Quốc hội ginum biai di Hội trường

Mbang sua tangi, javap jaloi di mbang nyaom ka 10 Quốc hội mbang 14 peih tabiak dalam dua harei mateh – harei ni saong dua harei akaok di adit anak tal. Quốc hội meda sua tangi dom urang dalam rajaei, Chánh án Tòa án bhap bini pakat glaong, Viện trưởng Viện Kiểm sát bhap bini pakat glaong ka bruk peih ngak dom sarak ka bruk pasang iek asal kadha, sua tangi dalam tukvak mbang 14 saong dom sarak dalam tukvak mbang 13. Sa kadha mek hu rilo urang caik hatai lac bruk tacei ba di rajaei tuk jit ruak jeng daok rahtabiak sarau kadhau. Dalam nan jien mek tame kadung jien karja thun ni daok bier jang dut saong kuhria dahlau, bier jang dut saong vaktu ni di thun blaoh 10%, min bruk biyar jeng khik ginup. Nan lac bruk hu ba tame ngak saong parabha urang ngak ka dom bruk ngak di gah kinh tế.

  UBND TPHCM bahrau hu harak pok tagok Thủ tướng, Mintri padang ngak, mintri Nội vụ pasang iek, njauk hatai haong bruk taong yaom labik kuhria padang ban Thủ Đức tui tanut đô thị janih I, piah tapa nan ngak danak dak  padang ban Thủ Đức. Tui nan, labik kuhria padang ban Thủ Đức lac pataom veik quận 2, quận 9 song quận Thủ Đức, angaok taneh prong labaih 211,5km², menuac urang labaih  1,5 triệu urang, khik hu tanut  đô thị janih I tui bruk batabiak urak ni.

Bộ kít dut iek samar Covid-19 hu ngak tabiak dalam negar nyu dut iek njauk samu saong Real-time PCR tui kuhria meda tabiak mbaok di akaok bilan 12, lac pandap di Công ty Sao Thái Dương saong Đại học Bách khoa Hà Nội. Bộ kít ni meda pabak hu bruk dut iek ka rilo tuai meng negar langiu gam sa tukvak mayah peih viek dom mbang par dunya. Bruk siam lagaih di bộ kít ni lac tukvak dut iek dalam 1 maong, tantu glaong, độ nhạy mek hu 100% saong độ đặc hiệu labaih 98%.

  700 hala doh negar bahrau hu Sở Công Thương tỉnh Bình Thuận jao ka  BĐBP tỉnh piah brei ka urang tong ikan. Ni lac pandap alin biak hu makna, rik dong pachreih ba, pabak pren ka mikva tong ikan dalam tuk tabiak tasik tong chap ikan gam song bruk khik caga siam mekre bhum tasik, palao kaoh palei negar. Tukvak tapa , peih ngak danak dak “Alin hala doh negar  song thaot binguk Wa Hồ ka urang tong ikan”, BĐBP tỉnh Bình Thuận hu peih bruk jao brei dom ribau hala doh negar  song thaot binguk Wa Hồ ka urang tong ikan; rik dong patagok talei jum pataom bol bala song bhap bini angaok bhum tasik, pathau khan ka urang tong ikan thau cambaih laih jang ka quyền ngak po taneh ia, tasik palao di Việt Nam.

Bol lin biên phòng tỉnh Bà Rịa - Vũng Tàu brei thau lac bahrau ngak salah bruk taong yah jalan ngak xăng giả praong abih di ban Vũng Tàu. Dahlau di nan, dah page 31/10, kapul biên phòng tame pasang iek sa kho pandap di phường 12, ban Vũng Tàu, duah mboh sa sruh radaih bồn daok njuk sa janih ia, dalam radaih hu 2.000 lít janih ia saong dalam kho hu labaih 70.000 lít. Dahlau di abih, BĐBP tỉnh Bà Rịa - Vũng Tàu brei thau ni lac labik ngak xăng giả. Po kho pandap hu taduan panuac lac hu pablei xăng giả ka tuai di Bình Dương saong Đồng Nai.

Bruk palih ruah Tổng thống Mỹ dok lagaih ka ong Joe Biden di đảng Dân Chủ tuk ong mek hu jayah  di bang Wisconsin song Michigan, tapa mbaok Tổng thống Donald Trumph biak atah. Urak ni urang pal akaok  negar  Mỹ tok daok sa jalan piah janeh veik lac janeh abih di  4 bang: Nevada, Pennsylvania, Bắc Ca-rô-li-na (North Carolina) Georgia. Urang jakar bang Nê-va-đa brei thau bruk pasang iek hala phiếu hu hu khan brei thau  di jala pandiak harei 5/11 tui tuk vak  Mỹ (njauk meteh melam ni tui tuk vak Việt Nam). Nyaom  tranh cử di ong Donald Trumph hu ba rilo harak pathau tagok  tòa án, peih jalan ka bruk cagar veik kết quả di dom bang praong ba tal jalan tame  Nhà Trắng.

Rajaei Thái Lan brei thau lac daok brei dui atah tukvak kreik pabhah mbang tapen negar gah ia harei trun ngan haong Myanmar tal puac harei 16/11 kayua bruk njom mbak biak sarau kadhau di Covid-19. Dom sruh radaih pajeng pandap saong dom sruh radaih karei jeng njauk pakauk nduac abih. Dom urang eng drei tame labik negar Thái Lan tapa dom jalan gilai tapen dua negar meda njauk phat sa thun guk atau 100.000 bath (labaih 3.223 USD). Tuai damaui negar langiu tal Thái Lan njauk cuk kaong tangin kỹ thuật số. Mayah nhiệt độ rup pabhap tagok labaih 37,5, ye jamriak ni mada pathau khan chip tal dom jabat y tế di Thái Lan.

Rajaei Australia khan lac mek hu thỏa thuận yaom 1,5 tỷ AUD piah hu quyền pandar pabak 2 janih vaccine pacang Covid-19 bruk dok hu  dom hãng jru tavoa ngak iek tuk vak puac abih. Urak ni, neger ni hu mbaoh tame tame 4 thỏa thuận blei  vaccine song abih tih jiak 135 triệu mbang, dalam tuk bhap bini oh ka tal 26 triệu urang . Australia urak ni lac negar nao dahlai di dunya dalam bruk dong dom negar patagok hu pandar vaccine pacang Covid-19. Rajei negar ni ndom lac hu dong abih vaccine ka bhap bini bhum  Đông Nam Á song Ấn Độ-Thái Bình Dương./.

Urang lang: Thu Thảo – H.Pha  6/11/2020 10:43:22