Pathau mik va song tong abih gauk! Dom mbang tabiak tasik hadei di tuk tết anek sak menuk hub a mai rilo patuah jamo ka urang tong ikan di dom palei ngak ikan dok tapen tasik tỉnh Quảng Ngãi. Rilo kapan ikan bahrau tabiak tasik hu dom harei min mai veik boh taneh ngan song dom hầm bak ikan. Po kapan song urang taong ikan thei jeng bui sambai ka mbang tabiak tasik akaok thun bahrau hu siam, lagaih, duah hu rilo jien. Kadha vak di urang pambuak bruk Tiến Công daok di gah kreik negar

Di cảng Sa Kỳ, tỉnh Quảng Ngãi dom harei tapa, rilo baoh kapan pataok tame cảng bak sap klau, sap ndom nyai chreih chrai bui sambai taong cap hu rilo kaya ikan tuk akaok thun. Tok hadei di dom melam tabiak tasik, yaok kapan tong chap ikan chap mek hu dom pluh tấn ikan nục suông, ikan chuồn, ba mai dom rituh triệu đồng. Rilo po kapan brei thau, hadei di dua, klau melam tong ikan, chap mek hu labaih 20 tấn ikan nục suông, ikan chuồn, thei jeng uan tabuan:

Ikan labik ni lac ikan lưới rút jaik takai tasik, yaok harei hu 10 tấn, 15 tấn, yaom harei ni 20 ribau đồng sa kg.

Tong chap ikan nục, lưới rút meng bloh jeng hu pluh dom tấn, drei duah hu meng 5 tal 10 triệu đồng.

Thuyền trưởng Nguyễn Thanh Vân, sa po kapan di xã Tịnh Kỳ, ban sit  Quảng Ngãi brei kapan pataok tame bến pablei ikan  di mesup harei  9/2 brei thau, kapan di saai tabiak tasik harei 8 bingun Tết song hadei di 3 harei, dui halăm hu labaih 10 tấn ikan nục song pablei chip ka dom kapan mai blei di angaok tasik. 2 harei tapa kapan saai tong njauk luồng ikan prong nan ye brei kapan tame boh taneh pablei ikan song tuh menyek ka mbang tabiak tasik bahrau. Thuyền trưởng Nguyễn Thanh Vân oh pandauk hu bui sambai

Nao jiak takai tasik min , 9,10 hải lý. Hu mbang taong hu 5 tấn,7 tấn, 10 tấn. Hu ikan rilo ye drei  tong hu,  dok ikan oh mai ye drei tong oh hu. Mbang nao ni jeng hu kein liba, kaoh abih phun jien jeng mek hu 7,8 pluh triệu đồng, urang ngak jeng hu dom triệu đồng.

Oh lac kapan saai Vân bo rilo kapan ikan karei jeng mai cảng Sa Kỳ hu bak ikan. Meng hadei tết tal urak ni, hu labaih 50 kapan tong ikan pataok tame pablei kaya ikan, dalam nan rilo meng lac ikan nục suông song ikan chuồn, hu kapan tong hu 30 tấn. Urak ni, yaom ikan nục suông pablei di cảng Sa Kỳ trun tagok meng 17 ribau tal 20 ribau đồng yaok kg, ikan chuồng meng 25 ribau tal 30 ribau đồng sa kg. Tui yaom yau ni, yaok urang tong ikan hu parabha meng 12 tal 18 triệu đồng sa mbang tabiak tasik. Urang tong ikan angan Phạm Đỏ daok di  xã Bình Châu, huyện Bình Sơn, tỉnh Quảng Ngãi ndom lac, dom mbang tabiak tasik akaok thun gam njauk ikan, gam pablei hu yaom 

  (Mbang tabiak tasik akaok thun hu kein liba yau nan. Ikan prong yaom 30 riba, ikan sit 15 ribau, 20 ribau đồng. Njauk ikan, abih xã Bình Châu ngak bruk ni biak siam. Akaok thun ngak hu yau nan, adei saai biak uan tabuan, adei saai pablei salih di labik ni jeng biak chreih chrai.

Urang tong ikan nao tasik taong hu rilo kaya ikan jeng hu rik daong ka urang ngak bruk pajeng  ikan song dom dịch vụ hậu cần angaok thu duah hu jien glong. Tong chap hu rilo kaya ikan, duah hu rilo jien hadei di dom mbang tabiak tasik akaok thun ba mai siam mekre ka mik va urang tong chap ikan./.