CHAM.VOV.VN: Gru Thanh, anak urang Cam, gru pato naik joi sap bangsa Cam daok di Palei Ram Thuận Nam, tinh Khanh Hoa hu panuac brei ka khol dahlak Kadha Ranam sap bangsa Cam: “Thau lac sap Căm drei hu tiền tố, trung tố saong hậu tố. Paham thau nyu lac “tiền tố” ieu lac janih yawa sap dang anak panuac, “trung tố” ieu lac janih yawa sap dang kreih panuac daok “hậu tố” ieu lac janih yawa sap dang iku puac baoh panuac. Harei ini khin Kadha ranam sap bangsa Cam lang brei thau cambac “ngak yau habar thau panuac trung tố - janih yawa sap dang di kreih panuac dalam sap Cam”.