Rilo thí sinh dok kuhira palih ruak tame sang bac halei 

         Dalam bilan tuyển sinh thun  2019 hu rah tabiak bruk lac dom gah, dom danak dak pato pakai  di dom sang bac đại học, cao đẳng hu biak takik  thí sinh ginup điểm trúng tuyển, oh ginup menuac piah peih tal bac. Piah nyaih palai pajoa dalam pato pakai , rilo sang hu tagok tanut điểm trúng tuyển piah thí sinh laik, ngak lahik quyền lợi di thí sinh saong ngak pandik hatai menuac sia. Piah plaik nyaih bruk ni rah tabiak veik dalam bilan palih ruah  thun 2020, rilo panuac  caong Mintri pato megru njauk ba jalan langyah bruk ni tame  quy chế tuyển sinh thun 2020. Ong Hoàng Minh Sơn, Akaok sang bac Đại học Bách khoa Hà Nội hu panuac caong lac: Dom gah, dom danak dak  di dom sang bac  palih ruah bo tuk  thí sinh tut angan biak takik, meyah xét trúng tuyển ye hu biak takik  song tuk nan điểm chuẩn meda biak bier  atau lac  palih ruah oh ginup  menuac piah peih, khol hulin sahnang lac bruk ni khol drei njauk ba tame  quy chế piah ka dom sang bac hu jalan ngak jip dalam bruk nan. Khol hulin cong khin ba jalan ngak nan tame piah ka  thí sinh hu quyền salih yau habar nan , piah ka dom sang bac peih ngak bo oh cang tal tuk nan, drei njauk nao  langyah atau likau  ý kiến ni deih , ngak habar ka tantu dalam quy chế  ka bruk palih ruah ngan song dom gah  bo thí sinh tut angan tame takik yau nan.    

Dalam dom gah, danak dak pato pakai rah tabiak bruk biak takik thí sinh trúng tuyển, oh ginup piah peih tal bac ye nyaom gah pato pakai sư phạm hu biak rilo. Ong Nguyễn Thế Bình, Giám đốc Sở pato megru tỉnh Hà Giang tacei tabiak sa bruk mboh di anak meta lac dom thun jiak di ni, thí sinh trúng tuyển tame sang bac  cao đẳng Sư phạm Hà Giang biak takik, hu rilo gah  thí sinh trúng tuyển tok hu dom adei. Meyah sang bac peih bruk pato pakai ye palai pajoa bo oh peih bruk pato pakai ye lahik quyền lợi di thí sinh. Meyah quy chế palih ruah thun 2020 pabak điều khoảng piah langyah bruk ni ye khik hu quyền lợi di thí sinh dalam tuk palih ruah song oh palai pajoa dalam pato pakai: Thun deih hadei di tuk tamat bruk palih ruah, ye khol hulin hu panuac caong hu jalan ngak lac salih 1-2 anek saih bo di 1-2 gah bac nao dom sang bac jiak di nan piah takik palai pajoa gah prein yava,  jien ndua dalam tuk peih bruk pato pakai. Min oh ngak hu kayua quy chế ohhu jalan brei ngak bruk ni.Khol hulin biak cong khin lac dalam quy chế thun ni, dom puk palei, dom gah bac,dom sang bac hu anek saih bac, anek saih dự thi trúng tuyển takik  song tut angan tame bac takik, ye brei sa jalan ngak lac payua tapa dom sang bac jiak tapen hu ilamu samu gau piah pato pakai  nyaih, plaih palai pajoa.

Ong Nguyễn Văn Minh, Akaok sang bac Đại học Sư phạm Hà Nội ndom lac, dalam dom thun jiak di ni, bruk batabiak tanut khik kajap chất lượng hu dong ka dom sang bac sư phạm ruah hu dom  sinh viên hu chất lượng siam jang duh song dahlau deih. Hu sa bruk lac  dalam dom gah sư phạm hu biak takik thí sinh trúng tuyển, oh ginup piah peih tal bac  ye dom sang bac  phổ thông , kurang gru pato dom janih yau: Tin học, Nghệ thuật, Ngoại ngữ... Meyah dom tavak tavaiy dalam bruk palih ruah gah sư phạm oh hu langah  ye tuk mintri pato megru peih ngak danak dak pato pakai phổ thông bahrau, dalam 1 tal 2 thun tal meda kurang biak rilo gru pato dom janih bac ni: Hu dom gah urak ni, abih di nyu lac dalam bruk peih ngak danak dak bahrau, khol drei njauk kuhri kuhria tal dahlau di abih lac gru pato tin học. Gah ni palih ruah biak kan, kayua biak rilo adei khin bac tin học song khin ngak bruk karei rilo jang lac tame ngak gru pato. Khol drei njauk hu jalan ngak  piah ka dom kamuan tame bac, hadei di ni tamat bloh, meyah oh hu yau nan, dalam  1-2 thun tal  khol drei kurang biak rilo . Bloh tal gah ngoại ngữ song dom gah  nghệ thuật.)

Hu dom panuac caong lac, gam song bruk ba tame quy chế jalan lang talaih kan kandah ka dom sang bac  meyah hu dom  gah hu takik  thí sinh trúng tuyển ye mintri pato megru  njauk hu jalan ngak piah dui pachreih thí sinh tame bac dom gah  sư phạm bo urak ni dom sang bac dok kurang gru pato, piah peih tabiak jalan pilih ruah ka dom sang bac phổ thông tuk peih danak dak  phổ thông bahrau./.

Urang lang: Hanipha -9/3