Pathau mikva urang ngak nong! Meng 2 thun dahlau, baoh sang saai Hoàng Văn Thuý daoak di tổ dân phố 12, phường Hoa Lư (ban sit Pleiku, tỉnh Gia Lai) raong athur angaok nền blah tauk sinh học saong mek hu kein laba. Tui saai Thúy, raong athur angaok nền blah tauk sinh học oh mbau khak di tapon athur saong oh mbau bruk tal gah lingiu. Taphia di nan, tapon pabui raong praong siam jang kayua hu gaok dom janih hu vi sinh vật meng blah tauk sinh học, ngak ka nyu tiêu hóa siam jang saong pacang cakak hu dom jit ruak. Dalam kadha “urang ngak hamu caong thau” harei ini, kol dahlak likau khan ka bruk raong glang angaok blah tauk sinh học hu kein laba di saai Hoàng Văn Thúy daok di tổ dân phố 12, phường Hoa Lư ban swit Pleiku, tỉnh Gia Lai.

         Saai Thúy brei thau, raong glang angaok blah tauk sinh học jeng biak mbuan saong daok patak pataaom hu ralo jien dalam tukvak raong glang yau puh ramik var ro, menei ka pabui. Taphia di nan blah tauk hu ba tabiak ngak khak biak siam ka dom janih phun pala. Cambaih laih nan lac pandar dom janih mbuan duah, mbuan blei yau haleik padai, kanduh cà phê, iah kayau… srau tame blah tauk nền var ro, ini lac dom janih ngak ralai khang chất hữu cơ dalam var ro, ngak ralai khak, ia me-ik samar saong ngak patrun dom khí độc.

Tui amuk Nguyễn Thị Thùy Dung – urang jakar Jabat kinh tề ban sit Pleiku, baoh sang saai Hoàng Văn Thúy ngak hu siam bruk raong athur angaok nền blah tauk sinh học hu iek lac bruk ngak hu kein laba glaong saong daok hu pambak praong tal dom baoh sang hu raong glang athur meng var ro dalam puk palei. Gah chức năng di ban sit jeng hu pambuk bruk haong karja xã, phường jhul pakhang bruk pathau khan, jak ba saong ba mbuan lagaih ka dom baoh sang raong athur pandar hu siam. Urak ini, di dom xã, phường hu biak ralo baoh sang tut angan ngak tui mô hình ini dalam patagok bruk raong tapon pabui. Pleiku lac pasak kinh tế - ilamu di tỉnh Gia Lai hu menuac sia ralo, tui nan bruk patagok raong athur, menuk ada jeng khang, abih di nyu nan lac di dom bhum tapen ban sit. Urak ini dalaam ban sit pleiku hut al yaok rituh baoh sang raong pabui meng 10 drei tagok, dalaam tuk môi trường meng bruk patagok raong glang di puk palei oh ka hacih, pambak oh sit tal bruk ngak mbang, ngak huakrai di dom khu dân cư, kayua oh ka hu ngak công nghệ xử lý chất thải var ro. Kayua yau nan ye, bruk raong glang angaok blah tauk sinh học lac sa dalaam dom jalan ngak hu kein laba di abih, lagaih saong thực tế, langyah hu bruk ô nhiễm môi trường bo daok ba mai ralo kein lab aka urang raong glang./.