Ngan haong biak ralo urang ngak kayua nao ngak ca kíp nan ye kan hu tuk vak piah duah thau ka thong tin jeng yau ma-in bui sambai…Kayua nan ye, binah prong mboh dom urang ngak bhian ngak ayut haong radio.Radio nan lac phương tiện piah ka urang ngak duah bui sambai, taom gaok saong dom ayut, paglaong jalan sahaneng jeng yau duah thau ka sarak hukum di karja saong dom kadha dom bruk daok rah tabiak, chính trị di taneh aia.

Pang radio piah thau ralo jang ka ilamu, bac megru ralo kadha siam gheih, gaok mai lac ndom biai nao mai saong klah rabha dalam rai diuk, bruk ngak, tui pang alat ragam, 6 tah klak abih glaih glar. Nan lac dom klah rabha biak siam, biak abih hatai di ralo urang ngak. Sa-ai Phạm Khánh Tuân, urang ngak di Công ty Panasonic Việt Nam, Khu công nghiệp thăng Long, Hà Nội brei thau: Ngan haong jien bilan mek tame oh hu ralo, daok duk trọ saong cai pandar yaok harei jeng abih ralo jien, nan ye sa-ai saong ralo urang ngak oh ginup điều kiện piah blei pandap điện tử piah pandar dalam sang. Kayua nan ye, Radio yau lac sa ayut sahabat. Sa-ai Tuân meda pang rayo tapa baoh rayo sit atau tapa điện thoại. Phạm Khánh Tuân klah rabha: Drei lac urang ngak, ngak bruk lahik ralo tukvak dalam harei. Ti vi oh njauk lac thei jeng blei hu, saong jeng oh hu tukvak piah pang, nan ye urang ngak yau adei tok thau pang radio, pang rayo thau biak ralo ka tin tức thời sự, dom sarak bo urang mbang tui. Abih di nyu lac pang rayo bye adei gam pang gam ngak bruk hu.

            Mong mboh hu kein laba biak biai di danak dak papar sap angaok radio ngan haong sa asal hu mboh drei yau raidiuk, ba brei ralo thông tin kein laba ka urang ngak, Liên đoàn Lao động bal raya Hồ Chí Minh hu pambuak haong công đoàn cơ sở, ba pataom meng ralo gah daong blei radio saong alin brei labaih 10 ribau radio ka urang ngak pak di dom khu công nghiệp. Abih di nyu lac kein laba tuk meda drei pang tuk halei jeng hu, labik jeng laghaih. Tui amuk Trần Kim Yến, akaok Liên đoàn lao động bal raya Hồ Chí Minh: Danak dak alin brei radio ka urang ngak piah daong ka urang ngak hu pang yaom bui sambai, taom gaok ndem bai nao mai anagok raya, paglaong akaok sahneng dalam raidiuk rai diuk jeng yau duah thau ka sarak hukum saong dom kadha thời sự, chính trị di taneh aia, taphia di nan daong ka rai diuk hu ralo thi vị jang. Ini lac baoh tatua pambuak piah ka urang ngak duah thau thông tin samar di abih saong lac baoh tatua pambuak di  Công đoàn, doanh nghiệp ngan haong urang ngak. Tukvak tapa, Liên đoàn lao động bal raya jeng hu pambuak haong Rayo sap ndom bhap bani bal raya Hồ Chí Minh peih ngak danak dak “papar sap urang ngak”, meng 20h tal 21h dom harei som saong harei jip yaok adit piah tui pang, giao lưu saong langyah dom tavak tave di urang ngak. Amuk Trần Kim Yến brei thau: (Dut haong dom phương tiện truyền thông karei ye radio jeng hu ralo kein laba karei, urang ngam meda gam ngak, gam pang. Tpahia di nan, Rayo  hu danak dak giao lưu, oh lac tok hu giao lưu ka ilamo, pambuak ayut bo daok panduan ba dom kadha sua tangi di urang ngak hu ba tagok riyak saong dom urang ngak hu gam dom kadha sua tangin nan meda duah thau. Bruk tương tác di urang radio saong urang pang, dahlak mboh lac nyu biak hu hiệu quả.

Tui ong Vũ Mạnh Tiêm, Phaok akaok Ban tuyên giáo, Tổng Liên đoàn Lao động Việt Nam: yaom lac kapul nyaom công đoàn hu ralo kham merat pabak brei paglaong jalan sahanmeng ka urang ngak min jeng oh ka ginup saong jeng oh njauk lac urang ngak halei jeng hu mbaok tame. Kayau nan ye, radio meda lac baoh tatua pambauk jaik abih, kein laghaih abih piah paglaong rai diuk ilamo tinh thần ka urang ngak hadei di dom tukvak ngak bruk glaih pandik akoak. Ong Vũ Mạnh Tiêm brei thau: Urak ini, urang ngak cong di dom doanh nghiệp hu labaih 11,5 triệu saong dom urang nan ngak bruk di dom doanh nghiệp biak căng thẳng ka tukvak, meng 10-12 tiếng yaok harei, nan ye dom danak dak papar sap biak njauk haong lagaih di urang ngak, abih di nyu lac dom dandak dak khan brei thau ka sarak, hukum di karja. Taong yaom glaong danak dak “Nhịp sống công nhân” papar sap angaok VOV1, ong Tiêm brei thau: Taphia dom danak dak ndom ka thời sự, kinh tế xã hội, dnak dak “Nhịp sống công nhân” hu caik tukvak biak ralo papar sap dalam harei sanecar yaok adit, piah ka urang ngak pang saong tương tác ndom biai nao mai haong biên tập viên dnak dak. Dom biên tập viên di rai diuk urang ngak hu pambuak bruk biak catang haong Tổng Liên đoàn Lao động Việt Nam piah pathau khan ka dom asal kadha, bruk ngak di Tổng Liên đoàn Lao động Việt Nam yau khan brei thau ka: Thun kein laba đoàn viên 2017, Bilan urang ngak, Tết sum vầy, dom bruk ngak tui sarak di công đoàn, dom bruk ngak hu di công đoàn dom pakat. Meng nan, urang ngak duah thau hu ka dom jalan ba di Đảng, Karja saong dom bruk ngak do công đoàn tal urang ngak./.