Bruk hu mbaok di urang lin hu tani tanat ka XH

Rajaei birau tabiak Sarak ka 128 ka Bruk ngak di anak meta “diukrai salamat, sami samar, pacang khik hu siam jit Covid-19”. Sarak tacei lac: meng bruk rah tabiak, panuac langyah  di dom urang ilamu, chuyen gia, panuac di dom tỉnh, ban saong Mban tacei ba pacang caga jit Covid-19, Rajaei thau bruk pacang jit nan lac bruk praong piah khik caga prein yawa ka bhap bini, pasiam veik bruk ngak mbang patagok kinh te- xã hội, khik siam an sinh, tani tanat xã hội; salih bruk pacang caga jit tapa “diukrai salamat, sami samar, pacang khik hu siam jit Covid-19”. Sarak ini hu pandar  yau gauk dalam negar.

Mintri Y tế brei thau meng ini tal puac thun 2021, dom vaccine pacang caga COVID-19 meda mai rilo, dom tinh bal brei caga piah samar klauk ka rilo manuac, pacang cakak jit ruak dalam tukvak samar di abih. Kuhria tal abih harei 10/10, Việt Nam hu labaih 87 triệu mbang vaccine caga COVID-19 saong hu peih 57 mbang parabha  abih tih 81,7 triệu mbang vacxin ka dom tinh, bal.

Meng 6 tuk harei  14/10, Hà Nội ramik veik dom bruk ngak dalam ban. Tui nan, dom jabat , công sở, kapol nyaom, doanh nghiệp ngak bruk gilac veik yau dahlau. Radaih buyt, radaih taxi brei peih tui prein khang saong jalan peih kayua Sở Jalan mbvak pajeng ba tacei ba. Dom muyim, bein bingu hu peih pabah mbang taduan raok tuai oh tapa 10 urang dalam sa kapol nyao. Hotel, labik papah ka urang ndih daokbrei peih ngak oh tapa meteh prein ngak bruk. Nhà hàng, labik pablei pandap mbang menyum langiu dom labik pablei alak, mbia, mbia hơi hu pablei di labik, oh tapa meteh dom ghaiy daok.

Harei 13/10, bruk pajeng tuai meng radaih pasei nudac gah barak – maraong (Hà Nội – TP.HCM), Hà Nội - Hải Phòng, haong 8 jalan pajeng tuai nduac meng tinh ni tapa tinh dieh hu peih gilac; dom jalan par dalam taneh ia jeng hu peih veik dahlau di nan dom harei. Ini lac sa bruk ngak hu makna praong piah  pasiam veik bruk nao mai, pasiam viek kinh tế taneh ia hadei di sa tukvak suai lavik kreik pabah mbang piah pacang caga jit ruak. Theo Tổng cục jalan mbak Việt Nam, dom sở jalan mbak njauk caga pok pauac tagok mBan tacei jalan pacang caga jit COVID-19 di palei, padang jalan langyah piah samar ba tabiak jalan ngak di anak meta tui tacei pato di Mintri jalan mbak, anak mata brei peik ngak iek dom jalan nao meng bhum hijao tal bhum hijao, hadei di nan meng peih viek bruk pajeng ba.

UB bhap bini huyen Định Quán, tỉnh Đồng Nai daok yaok pataom, mek mẫu piah duah thau kayua halei ngak ka jaik 800 tấn ikan di urang raong dalam bè di gah angaok kraong Đồng Nai metai abih. Tui bhap bini, ia sua tagok glong, ia nduac khang dua harei ini meng gah angaok kraong Đồng Nai trun gah ala. Rilo baoh sang raong ikan dalam bè mboh ikan ndon akaok mbaok ia blaoh metai. Rilo urang srong ikan pablei ka urang blei ngan saong yaom meng 2.000 đồng tal 5.000 đồng sa kilo. Yau nan min, takik urang blei ikan kayua kan pajeng ba kan kandah. Bilan 8 thun 2019, jeng di labik ini, hajan khang  gah angaok  gam thủy điện peih tathuak ia ngak brei 4.600 tấn ikan metai.

Dom urang njom nCoV bahrau, tui kuhria dalam 7 harei tapa di Mỹ trun 12% dut saong sa adit dahlau, dom urang metai jeng trun 5%, yaom lac yau nan, gah y tế Mỹ brei thau lac ini ka oh lac tukvak piah iek bier, yaom lac biến chủng bahrau takik mboh piah salih ka chủng Delta daok ngak srau kadau dunya yau urak ini. Pacang cakak jit praong COVID-19 jeng lac sa dalam dom bruk njauk ngak dahlau di abih di rajaei Tổng thống Joe Biden. 77% bhap bini Mỹ hu klauk takik di nyu lac 1 mbang vaccine. Min, rilo bang yau ye Florida saong Texas jeng ka oh njauk hatai ka bruk pacap klauk vaccine ngan haong makna lac lih tame quyền tự do di anek menuac.

Rajaei Argentina peih ngak Danak dak klauk jru vaccine Covid-19 ka uranaih umo meng 3 tal 11 thun hadei tuk hu Jabat khik iek jru tavao, pandap mbang saong cong nghe y te brei adat, ini lac jalan piah  Argentina pamaong tal bruk klauk pabak vaccine ka bhap bini dahlau di puac thun ini. Ấn Độ  jeng kakei brei pandar chip vaccine Covid-19 kayua Công ty Bharat Biotech ngak tabiak ka uranaih umo ala 12 thun. Di Mỹ, Nhà trắng caong khin thông đốc dom mbang caga brei klauk vaccine Covid-19 ka uranaih umo ala 5 thun di akok bilan  11.

Sa urang likei di Na Uy mek haning cuh tame rilo menuac di labik jaik ban ine Oslo, ngak ka takik di nyu 5 urang metai saong 2 urang njauk rambuac. Bruk nan rahtabiak di bier harei sup 13/10, urang cuh haning nan njauk Canh sat cap mek hadei di nan. Ini hu maong lac bruk jhak abih di Na Uy meng di thun 2011, tuk sa phần tử cực đoan pametai 77 urang, rilo meng lac dom dam dara, di sa trại hè di mangaok pulao Utoeya. Hadei di tuk rahtabiak bruk nan, kanja Na Uy tabiak adat hu brei ka dom sĩ quan cảnh sát dalam taneh ia ba tui phao, yaom lac ka oh mboh ngak kan kandah tal bruk saron mbon di taneh ia./.

Urang lang: Thu Thảo -Ái Nghiêm -14/10