Dahlau diah, sang ong Nguyen Minh Quang hu ngak trang trại raong pabui dalam tuk vak biak suai lavik. Kayua yaom pabui pablei tabiak oh tani tanat, bhian njauk jit ruak  yau nan ye thun 2001, ông salih tapa raong cim katrau pablei.

Tuk camereip, ong padang ngak var ro saong blei 50 yau katrau mai raong iek. Hadei di nan, ong raong tal 1.500 yau. Urak ini, tranmg trại katrau di ong Quang tuk halei jeng hu labaih 600 yau katrau caih menek, daok veik labaih 500 yau katrau pbalei rilo, katrau pajaih.

Piah pabak hatai caong di urang blei, ong raong 5 janih cim katrau piah pablei pajaih, pablei rilo saong pablei ka dom đơn vị, urang raong main, nan lac: katrau Pháp, katrau Xiêm, katrau manuk, katrau gà Banh saong katrau Xòe Nhật. Katrau hu raong dalam var hu pacang halam njul sir saong brei mbang pandap mbang cong nghiep. Urak ini yaom pablei katrau biak tani tanat, katrau rilo yaom labaih 80 ribau đồng sa yau, katrau menek yaom pablei 400 ribau đồng sa yau. Yaok harei, dalam var katrau ong caik menek 50 yau birau saong yaok adit ong pablei labaih 200 yau katrau rilo. Khan ka ilamu raong katrau hu jak jeng, ong Nguyen Minh Quang lac:

“Raong katrau do halei mek hu laba do nan. Piah raong hu laba galong, kasa meyah drei raong takik ye kan pablei. Drei raong jeng trang trại praong ye hu rilo urang mai duah blei. Daok Ilamu raong katrau, drei brei ramik hacih var ro, nyu caik menek rilo. Kadua, drei brei nyu mbang trei, njauk tuk vak, ginup dinh dưỡng pia nyu mebaoh; meng 2 tal 3 bilan drei brei nyu menyum jru ulo pui sa mbang, lavik lavik brei menyu jru gải độc gan piah tathuak dom jru mek tabiak.”

Langiu bruk raong katrau, ong Quang daok raong 150 drei manuk Đông Tảo, sa trại pabui labaih 200 drei. Yaok thun, sang ông laba hu labaih 1 tỷ đồng. Oh lac ngak kaya meda ka sang di drei, ong Quang daok kham ngak pahala daong ka puk palei. Yaok thun, sang ông buh tabiak labaih 70 triệu đồng piah daong bruk pachreih bac, padang ngak palei pala birau. Ong abih hartung hatain tacei pato ilamu raong katrau ka rilo sang karei ngak hu jak jeng. Ndom tal urang yau kareih camin ngak mbang naih joi ini, ong Nguyen Van Hòa, akok palei Lương Phú B, xã Lương Hòa Lạc lac:

“ Dahlak mboh sa-ai Nguyễn Minh Quang camereip raong pabui jeng mboh lagaih rilo. Mbiah tal tuk vak ini hu raong katrau. Sa-ai Quang kham ngak mbang, tari tarieng. Oh hu taneh riya, ngak mbang blei hu taneh riya padang ngak trang trại yau nan biak joi.”

Meng jak jeng dalam bruk raong glang, ong Nguyễn Minh Quang hu palih ruah brei angan Urang nong ngak mbang pablei salih naih joi pakat tỉnh rilo thun gam. Oh padeih di nan, urak ini ong Quang daok buh jien tame peih praong bruk raong katrau:

“ Pamaong tal thun 2017, dahlak caong khin raong 10.000 yau katrau mebaoh. Kayua dahlak hu darak pasar pablei rilo, bo oh ginup katrau piah pablei. Daok bruk daong xa hoi, dahlak kaoh tabiak meneing jien laba daong xa hoi yau sang bac. Tet ini, dahlak brei ngak bruk nan daong palei”.

Meng kan kathaot, ong Nguyen Minh Quang daok di palei Lương Phú B, xã Lương Hòa Lạc, huyện Chợ Gạo, tỉnh Tiền Giang kham merat ngak mbang hu kaya meda saong daong puk palei. Ong yau kareih camin di urang nong thau sahaneng hadah krah, sami samar salih birau jalan ngak mbang dalm tuk yam tame dunya harei ini./.