800.000 mbang jru vaccine caga Covid-19 hu pajeng mai ka Ban raya HCM piah klauk ka bhap bini

Rajaei ba tabiak bruk pamaong tal yaok bhap bini brei thau ang je số gam haong QR code, yam tal bruk thei jeng hu samartphone di thun 2025. Tui bruk Cakrok patagok suai lavik di Rajaei pamaong tal Rajaei số vaktu 2021 -2025, yaok baoh sang hu địa chỉ số, meda tame internet cáp quang băng rộng. Bhap bini brei hu hồ sơ số ka prein yawa di drei; urang ngak nong meda tame hu, duah thau siam lagaih ka bruk ngak nong. Urang ngak hu mbuan lagaih duah bruk ngak jeng yau dom tal bac tapa online. Dom jalan mbak hu pagam jamraih khik iek hadah krah. Dalam negar peih bruk kak jien điện tử oh padeih; dom jalan bayar jien tapak brei klak.

Mesup ini (17/6), Mintri Y tế brei thau, dalam 12 mon tapa, dalam taneh ia hu 159 urang njaom bahrau Covid-19, dalam nan hu 1 urang brei daok karei chip tuk tame negar di Khánh Hòa. 158 urang dalam taneh ia, rilo di abih lac Bắc Giang: 87 urang, TPHCM 45 urang. Mintri Y tế brei thau, mon 10 melam blaoh, di mblang kapal haoh Nội Bài, Hà Nội rah tabiak bruk taduan mek lô vaccine Covid-19 jaik 1 triệu mbang di Rajaei Japon daong ka Việt Nam pacang caga jit Covid-19.

Jeng tui Mentri Y te, 800.000 mbang jru vaccine caga Covid-19 hu pajeng mai ka Ban raya HCM piah klauk ka bhap bini dalam tuk urang njom Covid-19 di Ban raya yam tapa tanut 1.000 urang ruak dalam mbang jit ka 4. Oh lac dom labik y tế bo taong abih gah kuhria gam bol lin…meda hu klauk jru. Langiu di dom urang di Sarak 21, mbang ini brei pataom tame khik caga ruak ka dom khu cong nghiep dahlau, abih di nyu lac urang ngak.

UB bhap bini ban sit Biên Hòa, tinh Đồng Nai bahrau samar tabiak bruk pacang veik siêu thị BigC Đồng Nai daok di khu phố 1, phường Long Bình Tân dalam 21 harei, kuhria meng mon 5 mesup ini (17/6). 5 bilai pacang hu padang di dom pabah mbang tame tabiak siêu thị. Urang halei pacang cakak, cagar veik bruk ngak ini njauk pasang iek, langyah tui hukum. Hu thau, bruk pacang veik ini kayua hu gam tal sa urang dương tính di phường Bình Thắng, ban sit Dĩ An, tinh Bình Dương tame siêu thị BigC Đồng Nai blei pandap. Mesup ini, mBan tacei pato pacang caga jit Covid-19 ban sit Biên Hòa peih bruk ginum biai chip haong dom gah pambuak tal piah ba tabiak jalan langyah.

UB bhap bini An Giang tabiak bruk samar drah pasiam bruk glut jaleih takai kraong Ông Chưởng tapen jalan 946, di xã Long Kiến, ngak ka 11 baoh sang mikva mbuan jaleih abih trun kraong. Taong abih menuac di dom baoh sang nan hu ba tame daok tạm dalam sang bac taphia nan. Tui UB bhap bini tinh A.Giang, kraong Ông Chưởng tapa huyen Chợ Mới hu 11 labik mbuan glut jaleih atah 10 km, njauk brei samar pasiam ngan saong phun jien labaih 35 tỷ đồng. An Giang lac tinh hu bruk glut jaleih takai kraong trak abih di Bhum taneran kraong Cửu Long, ngan saong 53 labik mbuan glut jaleih, abih tih atah 170 km, ngak kan kandah tal labaih 20.000 baoh sang, dalam nan hu labaih 5.380 baoh sang brei panduan nao labik karei chip.

Kayua jit ruak Covid-19 di negar Prang daok pacang hu, rajaei negar ini brei klaak bruk giới nghiêm saong pacadu bruk cuk pataih pacang mbaok. Meng mesup harei 17/6, bruk pacap rahra cuk pataih pacang mbaok tuk tabiak gah langiu jeng hu klaak. Menuac sia tok brei cuk pataih pacang mbaok tuk pataom rilo menuac atau daok dalam labik sre. Kuhria tal harei 16/6, Prang hu oh ka tal 2.000 urang cấp cứu kayua jit Covid-19, lac biar di abih kuhria meng kreih bilan 10 thun blaoh. Dalam tuk nan, bruk klauk vaccine daok hu jhul khang saong peih praong ka dom urang umo meng 12 thun tagok.

Negar Anh, harei 16/6 hu labaih 9 ribau urang njom Covid-19, ralo meng lac kayua biến thể virus Delta ngak ka taneh ia ini njauk Liên minh châu Âu ba angan tabiak truh dom taneh ia salamat brei nao ma-in dulich tui hatai tal châu Âu. Ini lac dom urang njom ruak yaok harei glaong abih di Anh meng bilan 2 thun 2021 saong tapa nan yau brei mboh biến thể virus Delta mbuan ngak jit ruak birau veik di Anh dak harei dak praong jang, yaom lac hu bruk jaik 80% bhap bini umo dam dara di Anh hu klauk jru takik abih lac sa mbang vaccine pacang caga Covid-19.

Dom urang ilamu di negar Australia daok caga ngak iek bruk pabak vaccine Covid-19 bahrau meng jalan dhung saong dom urang hu mbaok tame, lingiu di bruk hu pabak vaccine brei saoh, daok taduan hu labaih sa rabau đôla Australia. Ngak iek ini hu maong lac piah taong yaom tanut siam mekre salamat di vaccine, saong piah thau bruk pacang veik ruak di vaccine. Meyah ngak iek ini hu siam mekre, bruk pabak vaccine ini meda hu mbaok angaok darak pasar dalam 1 atau 2 thun./.

Urang lang: M.P – Hani Pha – 17/06 10:39:43