Urang lin bhum hải quân 5

  Yaom lac daok 19 harei tra  meng tal Tết Nguyên đán anek sak tikuh 2020, min kayua bruk ngak, gilai duah daong urang gaok bala 954 hu brei ka urang jakar, urang lin mbang Tết dahlau. Bingu mai, salao boah kayau 5 janih, ahar bánh chưng lac do janih oh krang hu dalam harei Tết hu urang jakar, urang lin angaok gilai kuhria caga tani tanat. Thượng úy Lê Văn Khiêm, chính trị viên gilai 954 khan lac: “Lac gilai duah daong urang gaok bala yau nan ye khol dahlak tuk halei jeng ngak bruk abih hatai, daok bruk uan raok tet aval dahlau ka urang jakar, urang lin piah ba bui sambai, jum pataom, anit ranam, pachreih ba piah ka  adei sa-ai sahanang hatai ngak bruk.”

Trung tá chuyên nghiệp Nguyễn Văn Khiêm, urang ngak bruk di tasik hu  labaih 20 thun mbang Tết atah sang saong lac urang umo thun praong abih di gilai 954 brei thau, lac urang lin ye brei taduan glaih glar piah ka palei negar hu sron mbon. Kayua bruk ngak, nan ye njauk mbang Tết dahlau, nan jeng lac bruk hadah mbaok meta di yaok urang lin hải quân: “Khol dahlak hadah mbaok meta hu uan raok Tết aval dahlau, adei sa-ai khol dahlak pachreih ba gauk brei ngak siam bruk tư tưởng, piah urang jakar urang lin gam mbang Tết, gam ngak bruk angaok jao trun…”

Mbang akaok meti uan raok tết aval dahlau dalam anit ranam di ayut sahabat, hạ sỹ Mai Đăng Bách, urang hu umo thun sit abih di gilai mboh druat druai anak dom hatung hatian anit ranam di dom adei sa-ai ayut sahabat saong urang pan akaok maong gauk yau adei sa-ai. Bách brei thau, yaom lac uan sang, min gilai nan yau baoh sang kadua di drei: “Adei birau trun gilai hu 2 bilan, min adei tuk halei jeng hu dom sa-ai abih hatai tacei pato,, ini lac mbang akaok meti adei mbang tết atah sang, hu tapaok ahar tapei nung, adei biak druat druai.”

Kak kajap saong gilai 954 jaik 2 thun, gam saong dom ayut sahabat ngak rilo bruk,  hu bruk daong ba, tacei pato yau adei dalam sang, min daok oh ka tal 2 adit tra trung sỹ Nguyễn Văn Đức  ngak salah bruk quân sự mai veik palei, Đức oh pacang hu ia meta druat druai  tuk hu uan raok tết aval dahlau, jeng lac tet luac abih dalam bol lin. 2 thun ngak bol lin hu pato pasram ka Đức rilo kadha, min bruk bo Đức mboh drei hu ralo abih lac hatai anit ranam di ayut sahabat yau Yuan lac tình đồng chí: “ Thun ini hu tabiak truh bol lin dahlak jeng mboh sambai, min dahlak jeng mboh druat druai kayua atah ayut sahabat, labik dahlak kak kajap meng lavik mai. Yau nan min, dahlak jeng druat druai hu đơn vị peih bruk brei mbang tet dahlau…”

Raok tết aval di tasik saong ayut sahabat, đồng đội oh tuk halei mboh ấm áp yau ini, urang jak gauk pok cavan alak Xuân, pan kajap tangin gauk daoh kadha bhian daoh, nan yau panuac sanya, tuk halei jeng abih hatai taduan bruk ngak, khik kajap langik tasik piah ka palei negar hu sron mbon, salamat./.

Urang lang: Aí Nghiêm -7/1