Rilo baoh sang padang ngak jaik taphia gauk rah tui jalan betong. Anek naih bui sambai me-in langiu mblang…Biak njauk yau panuac khan di ong Sáy Tùng, Bí thư Đảng ủy xã Suối Bu Vàng:  “ Tagok Bu Cao urak ini bui sambai lô, karei jang dahlau biak rilo”.

Akok palei Bu Cao Mùa A Chang khan lac, 10 thun oh lac biak suai lavik, min Bu Cao karei jang dahlau biak rilo. Bilan 9 thun 2005, hajan ribuk ngak ka jalan tagok palei Bu Cao khut trak, oh nao mai hu, huyen Văn Chấn ba jaik 70 baoh sang daok di ceik glaong yaok ribau met, biak kan kandah saong kurang rilo janih, trun daok ala tah labik daok klak labaih 3,5km, biak jaik jalan praong.

Mbaok meta palei Bu Cao harei ini lac bruk biak takik urang dalam palei sahaneng tal. Yau ye baoh sang praong, glaong dua tal di kreh palei. Po sang lac sa-ai Mùa A Chang. Maong sa-ai jeng thau lac manuac tari tarieng ngak mbang. 900 met vuong taneh hamu, vụ chiem yuak hu 20 bao, vụ mùa jeng hu labaih 10 bao, labaih mbang. Salah blaoh dua vu padai, sa-ai tapa 3.000 met vuong tea rituh phun praong, paik bloh pablei chip ka hop tac xa. Daok klau drei kubao, taphon pabui, wuan pablei pandap. Diuk pasang sa-ai Chang- urang akok palei meng dalau mai hu mikva dalam pambak tame.  

Palei hu 9,1 ha hamu, sang hu rilo hamu tal meteh hecta, sang takik jeng hu dua klau rituh met vuong, oh kurang padai brah; hu 70 hecta te phun praong brei hala paik luac thun.

Pabah lameh hala, tangin pet bingu hala, amuk Giàng Thị Sông,  umo 70 thun, khan lac sang amuk hu labaih sa ribau met vuong taneh hamu, 5 drei limo, tea ye biak rilo, rilo jang sang ong akok palei: “Mai daok pak ini ye biak lagaih, ngak hagait jeng mbuan. Dahlau daih kan kandah hadom ye urak ini sahanang du nan. Urak ini, oh thei khin mai veik labik daok klak, daok pak ini ngak mbang min.”

Raidiuk dak harei dak kaya meda, mikva palei Bu Cao brei anek nao bac đại học sumu ayut sahabat. Karja padang ngak sang bac di kreh palei, nao bac oh huac pandiak hajan yau nan ye oh hu adei halei klak bac. Dalam palei hu dom kamuan bac tagok đại học, hu kamuan jeng urang jakar huyện, lac kareih camin ka yaok rituh anek saih karei bac tui.              

Jalan betong tapak samu tal jalan raya 32 ba mbuan lagaih ka mikva palei Bu Cao oh daok glaih glar gui pandap trun darak yau daok di ceik dahlau daih./.