh pren yava ka taneh ia. Pahadar 66 thun harei padang Thanh niên xung phong VN (15/7/1950 - 15/7/2016), Kim Dung urang vak di rayo sap ndom VN dok di ban raya HCM hu kadha vak ndom ka bruk prong tagok di rilo rai rah dam dara meng “sang bac” prong Thanh niên xung phong.

        Ong Nguyễn Anh Liên, dang akaok kapul urang dahlau deih ngak Thanh niên xung phong Việt Nam tame ngak thanh niên xung phong tuk umo 18 thun. Thun 1954, hu mbaok dalam Kapul urang anh hùng chiến sỹ thi đua miền Nam tabiak Hà Nội pauan Trung ương Đảng, rajaei song Wa Hồ meng chiến khu mai ban ine, ong hu njom tame dalam hatai jalan sahaneng di Wa Hồ ka sang bac prong thanh niên xung phong. Meng nan ong mek gah thanh niên xung phong piah buh pren yava song prong tagok, mek bruk cách mạng hào hùng di bangsa ngak sang bac pram megru phẩm chất, khí phách  song tài năng. Ong khan veik: Melam nan, Wa Hồ daa lisei kapul dom urang anh hùng, Wa mai dahlau bloh sua kamuan daok di đơn vị halei. Hulin lac pathau Wa kamuan gah thanh niên xung phong, ye Wa lac “siam, siam, siam” Thanh niên lac brei ba akaok nao dahlau, hu ba akaok nao dahlau meng njauk lac thanh niên. Hu hatai ba akaok nao dahlau, nao dahlau dalam bruk duh bhap bini, duh ka taneh ia.

       Ong Trần Văn Mãnh, Phó akaok kapul urang dahlau deih ngak Thanh niên xung phong Việt Nam Akaok Tổng đội Thanh niên xung phong Peih paha gah meraong negar dahlau deih brei thau, kapul Thanh niên xung phong peih paha gah meraong negar lac dom đơn vị lin bahrau, song kapul likei kumei umo biak ranaih, meng 18 tal 20 thun. Meng dom likei dam kamei dara oh ka thau hagait, tuk tame ngak thanh niên xung phong, melam nao hành quân, harei duah labik kandauk, nao tapa rilo krong prong, hamu puh bak jamuk… Dalam tuk mesruh metak yam tapa dom kan kandah, rambah rambeip. Dom urang di gah thanh niên xung phong oh huac metai lihik, nao dalam bom đạn, ndik ceik, tapa glai,  peih jalan ka bol lin tong janeh khol khamang. Ong Trần Văn Mãnh lac: Dalam tuk mesruh metak nan, labik bac daa biak kan. Nan ye meng bruk di anak meta, bloh pataom iek veik, pato pasram ka adei saai. Meng nan, padang hu sa kapul urang peih paha gah meraong negar lac đội quân cơ động, dã chiến song gam gam duh bruk.

       Tư tưởng Hồ Chí Minh  ka bruk padang sang bac prong song siam dalam gah thanh niên xung phong hu jeng jalan chiến lược dalam luac tukvak pakhang, pasiam, patagok gah thanh niên xung phong tapa 2 mbang mesruh metak suai livik. Hadei di tuk peih paha gah merong negar, tư tưởng nan daok hu dom rai rah dam dara xung phong khik ramik piah padang ngak song patagok lực lượng, tuk halei jeng ngak siam bruk di drei dalam dak padang taneh ia. Saai Trần Phú Lữ, Chỉ huy trưởng Lực lượng Thanh niên xung phong ban raya Hồ Chí Minh  brei thau: Thanh niên xung phong ban raya tuk halei jeng taduan dom bruk  kan kandah, bruk bahrau. Tapa dom bruk kan kandah ni, khol hulin pato pasram  dam dara thanh niên xung phong piah  ngak dom bruk  dalam tuk vak bahrau bo ban raya jao brei. Meda lac thanh niên xung phong ban raya lac sa sang bac prong ka dam dara ban raya dalam tuk vak dak padang taneh ia hadei di tuk peih paha song ya sa taneh ia. 

        Meyah dom urang lin tapa  labik ngak lin meng hu chất lính di “ Saai bộ đội Wa Hồ” padang chiến công vẻ vang, ye thanh niên xung phong lac sang bac prong hu pato pasram ka dom likei dam kumei dara jeng dom urang hu phẩm chất siam, hatai khang, akaok sahaneng kajap. Tư tưởng di Wa Hồ praong uranam hu dom rai thanh niên xung phong cakrok patagok dalam yaok tuk, yoak labik, hu rilo rik daong prong ka bruk CM taneh ia, jeng sa lực lượng ba akaok nao dahlau dalam bruk patagok KTXH dalam saman bahrau, tukvak bahrau./.