Pathau mikva saong taong abih gauk! 8 thun kak kajap saong bruk raong glang, saai Sa Lê daok di palei Vĩnh Hòa, xã Vĩnh Hanh, huyện Châu Thành, tỉnh An Giang hu iek lac patao raong le le kayua sa-ai raong hu janih cim glai  ini. Piah padang veik tapon raong, barau ini saai Lâ Lê hu saneng tabiak jalan ngak barau lac brei menuk kram baoh le le piah hu anek pajaih khang kajap, raong pablei tabiak negar langiu. Meng jalan ngak barau, urak ini saai Sa Lê hu jeng urang kaya dalam bhap bini bangsa Chăm daok di An Giang. Kol drei duah thau jalan ngak di saai Sa Lê dalam kadha urang ngak hamu caong thau harei ini:

Trại raong le le di saai Sa Lê hu jaik sa ribau drei hu rabha jeng 2 labik piah raong, taong abih jeng hu raong dalam labik meteh glai, meteh palei. Nan ye nyu  biak khang kadang, oh hu jit ruak. Pandap mbang di le le lac padai, rong rêu saong lục bình. Hadei di 8 bilan raong, le le praong, hu menuac mai duah blei, min oh ginup pablei..

 Mboh darak pasar blei biak khang, dalam tuk nan le le oh hu ralo saong dak harei dak takik. Yau nan ye, piah hu ginup le le pablei ka dom nhà hàng saong pablei tabiak negar langiu, saai Sa Lê nao duah thau, bac megru piah raong hu siam saong caih mebaoh. Saai khan lac : « Khin brei le le mebaoh saong kram baoh, urang raong dahlau di abih brei palih ruah sa labik joa lange, lahei, ralo hareik, ia hacih saong vir taom dar hu ar glaong thu brei ka nyu padeih padai. Tuk le le praong brei ruah tabiak yaok gu tano binai kreik karei. Yaom lac le le eng drei ngak sruh min siam di abih lac urang raong brei mek pon atau hareik thu tauk dalam la-i, canaih piah tuk mebaoh hu siam. Tuk le le mebaoh, urang raong oh gaok tangin tame baoh atau ba sruh nao labik karei ». 

Sa-ai Sa Lê brei thau, raong le le pablei oh kan, tok brei hu labik lahei, praong saong brei mbang ginup lac hu. Daok raong le le mebaoh ye biak kan, piah raong hu saong kram caih hu pajaih le le, Sa Lê abih 2 thun ruah duah. Urak ini tapon le le 2.000 drei hu Sa Lê khik caga dalam ro halam saong vệ sinh hacih dalam 1.000 m2 taneh bein, kreih danao ia hu lục bình, phun hareik, phun tăng daong ka nyu randap haong labik daok.

Piah ka tapon le le praong siam, saai hu ngak labik ka nyu daok siam, khang kadang, oh hu jit ruak. Pandap mbang ralo meng lac padai, rong rêu saong lục bình. Labik le le mebaoh saong kram baoh lac labik joa lange, atah labik menuac daok. Labik daok di le le siam di abih lac hu hareik saong ia hacih.

Yaok thun, meng tapon le le pablei ralo, saai Sa Lê caik veik dom rituh drei piah mebaoh nan ye luac thun, trại raong di saai jeng hu le le mebaoh . Baoh hu kram jaik 28 harei ye caih nek. Raong meng 6 bilan ye pablei hu. Kayua darak pasar urak ini oh ginup pablei nan ye piah dui panak tukvak padang veik tapon, Sa lê hu mek 60 drei menuk binai mebaoh piah kram baoh le le salih ka bruk kram meng mac, tapa nan mek hu siam mekre rilo jang saong dui panak hu tukvak baoh caih meng 28 trun daok 22 harei.

 Urak ini, le le ralo hu pablei ka drak pasar dalam atneh ia saong TQ yaom meng 500.000 – 600.000 đồng/drei. Yaok thun saai Sa Lê  mek jien tame hu labaih 500 triệu đồng meng le le.

. Kadha urang ngak hamu caong thau adit ini tal ini lakau padeih. Kadha kayua rayo sap ndom VN pambuak saong pasak pachreih nông negar peih ngak./.