Thun 1998,  sang ong Đinh Văn Hanh, daok di xã Sơn Tinh, huyện Sơn Tây, tỉnh Quảng Ngãi hu daong brei 8,7 ha taneh glai. Tal thun 2003, tuk Dự án pala glai pacang caga akaok halau - JBIC peih ngak pak 6 huyện bhum ceik di tỉnh,  sang ong haong yaok rituh sang karei hu mbaok tame dự án. Tui harak sanya, dom sang hu mbaok tame dự án ini hu mbang 80% yaom glai keo hadei di 5 thun tal tuk thu hoạch. Yau nan min, jaik 15 thun tapa, ong jeng oh ka hu mbang tui dự án ini. Biak pandik hatai, ong Đinh Văn Hanh ngak harak payua nao ralo labik min jeng oh ka mboh thei langyah. Pala glai JBIC biak suai, oh thau tal tuk halei urang meng bayar veik hu. Khaol dahlak caong khin pakat angaok mong iek langyah piah ka bhap bani pandar hu mblang taneh ini.

Pak xã Sơn Tinh, Dự án pala glai pacang caga akaok halau – JBIC hu labaih 360 ha taneh hu ba tame taneh glai pacang caga. Dalam nan hu gam taneh glai pacang caga saong taneh glai pala drak hu brei sổ bhong ka bhap bani dahlau di nan. Bruk nan nyu ngak ka bhap bani hu taneh glai njauk khat lahik.

Daok pak huyện bhum ceik Ba Tơ, bruk bhap bani lih mek taneh glai di dom công ty lâm nghiệp dak harei dak ralo. Bilan 7/2017, dalam tuk Công ty lâm nghiệp Ba Tơ thu hoạch keo angaok mblang taneh hu  UBND tỉnh brei pah saong brei harak chứng nhận quyền pandar taneh ye yaok pluh menuac di xã Ba Thành eng drei ba phun keo mai pala, lih mek jaik 10 ha. Mblang taneh njauk bhap bani lih mek di dua Công ty Lâm nghiệp Ba Tơ saong Ba Tô tagok tal jaik 400 ha. Ong Huỳnh Thương, Phaok akaok UB bhap bani huyện Ba Tơ brei thau, karja palei daok pambuak haong dom jabat pagam tak langyah dom bruk lih mek taneh glai, saong pacang caga bruk ngak suan di bhap bani: Hu dom urang mboh hu bruk ngak suan di drei saong bayar veik taneh ka công ty atau mboh tangin pambuak bruk ngak mbang hoang công ty. Daok dom urang oh ngak tui ye khaol dahlak ngak hồ sơ saong  xử lý hành chính. Meyah dom urang nan oh ngak tui ye  cưỡng chế tui adat hukum di karja.

Ong Dương Văn Tô, Akaok Sở Ngak nong saong patagok palei pala tỉnh Quảng Ngãi khan lac, bruk tui iek saong khik caga glai dalam tukvak tapa daok ralo hạn chế. Bruk jah tak glai mek taneh pala drak hu mboh di ralo labik pak dom huyện: Ba Tơ, Trà Bồng, Sơn Hà, Nghĩa Hành saong Đức Phổ. Tỉnh hu padang Đoàn kiểm tra liên ngành, duah thau manuac urag, mblang taneh, tukvak lih mek taneh glai piah langyah. Ong Dương Văn Tô, Akaok Sở Ngak nong saong patagok palei pala tỉnh Quảng Ngãi brei thau: Khaol dahlak pambuak haong dom puk palei gam haong Kiểm lâm puk palei padang jalan ngak piah jao brei taneh ka bhap bani, dom urang kurang taneh pala drak meda hu pala drak angaok dom bhum taneh daok veik. Tui njauk jalan ngak di  Nghị quyết Tỉnh ủy, pabak hatai caong khin ka taneh pala drak di bhap bani bhum ceik.)./.