Huyện Trà Bồng daok tame bilan paik mek kanduk phun quế mbang camereip dalam thun. Ong Hồ Văn Luận daok di palei Cả, xã Trà Hiệp brei thau, yaom pablei oh glaong yau dahlau diah min ngan saong yaom 25 ribau đồng sa kilo quế that saong  45 ribau đồng sa kilo que thu, urang pala jeng daok hu laba. Ngan saong taneh pala que praong labaih 2 hecta, bilan quế ini, ong Luan mek tame hu jaik 20 trieu dong. Ong Luan bui sambai lac: “Duk saong 3 thun dahlau ye yaom kaom tani tanat. Urak ini, mikva jeng daok takre phun quế, rilo mikva khin pala rilo.”

Trà Hiệp lac sa dalam dom xã hu taneh pala quế biak rilo di huyện Trà Bồng, labaih 200 hecta.Dom thun tapa, xã tuk halei jeng pachreih mikva khik phun pala hu meng kan mai ini. Ong Nguyễn Hồng Trà, pho akaok UB bhap bini xã Trà Hiệplac, xã daok quy hoạch piah tal thun 2020 meda peih praong taneh pala phun quế tagok tal 500 ha. 

Huyện Trà Bồng urak ini hu jaik 1.400 ha quế. Birau ini, huyện hu padang “Danak dak peih praong taneh pala sa janih phun quế”. Meng in mbiah tal thun 2020, huyện brei peih praong jang 1.700 hecta, yaok thun pablei tabiak darak pasar labaih 3.100 tấn kanduk quê saong 4.200 tấn hala, dhar. Ong Trần Văn Sương, pho akaok  UB bhap bini huyện Trà Bồng khan lac, mikva pala que di danak dak ye hu daong phun pajaih, khak, saong hu tacei pato ilamu pala que.Yau nan min, bruk duah labik pablei que suai lavik jeng daok lac sa bruk kan kandah: “ urak ini, hu 3 cong ty blei pandap ini. Dom thun dahlau, huyen hu likau UB bhap bini tỉnh duah labik pablei que. Ub bhap bini tỉnh hu jao bruk ini ka Sở Công thương daong huyện duah darak pablei que min oh ka hu”.

Bruk peih praong taneh pala quế nan lac bruk njauk ngak, piah daong ka mikva khik hu phun pala meng kan mai, gam paglaong jien mek tame. Yau nan min, tuk peih praong taneh pala que di huyen njauk brei kuhria iek cambaih laih tal bruk apblei que di mikva. Meyah oh duah hu darak pablei tani tanat ye bhap bini tak klak piah pala phun karei./.