Raong limo angaok đệm lót sinh học

Pathau mikva urang ngak nong! Ông Nguyễn Lợi Đức daok di xã Lương An Trà, huyện Tri Tôn, tỉnh An Giang lac sa dalam dom urang nao dahlau dalam bruk peih trang trại raong limo pajaih angaok đệm lót sinh học. Ini lac bruk raong limo quy mô praong, peih tabiak jalan nao khang kajap ka bruk raong praong. Dalam kadha “ urang ngak hamu caong thau harei ini, kol dahlak hu kadha vak brei thau ka bruk raong limo angaok đệm lót sinh học di ông Nguyễn Lợi Đức daok di xã Lương An Trà, huyện Tri Tôn, tỉnh An Giang.

Trang trại limo pajaih di ông Nguyễn Lợi Đức di xã Vĩnh Gia (Tri Tôn) praong labaih 700 héc-ta saong daok hu peih praong. Ông Đức brei thau : dahlau thiah, dahlak ngak padai pajaih. Hadei di tuk hu huyện Tri Tôn brei nao ravang iek bruk raong limo di huyện Ba Tri (Bến Tre), dahlak mboh raong limo chất lượng glaong lac jalan nao khang kajap. Hadei di nan, dahlak nao tal dom labik raong limo di gah Đông Nam Bộ piah bac megru alamu saong peih ngak.

Tal urak ini, meng 71 héc-ta taneh di mblang hamu ar pacang daok di ấp Vĩnh Lạc, xã Vĩnh Gia (Tri Tôn), ông Đức hu salih meng ngak padai pajaih tapa pala hareik raong limo piah duh ka bruk raong tapon limo chất lượng glaong, raong praong. Ini lac sa dalam dom bruk raong limo praong, pambuak pagam saong kein laba, piah patagok dom bruk sản xuất praong tui jalan pambuak gauk hu kein laba ka doanh nghiep saong urang nong .

Piah padang trang trại raong limo rilo saong limo binai, langiu bruk pilih ruah dom drei limo lai sind khang kadang di puk palei, ông Đức daok nao tal dom pasak roh duah, raong glang athur praong di Bình Dương piah blei dom pajaih limo negar lingiu praong drei ye : Drought Master, Brahman, Red Angus… ba mai lai tạo saong pajaih limo puk palei hu pilih ruah siam piah nhân giống ngak jeng tapol limo rilo chat luong glaong. Tal urak ini, ông Đức hu padang klau trang trại raong limo, yaok trang trai praong 1.000m2. Ông Đức jeng hu buh tabiak labaih 10 tỷ đồng piah padang var raong praong laneng, khang kajap, trang thiết bị duh ka raong glang saong blei pajaih. Piah raong limo hu kein laba glaong, ông daok hu pandar đệm lót sinh học ka limo binai. Jalan ngak ini gam patak pataom hu phun jien, gam pandar khak limo ngak khak drak ka phun pala.

Bruk praong nan lac raong limo angaok đệm lót sinh học limo praong samal saong hu kein laba glaong. Ông Đức brei thau : tal urak ini hu labaih 7 bilan pandar đệm lót sinh học, duk saong raong limo meng var raong tuh bê tông ye var raong hu đệm lót sinh học patak pataom hu rilo pren ngak, takik pren pasang iek, drei limo raong angaok đệm lót sinh học jeng hacih rilo jang limo raong thông thường”. Ông Đức daok kuhra lac, dalam thun 2015, tuk hu daong jien mesraiy, ông blei veik jaik 500 drei limo pajaih, piah tal puac thun 2016 trang trai hu 2.000 drei .