Ong Trần Văn Sơn - Akaok Mintri, Chủ nhiệm Jabat rajaei

Di mbang họp báo Rajaei melam 6/9/2021, ong Trần Văn Sơn - Akaok Mintri, Chủ nhiệm Jabat rajaei brei thau, dalam mbang nyaom bilan 8 harei ini, Rajaei ndom rilo tal bruk pacang caga jit. Tui taong yaom, Rajaei mboh lac, bruk pacang jit daok hu peih ngak khang tui jalan "yaok phường, xã, ban sit lac sa labik pacang khang", "yaok rahra lac 1 urang lin".  Rajaei mboh lac bruk jit ruak di dunya daok srau kadau, kinh tế dunya siam veik min mbuan khat lahik, kan kandah daok dui atah. Piah mek hu bruk cakrok, urang brei panuac di Rajaei brei thau, Thủ tướng ndom cambaih, dahlau di abih lac bruk pacang jit, saong pasiam veik dom bruk ngak mbang, pablei salih. Ong Trần Văn Sơn brei thau, Thủ tướng ba tabiak bruk lac kham merat tal 15/9 pasang iek hu bruk jit ruak di taong abih dom tỉnh, ban.

Kuhria meng harei 27/4 tal abih harei 05/9/2021, dom tỉnh, ban bhum urang bangsa takik hu 462.752 urang njom Covid-19; Dalam nan dom tỉnh Tây Nam bộ hu 829 urang; Bhum kreh negar saong Tây Nguyên hu 1.035 urang; ban raya Hồ Chí Minh haong Đông Nam bộ hu 1.154 urang.

Ong Hoàng Minh Sơn - Thứ trưởng Mintri Pato Megru ndom lac, 2 kan kandah praong abih dalam bruk pato, bac online lac pandap, jamriak haong jalan truyền.  Meng 20 triệu anek saih, sinh viên, tok hu 2 triệu mbang tame haong gauk ye biak kan piah jalan truyền hu siam mekre.  Thứ trưởng Mintri Pato Megru jeng langyah lac, jalan ngak karei dalam bruk pato saong bac hu Mintri Pato Megru ba tabiak lac tacei pato dom sang bac peih ngak, pandar dom bài giảng điện tử, bài học điện tử piah anek saih bac di sang. Urak ini Mintri Pato Megru hu caga sa gilang tapuk bac da-a biak praong. Hadei di jit ruak, dom labik oh hu tapuk bac da-a siam ye dom gru brei pato pabak piah hu siam mekre di abih ka bruk bac da-a.

Tui ong Trần Đình Luân, urang pan akaok Tổng cục Thủy sản, di bhum taneran kraong  Cuu Long hu 120 dalam abih tih 449 sang mac chế biến padeih ngak; dom sang mac daok ngak ye tok ngak hu meng 30%-40% prein ngak kayua kurang menuac ngak, mbuan kurang pandap tui harak pambuak bruk, mbuan njauk phạt; dom sang mac “3 di labik” biak glaih glar kayua phun jien tagok rilo. Langiu di nan, 25 pabah lamnge ikan brei padeih ngak dalam bilan 8. Tal harei 1-9, bahrau hu 8 pabah lamnge hu ngak bruk veik. Dom kapal gilai tame pajeng, ba kaya ikan di dom pabah lamnge trun 59.670 mbang, samu 334.000 tấn pandap. Kayua kaya ikan taong cap kan pablei, nan ye yaom trun meng 15%-20% duk haong tukvak ini thun blaoh.

Anak panuac tangi sua di rahra ka bruk peih veik dom siêu thị, hu nao darak pasar..… dalam danak dak “Rahra tangi sua – Ban raya javap jalei” di melam 6/9, ong Phan Văn Mãi, Chủ tịch UB bhap bini ban raya HCM brei thau, dahlau di harei 15/9, TP.HCM daok brei pandar dom bruk pa-atah di gauk yau meng harei 23/8 tal ini. Min ban raya hu 2 bruk brei ramik veik lac dom siêu thị, dom labik pabak pandap panda hu peih tal dom xã, phường, ban sit. Di bhum bhong meriah, shipper hu daong ka rahra blei pandap mbang huak saong pandap pandar yaok harei. Daok rahra daok di bhum hijao hu nao darak pasar 1 adit sa mbang saong pachreih dom menuac hu klauk vaccine ginup 2 mbang nao darak. Meyah jit ruak pasang iek hu hadei di harei 15/9, ban raya meda brei peih pabah mbang dom gah ngak mbang yau: điện tử, pandap duh ka bruk y tế, pandap mbang huak, labik pablei xăng, menyek, gas,… min brei khik hu siam mekre, salamat.

Mintri Y tế Thái Lan brei thau, taneh ia ini jeng oh ka mboh dom urang ruak hu biến thể Mu di virus corona. Dom menuac njaom ruak di Thái Lan urak ini rilo meng lac biến thể Delta tabiak meng Ấn Độ. Biến thể Mu (B.1621) bahrau mboh hu oh ka tal 0,1% dalam dom menuac ruak di dunya. Biển thể ini hu duah mboh di 39 taneh ia, dalam nan hu Anh, Mỹ haong Japon. Min dom urang ruak hu biến thể ini jeng oh ka mboh di Thái Lan. Gah Y tế dunya WHO hu panuac lac biến thể Mu di virus corona lac biến thể hu caik hatai sangka di bilan dahlau kayua nyu hu prein pacang veik vắc-xin.

Harei kabroi, dom menuac njom bahrau Covid-19 di negar Japon trun daok oh ka tal 8 rabau, lac mbang camereip abih ala 10 rabau kuhria meng harei 2/8.  Yaom lac jit ruak daok trun dalam dom harei jaik di ini, min rajaei Japon jeng daok huac lac biến thể Delta meda njom mbak samar. Rajaei Japon daok kuhria brei dui atah bruk samar drah COVID-19 di Tokyo, daok dom tỉnh jaik taphia tui kuhria brei padeih di harei 12/9 saong mboh lac bruk catang tagok di gah y tế jeng oh ka ginup piah klaak bruk pacang veik gah pablei salih. 

Cuba jeng taneh ia camereip abih di dunya klauk vaccine pacang Covid-19 kayua taneh ia ini eng drei cakrok ka uranaih umo meng 2 thun tagok. Thun bac bahrau di taneh ia ini peih tabiak meng harei 6/9, min anek saih brei bac di sang tapa dom danak dak papar binguk kayua jaik abih dom sang oh hu internet. Rajaei Cuba brei thau, dom sang bac meda peih pabah mbang veik meneing di bilan 10 haong bilan 11/2021, min brei peih hadei di tuk ngak salah bruk klauk vaccine ka taong abih uranaih./.

Urang lang: M.Phương – 7/9/2021