Pak di mbang camereip, tapon cim cút praong siam, brei baoh tani tanat, ba jien tame biak rilo ka sang. Meng siam lagaih di tuk camereip nan, sa-ai Tùng khang hatai buh jien tame raong  cim cút. Tal urak ini, tapon chim cút di sang sa-ai hu tal 20.000 drei.

Tui sa-ai Tùng, chim cút mbuan raong, takik pren iek glang saong samar mek veik phun jien, hu laba, tukvak piah sa drei chim cút praong bloh mebaoh meng 35 - 40 harei min, saong brei baoh dalam 7 tal  9 bilan. Tui yaom pablei trun tagok meng 3.500 tal 3.800 đồng 10 baoh, yaok harei sang sa-ai laba hu 2,8 triệu đồng. Tuk chim cút brei baoh takik, sa-ai salih tapa pablei ralo yaom meng 4.000 - 5.000 đồng sa drei.

Lingiu di nan, sang sa-ai daok  hu raong 1.000 drei menuk mebaoh, tui yaom pablei meng 1.700 tal 1.800 đồng sa baoh, yaok harei sang sa-ai laba hu jaik 1 triệu đồng.  

Ndom ka ilamu raong chim cút, Anh Tùng brei thau: Dalam tuk raong, pandap mbang hu makna biak praong. Pandap mbang tuk blei mai njauk pabak dom vi lượng. Abih di nyu nan lac pabak chế phẩm sinh học pandar ka menuk ada kayua nyu daong chim hấp thu hu abih chất đạm dalam pandap mbang, pacang ruak aih craoh, daong cút mebaoh rilo, dui atah tukvak mebaoh. Lingiu di nan, njauk khik hacih var ro, laneng lanoi, ginup pandiak, raong mbiah ginup. Bilan pandiak, khik ka var ro la-hơi, daok bilan li-an, njauk khik ka var ro ginup pandiak saong patagok độ ấm, nhiệt độ lagaih ka chim cút praong siam lac 20 - 30⁰C.

Tui sa-ai Tùng, bruk raong chim cút hu siam lagaih di labik lac, samar mek veik jien phun, jien buh tame oh rilo, takik jit ruak, takik pren iek glang, urang raong hu rilo tukvak padeih padei./.